جهزت أول الصواني(صينيه لنا وصينيه لبيت خالي الغالي والصغيرة لصاحبتي العزيزه)
جهزت حليب (نيدو أو الصافي أو السعوديه عادي اللي متوفر اسوي فيه)
وهنا صحن فيه القرفه (الدارسين المطحون او السينامون)
وهنا قطعت الصمول الى ثلاث اقسام (تقريبا 3 اكياس او 4 لثلاث صواني)
++++++++++++++++++
بعدها بديت بالشغل
اخذ كل قطعه صمول واغمسها من 4 جهاتها في الحليب بسرعه يعني مو تغميس كامل وبعدين امررها في القرفة عالسريع نفس الشي
وهنا رتبته في الصينيه
نجيب جوز (عين جمل)
ونحط قطع الجوز بين القطع
+++++++++++++++++++++++++++
المرحلة الثانيه من العمل
نجيب حليب نستله المحلى+ جبن كيري (لكل 9 كيري احط نص حلبة حليب)
(يفضل تخلطين الكيري لحاله بالخلاط وبعدين تضيفين الحليب عشان مايطلع عنك زي الحبوب)
اصب نص المقدار تقريبا على وجه الصينيه وأخلي الباقي لبعد اخراجها من الفرن
ندخلهم الفرن (ماياخذون وقت تقريبا من عشر الى ربع ساعه)
بعد مانطلعهم من الفرن تكون الطبقه عليهم جافه فأرجع اصب باقي المقدار عليهم وازينهم بالشوكليت سيروب وأدخلهم الفرن مرة ثانيه وهو حار (بس مطفي)
وهنا بعد التزين
وأخليهم في الفرن الحار تقريبا 5 دقايق واطلعهم وينأكل وهو دافي (يجنن) علينا بالعافيه
ويش رايكم بالطبق
استاهل الردود الحلوة منكم
والله يعطيج العافيه