06-03-1431 هـ, 04:13 مساءً
السلام عليكم ورحمه الله

مشكلتي من زمان اعاني منها (تظهر على شفايفي حبوب احيانا حبه وحده واحيانا اكثر واحيانا تظهر على طرف الشفايف واحيانا بوسطها وهي تقريبا مو زي حب الشباب لا زي الكيس الدهني تنتفخ شوي شوي لين تنفتح من نفسها بعد كم يوم ويطلع منها صديد ووتتحول لجرح اتضايق منها اذا طلعت وتكبر وتكبر وبعد كم يوم اذا انفتحت وطلع الصديد تتحول لجرح او مكان لحبه واقعد فتره اعالج فيها باي شي لين مليت

وطبعا شكلها يفشل ويحرجني قدام زوجي لان شكل الشفايف مقرف اذا جتني

وهي لها كم سنه بالعاده تجيني كل كم شهر مره بالسنه لاكن الحين طلعت من اسبوعين وفشلتني لاني كنت معزومه بحفله وانحرجت ويوم فرحت انها راحت رجعت مره ثانيه

تعبت من الاحراج ومنها علما انها اذا بدت تكبر تقرصني شوي واصير كني نافخه شفايفي

بنات وش اسبابها وايش علاجها تكفون الي ماعندها حل او عندها لاتخلوني من دعائكم جدا خايفه ومااقدر اروح للمستشفى لظروف

الله يجعلها بموازين حسناتكم يوم القيامه
استغفر الله العلي العظيم واتوب اليه ) ..

06-03-1431 هـ, 04:40 مساءً
ههههههههههههههههه الحين هذي الحبه عندي في شفايفي

واحده فوق ووحده على الطرف تحرق وتحك وشكلها مقززززز

لا وتكونت قشره سوده تخيلي المنظر

سالت ممرضة الجامعه قالت لي هذي الحبوب بسبب فايروس

وفي لها دوا في الصيدليه تحطيه كم مره وتختفي الحبه

بس انا ما رحت الصيدليه ما عندي وقت

روحي قولي للصيدلي ابغى دوا حق الحبوب ووريه الحبه

ان شاء الله اكون افتدك مع شكل شفايفي اللي يفشل :P


06-03-1431 هـ, 04:41 مساءً
أعتقد هذه مثل الي يطلع لي يسمونه : لطمة سخونة
بالعادة تطلع لي اذا كنت متضايقة مرة ..

فيه مرهم بالصيدلية ناسيه اسمه يا قلبي اتذكر مرسوم عليه شفة و نقطة حمرا
يعني هو بس لهالشيء ..

توها طالعه لي اسبوع تقريباً والان طبت الحمدلله
من فترة صرت بس احط فازلين عليها و كله يومين والثالث تجف
بس ما احاول ألمسها الا وقت الوضوء وامسح الموية بمنديل نظيف و لما احط فازلين بعود أذن صدق
شغلة طويلة ؛ عشان ما تتلوث و تسوي بقعه مكانها

أنصحك حاولي تروحي لطبيب جلدية افضل .. يمكن عندك الحالة بزيادة او شيء حساسية
ربي يشفيك و ييسر لك أمرك يارب آمين

ما تشوفين شر , وقدامك العافيه
06-03-1431 هـ, 04:43 مساءً
مثل حالتك بالظبط واتمنى القالها علاج بس شكلي باأستخدم الشراب الاخضر
06-03-1431 هـ, 04:44 مساءً
شوفوا وحده كتبت هذا الموضوه

ما شاء الله كميه عندهم الحبوب شكلها موضه خخخخخخخ

اقتباس مشاركة  (زهرةزهرية)
السلام عليكم ورحمة الله وبركاته

اليوم حبيت افيدكم

بكريم هو علاج الحبه الي تطلع في الشفايف(النفر)................

وهي غالبا تكون بعد سخونه أو فطريات بالجلد عموما وكمان ينفع لحب الشباب.........

هو اسمه فيوسيدن الي عليه خط احمر موبرتقالي وهذه صورته.....................




ودعواتكم الحلوة



وكل عام وانتم بخير


06-03-1431 هـ, 05:02 مساءً
صحيح والله الشفايف تطفش مرره ابي شي طبيعي ينعمها ويبعد التشققات عنها وتكون مليانه اللى تعرف تفيدنا جعل مثواها جنات النعيم
06-03-1431 هـ, 10:47 مساءً
يوووو شكل الموضه منتشره مع هالحبوب العله ومايحس فيها الي الي مجربها تغث
ومحتاره صح حلو استعمل مرهم ابو اسد بس ودي نعرف اسباب هالشي بالتفصيل عشان نتفادا حدوثها

ويعطيكم الف عافيه على المشاركه ولا حرمكم ربي الاجر

ننتظر البنات المجربات وتشافوا منها
استغفر الله العلي العظيم واتوب اليه ) ..

06-03-1431 هـ, 11:20 مساءً
انا زيك والله كانت تطلع لي وتشوه فمي وتضخم لدرجة شكلي يتغير تماما ورحت لطبيبة ماعندهم سالفة مرة هربس بسم الله علي وش جاب الهربس لي ومرة قالت نقص مناعة ومرة فقر دم والله خرابيط مادري وش سالفتها بس انتي داومي على الرقية اقري الفاتحة وانفثي والله يشفينا اجمعين ......



06-03-1431 هـ, 11:45 مساءً
هذي فطريات دااائما تطلع عندي واول كنت استخدم الكريم اللي منزله صورته الاخت زهره رهريه مرررررره حلو الكريم استخدميه وتختفي ان شاء الله واستخدمي المسحات الطبيه حلوه ...
06-03-1431 هـ, 11:53 مساءً
نفس الحاله ومشهوره فيها والله وسبحان الله لاجتني ضاق خلقي ماكلم احد ولااطلع اتوقع تجي للبشره الحساسه بس لقيت علاج لحسيت فيها قبل تكبر احط بمكان الاحمرار معجون الاسنان سينجال والله تختفي ادعيلي ان زوجي ينقل للمدينه الي ابيها
ما كل ما يتمناه المرء يدركه ********* تجري الرياح بما لا تشتهي السفن


الساعة الآن 03:17 .

جميع الحقوق محفوظة - عالم حواء - 2015