تجمع لمرضى التصلب الويحي المتعدد/ قديم

الصحة واللياقة

السلام عليكم ورحمته الله

كيفكم بنات

حبيت افتح هالتجمع لمريضات التصلب الويحي المتعدد
بعد ماعرفت انه في مصابات بهالمرض
من موضوع الاخت فراولهـ فوشيهـ
الله يجزاها الجنه ويشفيها يارب


هالتجمع بأذن الله راح يكون فاتحة خير علينا

ياليت كل وحده منا تعلمنا كيف جاها المرضوكم لها سنه ومتى اكتشفوه عندك
وكيف تقبلتيه واهلك تقبلوه ولالا



عني انا راح ابد واقولكم
انا جاني يوم كانت بأول ثانوي
كنت بالبيت وجالسه قدام التلفزيون والصراحه كنت مزعله امي واخذتني العزه بالاثم ماراح اراضيها
شوي وجاني خط اسود بوسط عيني وصرت افركها يمكن تروح
بس ماراحت
رحت لاامي واقولها قالت نامي وبكرا يروح
صحيت من بكرا بس كل مالها يكبر هالخط
لحد ماصار لي اسبوع وصار فيني عم تام
مااشوف شي ابد بعيني اليمين
بدت المشكله الاحد والاحد الجاي كنت بالمدرسه جالسه بالفسحه شوي وتصرخ صديقتي وقالت لي وش فيها عينك طلعت فوق (قصدها العدسه السوداء ارتفعت عن مكانها)

انا ماصدقتها لحد مااخذت المرايه وشفتها وانصدمت بصراحه بس مابكيت مع اني المفروض ابكي من الخوف :icon33:
رحت وطلبت اتصل على ابوي يجي يااخذني وعلمته السالفه
والله يطول بعمره ابيي جايء على طول وناداني لكن المديره الله لايوفقها خلت ابوي واقف بالشمس من الساعه 10 الصبح لحد مافتحوا الباب الساعه 12 ونص
طلعت على طول وشافني ابوي بس سكت ورجعني للبيت وشافتني امي طبعا اهلي الله يهديهم ماسوا شي
لدرجه ان اخوي كان يقولي كذابه اصلا مافيك شي
حتى سكرت عيني اليسار وخليت اليمين قلت يالله تاكد
وربي جاب السكينه وقربها مره لعيني بس والله لو رمشها بلحظتها اهلي صدقوني بس ماودوني للمستشفى
الا بعد يومين
رحت لمستوصف خاص لدكتور صالح
قالي والله مادري وش فيك بس اتوقع الي عندك جلطه بالعين << طبعا احوليت اول مره اسمع بشي اسمه جلطه بالعين :mad:
بس انصحك تروحين لمستشفى كبير
روحي لمستشفى الملك عبدالعزيز الجامعي ولا خالد للعيون
طلعنا من عنده وانا مادري كيف وضعي صراحه بس ساكته
قالت لي امي هاه نروح قلت يالله دامنا قريبين من المستشفى عبدالعزيز الجامعي

دخلنا على المستشفى وسجلت اسمي وطبعا كان زحمه شوي بس من قلت لهم عمى تام على طول استعجلوني ودخلوني وهذا اول مره اراجع مستشفيات لموضوع مثل كذا
بعدها قرروا اني اتنوم عندهم 5 ايام
عطوني كرتزون 3 ايام بالوريد وبعدها عطوني 30 حبه كرتزون
وقتها كان وزني 56 :hahaha:

وانفتحت شهيتي بشكل مو طبيعي
لدرجه وربي ماتصدقون
اني صرت اطلب من المطعم
هامبرجر صاروخ شاورما وشاورما صغير وصحن بطاطس كبير و2 ببسي ياويل احد يقرب هههههههههههههههههههه

المهم بعدها وقفت الهجمه
وقفت حبوب الكرتزون بالتدريج
وبعدها بدت معي الهجمات لحد ماوصلت 19 هجمه والحين بدت معي 20 :hahaha:




مره اشوف عنايه روعه ومره اتهاوش مع الدكاتره ياذابح يامذبوح هههههههههههههههههههههههه
ومره قريت سوره من القراءن
الظاهر كانت الانبياء وبعدها نمت
طبعا قالوا لي اني اشوف الي معطيني العين
وسبحان كان الواضح مره
مدرسة الاحياء وطالبه كنت انا وياها نتافس على الاولى

خلنا نشد ازر بعض ونتفائل


بس تدرون بنات في شي انا لاحظته اذا انتم ملاحظينه معي ولالا
انا عن نفسي اتأثر كثير بالي اشوفه من اي مريض

ولي تكلمه بعدين بس خلوني اشوفكم يارب

2K
408K

هذا الموضوع مغلق.

ام عبدالله12مره
حبيت اعدل على المشاركه بس يتعذر كل شوي

انا معي المرض الحين صار لي 8 سنين
بس اكتشفوه من 3 سنين

سويت مقابله مع سامي الثنيان بحكم انه صديق عمي
بس استخرت وسبحان الله الي ردني عنه
الحين لي سنيتن بسوي السع بس ماني قادره امشي على الحميه ابد

واهلي ماتقبلوا المرض ابد ابد ابد
وبالبدايه انا ماتقبلته بس بعدين صرت عادي
فراولهـ فوشيهـ
http://forum.hawaaworld.com/showthread.php?t=2135333

ادخلوا هذا الرابط وتعرفون قصتي..~

واشكر اختي ام عبد الله 12 مره على طرح الموضوع..~

ام عبدالله12مره
لبى قلبك


فراوله


معقوله مافي الا انا وانتي بس
ام عبدالله12مره
قمة الاحباط هالتجمع
فراولهـ فوشيهـ
لا مو بلحا لنا وربي لو تشوفين الحالات الي اشوفها كنت اعتقد ان مافيه الا انا الحين فتحوا عياده خاصه بالمستشفى العسكري بالرياض اسمها عياده التصلب اللويحي لان اعداد المرضى بازدياد وفي المنتدى فيه ثنتين غيرنا وربي يشافينا ~