عندي صراصير صغيره مرره بالمطبخ ابي علاج يكافحهن

السلام عليكم / حياكم الله يابنات ديرتي

عندي سؤال اتمنى انكم تفيدونني فيه وانا لكم شاكره

عندي بالمطبخ صراصير صغيره مره ، ذابحاتني ، ارشهم بف باف واحط لهم بودره وكل شيء سويته لهن ولايموتن

يدخلن جوا الدالوب وبكل مكان بالمطبخ يتواجدن

على الرغم من اني انظف المطبخ مرره ولا اخلي اي رطوبه ، حتى الاواني لاخلصت وسبعتهن ونظفتهن مسحتهن ونشفتهن ودخلتهن جوا الدولاب

يعني موب مخليه اي وسخ او رطوبه بس مدري ليش مبهذلاتني

جاب زوجي مبيد حشري قوي تحطينه بغرف التفتيش والبواليع ويقتلهن نهائي

وفعلا قتلهن من البواليع ولا لهن اي اثر ، بس لازلت اشوفهن وبكميات قليله وسط الادراج اللي قليل استدخامي لها

ماتصدقون اذا قلت لكم والله اني استخدم ديتول وكلور وكل انواع المنظافات واسبوعيا انظف جوا الدواليب واعقمهن بس برضو مافيه فايده
لازلت اعاني من هالصراصير الصغيره

ادري اقرفتكم بمشككلتي بس اتمنى من اللي عنده علم ان تفيدني والله متبهذله منهن ، كرهنني عيشتي وكرهت المطبخ والاواني

احس انه بكل ماعون قذارتهن