السعودية - جدة حراء
رياضيات وانجلش
تأسيس قراءه وكتابة ومتابعه المواد للابتدئى رياضيات وانجلش للمتوسط
              

السعودية - جدة حراء
رياضيات وانجلش
تأسيس قراءه وكتابة ومتابعه المواد للابتدئى رياضيات وانجلش للمتوسط
موضوع مغلق
 
أدوات الموضوع انواع عرض الموضوع
قديم 29-02-1431 هـ, 01:29 مساءً   #1
درب على درب

عضوة نشيطة
 
تاريخ التسجيل: 22-02-1429 هـ
المشاركات: 375


ارهــــاب العملية القيصريـــة في عالم حواء وغبـــاء المجتمــع< اكتفى من الردود

تنويه

(انا لا اشجع عالولادة القيصرية ومااقول انها افضل من الطبيعي)


اهلين بنات

اللي خلاني اكتب هالموضوع ولادة اختي القيصرية وفيه من هم على شاكلة اختي كثييير


اختي صغيره عمرها 18 سنة ولدت قيصري

اول ماولدت مبسووطة وقالت بس كذا الولادة نمت وقمت ولقيت بنتي جنبي

بدوا الزوار يجون وكل كلامهم ياحيااااتي قيصرييية ياحراااام ياعمريييي مسكييييينة خلاص ماراح تجيبين الا مدري كم وكله تاسي وترحم وكانه صاير مصيييبة عظيمة كانهم باترين رجلها او ايدها اتوقع اللي باترين رجولهم اهون على كلامهم

طبعا اختي صغيرة وماتدري وشو القيصري وشو الطبيعي طارت عيونها وماتدري وش السالفه وحست ان اللي صايرلها مصيبه وشي كبير وانها مسكينه
جلست تصييح وجاها كابة في نفاسها كله تبكي .. عشان ايش؟!! عشان قالولها ياحرام مسكينه (عاد اختي حساسة وتبي تكون مثالية بكل شي)
وجلست تدور في النت (عالم حواء مافي غيره) طبعا في المنتدى صاير ارهاب القيصرية

صراحة حزني مرره وضعها


مسكتها


قلت ليه انتي زعلانة؟ جرحك يعورك

قالت لا

قلت تعبتي في العملية

قالت لا


طيب ليه زعلانة

جلست تقولي خرابيط الحريم اللي جالسين يقولونلها واللي قرته في منتداي الفاضل


قلت لسالفة تحديد النسل كم راح تجيبين 10؟
اللي ولدوا طبيعي ماجابوا 10 وانتي تقدرين تجيبين الى 8 واكثر على حسب حالتك
فلا تقولين تحديد نسل ما تحديد نسل


وقتها كنت حامل واخذها لدكتورتي تسالها

والدكتورة ميتة عليها من الضحك..تقول انتي شايلة هم ومحزنة نفسك على ولاشي ..الولادة نوعين طبيعي وقيصري مثل اذا قلتلك العصير نوعين تفاح وبرتقال..تقول هنا عندكم في السعودية معتبرين القيصرية مصيبة يمكن لان القيصري اول تمر الوحدة بولادة متعسرة تجلس 3 ايام وكان الجرح في الطول ويتعب الوحدة وماتسويها الا انها متبهذله قبل ..اما اللحين تطور الطب وصار على خط البكيني والقيصرية تعتبر من اسهل وابسط العمليات ماتستغرق ثلث ساعة


قالت اخاف تتاثر صحتي من كثرة العمليات
قالت ابدا هم يفتحون نفس الجرح الاول


قالت اخاف رحمي والهرمونات تتاثر بعدين اذا كبرت ووصلت لسن الياس
قالت ابدا ماله دخل


