07-03-1431 هـ, 03:11 صباحاً

مراحب للي يبون يسمنون!!




✿ شراب ومن غير تغصب ✿


/


هذا شعار الحليب اللي اخترعته


سهل سهل سهل.. كل شي بالبيت..
طبعا عرفت ان الماش يسمن مثل الحلبه لكن من غير اي اي اي رائحه..
فقلت بصير اعتمد على الله ثم عليه..

وكون فوائده تنحصر في انه يسمن ويقوي العظام فقط
هذا الشي يخلي الحلبة تتفوق عليه لأن فوائدها اكثر بكثير بكثيير
لذا ينصح فيه نتناولة عشان ماتوجعنا اسفل ظهورنا


في البداية احب اعلمكم اني انسانه ماتحب تتغصب النكهات المخلطه
ولا احب النكهات المركبه اللي ماعرف احلل مكوناتها
ولا روائح النكهات القويه اللي أحس تسوي طعنات بدماغي يتبعها صداع..
عشان كذا قررت اسوي واخترع هذا الحليب..
عشان نفسيتي ماتصير × لأن اذا صارت × ما راح يجيب اي نتجيه ايجابيه وكذا الخطط ماتمشي تمام

كلنا نعرف ان النفسيه لما تكون ممتازه نتائجها تنعكس على الانسان بشكل رائع..
ابشركم هذا الحليب وانا اشربه كانت نفسيتي تمام التمام

██نخش في الموضوع..██




وش سويت؟

سلقت الماش.. صار لين.. }..
[حلو انك تخلين المويه على قده وماتضطرين تكبين لأن مليانه فيتامينات..
يعني لاتسوين غلطتي اللي سويتها اول مره كبيت مويته لأنها فايضه وبعدين
استوعبت ان فيها فوائد..فخلي المويه على قد الحبوب ولما تبدا تغلي قصري
على النار خليها تطبخ على الهادي الين تلين..]


{.. خذي الحبوب اللينه حطيها في الخلاط المخروطي..

كبي كاستين حليب مراعي فوقهم عشان تشربين وحده بالنهار ووحده بالمساء..}...


اوكليه؟؟


نجي للخطوه اللي بعدها وهي وضع عناصر تخليك تحبين المشروب..

{سكر معتدل - رشة هيل بسيطه - رشة زنجبيل - نتوفة زعفران لو فيه}..
لأن نعرف الزعفران دايما يخلص لأن علبته صغيره


εїз εїз εїз


شغلي الخلاط لين تحسين اندمجت المكونات بشكل ممتاز وان المآش اتنتف << احس شريره


طيب.. ؟

الان حطي في بالك ان المآش جرمه ثقيل لازم اول ما توقفين الخلاط تفرغينه في كوبين بسرعه عشان ما يترسب في قاع الخلاطه ثاني.. ولو اترسب شغلي الخلاط ثاني..
وبالعافية يارب


هذا المشروب ذكرني بالميلك شيك وهو بارد..
وبالسحلب لما شربت الكوب الثاني وهو ساخن



يجنننننننننن بنات يجنننننن بجد ..
ماراح تتغصبون عليه[ أ ب د اً ]

وان شاء الله نسمن منه.. وصورته هي اللي فووق ^_^


انا سبب عدم سمنتي نفسيا وفوق هذا انا اساسا مالي شهيه قويه تجاه الطعام..
وزني 42 وطولي 162


صرت اذا دخلت المطبخ اذا مريت ع مكسرات نقيت كم حبه كذا فيها دهون مشبعه

واشرب مويه فيها شوية موية ورد..

واللبن والحليب والزبادي لو بالثلاجه شي قليل الدسم وشي كامل الدسم طبعا علطول على كامل الدسم..


وبس سلامتكم


ارجو لمن احبت موضوعي تدعيلي ان ربي ينولني مرادي..

بجد انا امشي ع المنتدى اشوف وحده تطلب دعاء او توقيعها طلب دعاء ادعيلها بحسب ما تتمنى

يآآآرب

في الأخير دعاء..

سبحان الله وبحمده سبحان الله العظيم

لا اله الا انت سبحانك اني كنت من الظالمين

اللهم استرنا فوق الأرض وتحت الأرض ويوم العرض..
07-03-1431 هـ, 03:24 صباحاً
الله يحقق لك جميع امنياتك
07-03-1431 هـ, 03:42 صباحاً
مشكووووووووووووره ياقلبي بس نصيحه ابعدي عن السكر واستبدليه بالسكر النباتي
اللهم يسر وسهل اموري
07-03-1431 هـ, 03:45 صباحاً
طيب والمويه حقت الماش وش تسوين فيها

وياليت كمية الماش اللي تحطينها انتي

وسؤال ثالث خخخخخخخخ تحملي شوي الكوب الاول تشربينه على الريق ولا اي وقت في النهار

والكوب الثاني حق الليل متى تشربينه قبل النوم ولا في اي وقت بالليل

وآآآآآآآآآآآآآخر سؤال خخخخخخخخخخ طلع لك خدود خخخخخخخخخخ
07-03-1431 هـ, 03:57 صباحاً
الله يوفقك فعلا الماش يمتن وعن تجربه
هههه عشرين يوم وما شاء الله صرت دبه


االلهم لك الحمد حتى ترضى ولك الحمد بعد الرضى
07-03-1431 هـ, 04:12 صباحاً
الله يوفقك وينولك مرادك
07-03-1431 هـ, 04:43 صباحاً
مشكوررررررره ع الوصفه ان شاء الله اجربها
07-03-1431 هـ, 04:55 صباحاً
الله يسعدك يا ديما 85
على هالمعلومه لما ولدت شريت كيس ماش يا كبره ابغاه يسمني واستعيد وزني قبل الحمل لأني في الحمل اتعب مره وينزل وزني
بشكل مروع
وما قدرت اتقبل طعمه قلت لا والله خلي هالعظام طالعه احسن من ذا الطعم اعذب في عمري به
خليني اقوم على كيسي واجرب
بس قوليلي سمنك ؟
وفي خلال كم ظهرت النتيجه ؟؟
07-03-1431 هـ, 05:22 صباحاً
مشكوره الله ينولك الي في بالك أنا طريقتي غير أحمسه وطحنه و أشربه في حليب ساخن
07-03-1431 هـ, 05:36 صباحاً
انا اكثـر وحدة محتاجتها عاااد سمعت عن الماش كثير بس ماحبيته
أن شاء الله أسويها ويالله يسمني ويسمنكـ والجميع بصحة وعافية وأجسامـ رووووعه ويحقق كل أمانينا
يــــــــــــــــــــــــــــــــــــــــــــــــــــــــــــــــــــ ـــــــــــــــــــــــارب


الساعة الآن 06:22 .

جميع الحقوق محفوظة - عالم حواء - 2015