السلام عليكم ورحمة الله وبركاته:14:
مساء الخير:27:
كيفكم ياطباخات حواء
الله يجزاكم خير على كل اللي تبذلونه علشان غيركم يستفيد
بصراحه انا دايم اقرا طبخاتكم واستفيد منها ولاقد نزلت شي وعلشان مااكون انانيه قلت لازم افيدكم ولو بشي بسيط
فقلت انزل لكم اليوم طبخه بسيطه وسهله الكل يقدر يسويها:cook:
وهي:
مقلوبة اللحم بالخضار
المقادير:
بصلتين مقطعه حلقات
ثلاث حبات طماطم نفس تقطيع البصل
حبتين بطاطس مقشره ومقطعه اعواد طوليه
ثلاث حبات جزر ومقطعه اعواد طوليه
قطع متوسطه لحم بالعظم او دجاج مقطع ارباع
وتقدرون تضيفون عليها اي خضار من اللي تحبونها(كوسه,باذنجان,فلفل اخضر....)
رشة من الزعفران او صفار الزعفران مخلوطه في بيالة ماء حار
بهارات مشكله مطحونه
ملح
بهارات عدله(هيل,قرفه,ورق غار,ليمون اسود....)
رز مسلوق ومملح ومستوي ثلاث ارباع الاستوى
ـــــــــــــــــــــــــــــــــــــــــــــــــــــ
نجي لطريقتها ذحين:7_2_103v:
اول مانبدا نجيب قدر الضغط اهم شي علشان الوقت ونقطع البصل حلقات دوائر ونوزعها في قاع القدر بعد مانفككها من بعض
بعدين نجيب الطماطم ونرصها فوق البصل
بعدين نجيب البطاطس والجزر ونوزعها فوق الطماطم بعدين نوزع فوقهم اللحم
ونجيب البهارات العدله ونحطها فوق اللحم ونرش عليها البهارات والملح ونصب الماء المخلوط بصفار الزعفران في القدر ونغطي القدر من غير ماتحطون شي غير اللي حطيتوه يعني لاماء ولاشي
وتقفلون القدر عليه
وتخلونه نصف ساعه تقريبا :time:على نار واطيه
وبعدين نجيب الرز بعد مايستوي ثلاث ارباع الاستوى ونحطه فوق اللحم في القدر ونقفل القدر ونتركه على نفس النار لمدة سبع دقايق تقريبا
بعدين لما نتأكد ان الماء نشف تماما
نجيب صحن التقديم ونقلبه فيها
وبالعااااااااااااااااااافيه:p
اعذروني ماعندي وقت اصور وانزلكم الصور لكن ****لله تكون واضحه لكم من غير تصوير
جربوها ماراح تندمون واي سؤال انا جاهزه:43:
ــــــــــــــــــــــــــــــــــــــــــــــــــــــــــ
تكفون ادعوا لي بالتوفيق وادعوا ان ربي يمد بعمر والديني ويحفظ لي ولدي ويصلحه ويسخر لي زوجي:33:
روز الكون @roz_alkon
عضوة فعالة
يلزم عليك تسجيل الدخول أولًا لكتابة تعليق.
حنين الماضي 1429
•
واضحة حبيبتي مرة تسلمين
الصفحة الأخيرة