قالت اخاف يصيرلي كرشة <=طبعا نقلا من كلام الحريم اللي جوها
قالت ماله اي علااااقة


سكتت (خلصت اسئلتها بس فيه شي جواها ماخلص)
قالت طيب ليه الناس يقولون ياحراااام؟احس اني انسانة فاشلة انوثتي ناقصه
هنا الدكتورة ماتت من الضحك
قالت اللي يقولون ياحرام محد يقولها الا عندكم في السعودية حتى انهم اثروا على الدكاترة اللي موجودين هنا
ولو انتي مجربة الطبيعي ماقلتي هالكلام بعدين الناس اللي ماتحمل مجردين من الانوثة!!! وتضحك عليها
قالت انتي مين مدخل الافكار الغريبة هذي في راسك
كثييير يجونا يبغون قيصري
وكلامك انك خايفة على جمالك وصحتك
اشهر المغنيات والممثلات يولدون قيصري
انجلينا جولي جنيفر لوبيز نانسي عجرم نوال الزغبي كلهم عمليه
وهم اكثر ناس يخافون على صحتهم وجمالهم

قالت تبينها من الاخر انتي زيك زي اللي والدة طبيعي بالضبط بس هي تحت مسمى طبيعي وانتي قيصري
وهي جرحها تحت وانتي فوق بسسسسس





ارتاااااااااحت اختي مررره وقالت لو حملت ثاني ابغى قيصري
حتى بعد كلامها صارت تهتم ببشرتها وشعرها وجسمها وانبسطت واول ماولدت ماسوت ولا شي مع انها مسويتلها جدول ايام حملها كانها تقول خلاص خربانه خربانه هههههههههههههههههه



اختي طالعه من الولادة مبسوطة مرره بس يوم جوها الناس اكتئبت

بصراحة بعذرها تخيلي كل اللي حولك يقولون التفاح شين التفاح سبب كذا ويسبب كذا التفاح اللي ياكله مدري شيصيرله وشافوا وحدة ماكله تفاح وقالوا ياحرام ياحياتي المسكينة هي تصدق انها ياحرااام ويضيق صدرها لان كل المجتمع اللي حولها يقولها انتي مسكينه وهم ماعندهم سالفه <== ابوك يالتشبيه.. تكفين لاعاد تشرحين هههههههه


لا بس من جد


وش هذا؟


وش هالتخلف اللي عندنا



مره كنت في مجلس ومجموعه يسولفون
قالت وحده:اييه .. فلانة ماتولد الاعمليات وتضحك وهم يضحكون!!!!!!!!!!!!!!!
باللهي فسرولي الجملة اللي فوق
هذا تفكير مجتمعنا
بعذر اختي اذا اكتئبت اذا كل اللي حولها كذا


فيه ناس كذا تفكيرهم
يحسون اللي تولد عملية ناقصة او فيها عيب خلقي مثلا ههههههههههههه
وينظرون لها نظرة ثانية خخ


وهي تصدق ومعنوياتها تتحطم


حتى اشوف مواضيع بعض البنات

بنات ولدت بعمليه اهئ اهئ

والثانية

مااولد الاعمليات <== وحاطه هالفيس

والثالثة

ادعولي اولد طبيعي ولدت مرتين قيصري



ليه كل هالحزن والالم والكابة

عشان ايش؟


ولا اللي يبون طبيعي


ماودي احلف بس متاكدة انهم يبون طبيعي عشان الناس تقول فلانه ولدت طبيعي <= بنت خالتي اعترفتلي

طيب واذا الناس قالوا فلانة ولدت طبيعي وبعدين؟؟؟؟؟؟ (لايعني اني ضد الطبيعي)

بنات بليز لاتصيرون غبيااات

اذا صار المجتمع غبي لا تصيرون اغبى منه


من جد ابغى اسال لكل وحدة تبي طبيعي وهي تولد قيصري..ليه تبين طبيعي بصرااحة؟
مع اني احس الاغلب عشان السبب اللي قلته عشان الناس





وبالنسبة للجرح
جرح صغييير اسفل البطن عند منطقة العانة مثل هالصورة




ولحد يقول يشوه اختي استخدمت عسل عليه وماشا الله اختفى نهائي كانها ماسوت عمليه
وصراحة شكله حلو عند تشققات البطن من الحمل هههههه


فياللي ولدوا قيصري

اصحوا


اصحوا


اصحوا


انتم بنعمممه لاتخربونها على هم ماله وجود اصلا
ويكفي مميزاته لا طلق ولا دفع ولا خروج راس تنامين وتقومين مع شهادة ضمان انك تبقين بنت البنوت هههههههه






(ماابي ردود الطبيعي احسن من القيصري ....الخ لان هدف الموضوع واااضح)









درب على درب غير متواجد حالياً إرسال الموضوع إلى الفيس بوك إرسال الموضوع إلى تويتر




29-02-1431 هـ, 01:33 مساءً
#2
سلمت يمينك ،،، ياليت عندنا وعي كان ما وصلنا لهذا المستوى


توقيع

الحمد لله
Najluna غير متواجد حالياً  



29-02-1431 هـ, 01:38 مساءً
#3
والله ياقلبي انا مثلك استغرب الي تقول جايبه قيصري الله يعينها انا صدق ان ولاداتي طبيعيه
بس والله كثير اعرفهم مايجيبون الاقيصري ومرتاحات من الولاده الطبيعيه
وزي ماقلتي كله جرح بس الموقع يختلف وبالنسبه للبطن
ماشاء الله لاقوة الابالله حماتي قيصري وبعد كم شهر رجع بطنها لاصق بظهرها
يعني اهم شي الاهتمام والعنايه
عمتي عندها ستة اطفال كلهم قيصري
وثانيه اعرفها عندها ثمانيه وكلهم قيصري
بصراحه فيه بنات يكبرون الموضوع الله يهديهم مو كلهم بعضهم
وطمني اختك وقوليلها الي كاتبه ربي بيصير سواء قيصري ولا طبيعي


توقيع

اليوزر مشترك بيني وبين صاحبتي

ميهاف الرياض غير متواجد حالياً  



29-02-1431 هـ, 01:40 مساءً
#4
صادقه والله ههههههههههه ياحبي لك طالع كلامك من قلب طالع هةنتي علي عمليتين0


توقيع




حلم الحراير غير متواجد حالياً  



29-02-1431 هـ, 01:41 مساءً
#5
لا فوض فوك على هذه الموضوع الرائع
ولك التحية


aomroena غير متواجد حالياً  



29-02-1431 هـ, 01:42 مساءً
#6
كلامك حلو,,وانا معك
انا ولاداتي عمليات,,والحمدلله
معي طفلين والثالث بالطريق ان شاءالله,,ولو خيروني بين الطبيعي والقيصري
راح اطلب قيصريه,,احلى شي انام واصحى القى كل شي انتهى,,
يبقى لي جرح العمليه ,,كلها اسبوع بالكثير ,,ويصير كل شي تمام
غير انك تبقين بنت,,مايتغير فيك شي من ذيك الناحيه
طبعا العمليه ماكان باختياري,,عندي ضيق بالحوض
انا مانيب ضد الطبيعي,,بس اقول العمليه اريح بكثيييييييييير من الطبيعي وقت الولاده


الخيط الأسود غير متواجد حالياً  



29-02-1431 هـ, 01:46 مساءً
#7
الله يسعدك ويسعد اختك ان شاء الله
بس أنا اخالفك شوي أني بأولد الولاده الثانيه قيصري ان شاء الله و ما علي من كلام الناس اهم شيء سلامتي وسلامه ولدي لاني في الولاده الاولى تعذبت و ما ت ولدي بسبب الاختناق و نقص الاكسجين الله يعوضني خير و قررت في حملي هذا اولد قيصري ان شاء الله بس ادعولي بتيسيير و نقوم أنتا وولدي بسلامه


توقيع

يارب هب لي من لدنك ذريه طيبه سليمه و احسن خلقهم و خلقهم
ام مشاري برناوي غير متواجد حالياً  



29-02-1431 هـ, 01:48 مساءً
#8
أنا اتفق معك 100% خصوصا بعد ما حددت لي الدكتورة ولادتي هذي بقيصري لأن الموية قليلة والراس للحين فوق ..
أنا في البداية كنت أتمنى طبيعي مثل الباقين بس الحمد لله دعيت وصليت أن ربي يكتب لي الخير ومو المهم طبيعي أو قيصري المهم اللي بطني يكون بخير ..
والحمد لله الآن صرت مرتااااااااااااااحه مرة حتى موعدي قبل يومين أقول للدكتورة يلا حددي لي موعد جلست تضحك تقول الأسبوع الجاي لا تستعجلين ..

وفعلا مثل ماقلتي من كثر ما كنت اقرأ خفت مرررررررة وحتى النوم ماصرت أعرف أنام زي الناس من الهواجيس ..
وفي الأخير اللي ربي كاتبه بيصير والولادة ولادة سواء كذا والا كذا بس أهم شيء نشوف البيبيات بصحة وعافية ..

فيه موضوع ضحكني لوحدة من البنات هنا كانت كاتبه تجربتها مع أحد المستشفيات ..
وتدعي وتتحسب عليهم تقول ولدوني عملية وأنا كنت أبي طبيعي ..
بس تعرفون وش السبب ؟؟؟؟؟؟؟؟؟



البيبي نزلت مويته قبل أسبوع وصار ناااااااشف مرة وماجتها ولادة يعني وش يسوون بالله ؟؟؟
يخلونها لحد مايموت اللي ببطنها والا عملية ويينقذونه باللحظة الأخيرة قبل يصير شيء لا سمح الله ..!!!!!!!!!

أنا قلت لها المفروض تحمدين ربك وتشكرينه ..
ولو فعلا فكرت بعقل كان لما شفت وضع البيبي كذا طلبتي عمليه على طووووووووووووول ..!!

طوولت بردي بس موضوعك لامس شيء فيني ههههههههههههه

الله يرزق كل حامل ولادة سهله ميسره ياكريم


Lameeees غير متواجد حالياً  



29-02-1431 هـ, 01:48 مساءً
#9
لا والله من قالك مافيه فرق فيه فرق ونص


بالله واسالك بالله اللي تولد طبيعي جرح في وقته وينننننننننننننننننننننننننننن تهي


القيصري لا يضل كل العمر معك

وتعبه الله يجينا

والتصاقات

وهم ودنيا

صحيح المجتمع زودها شوي بس ارجوووووووك لاتكون ردة فعلك ع المجتمع بانك تنكرين هم القيصري لا اصعب وهذا كلام استشاريات

مايلتئم الجرح بسرعه

وعليها خطر موب مثل غيرها وفيه الم بمكان الجرح يضل طول العمر <<<بس الحمد لله الم محتمل

حتى الدوره الشهريه مكان الجرح فيه الم

صحيح الناس بالغو بس ياحبيبتي مافيه دخان بدون نار

والحمد لله اولا واخيرا

انه فيه حل يخلصنا غير الطبيعي

لانه اول الحريم اذا ماقدرت تولد طبيعي خلالالالالالالالالالالالالاص تموت هي والبيبي

الحمد لله ربي سهل لنا اسباب تريحنا

واسفه ع الاطاله


توقيع

لا اله الا انت سبحانك اني كنت من الظالمين






noon140 غير متواجد حالياً  



29-02-1431 هـ, 01:50 مساءً
#10
اللي واطي على النار مو مثل اللي يتكلم من هواء <<< وجهتني نظري بكل موضوع
كثير يتكلمون وهم ماجربوا هالوضع ومايحق لهم ابد !!
زي ماقلتي هي كلها ولادات .. وماجت العمليه القيصريه من فراغ
واكيد انها رحمه ورحمه كبيره لنا يالحريم
يعني اللي تتعسر ولادتها او يتعب جنينها وماكان فيه ولاده قيصريه وش بتسوي
بتسلم واحتمال كبير تفقد طفلها لاسمح الله !!
وبعدين المجتمع فيه اشياء كثيره معاكسه
مثل اللي تقول لاتاخذين فيتامينات وحديد وكالسيوم بالحمل ينفخ الطفل ويكبر راسه وتتعسر ولادته !!
اجل تجلس لين تتكسوح وتنتهي لاتقدر تقوم بطفلها ولا بيتها من النقص اللي بيصيبها


كثير نسمع وللاسف يأثر علينا بس المفروض نخلي التفكير هو نهاية مطافنا

ومثل ماقلتي مو سهله القيصري بس حاجه
وانا بنت عمي جايبه كل عيالها قيصري مدري كم عددهم 8 او 9 وماشاء الله عايشه حياتها
ماشاء الله عليها شايله بيتها وعيالها وام مثاليه بالنسبه لنا اهتمامها كبير فيهم ولا أثر فيها هالشي

مشكوره يالغلا على الموضوع
والحمد لله على كل شي



توقيع

..




سبحان الله وبحمده .. سبحان الله العظيم

غنج غير متواجد حالياً  



موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 08:11 .