السعودية - الرياض
سودانيه خبيرة دلكه
حلاوة حمام بخار مخفض برامج عروس نفاس روعه تنظيف بشره متعاونه وخ
              

السعودية - الرياض
سودانيه خبيرة دلكه
حلاوة حمام بخار مخفض برامج عروس نفاس روعه تنظيف بشره متعاونه وخ
إضافة رد
 
أدوات الموضوع انواع عرض الموضوع
قديم 18-02-1431 هـ, 08:41 صباحاً   #1
Miss Saretta

عضوة جديدة
 
تاريخ التسجيل: 09-02-1431 هـ
المشاركات: 82


نصائح دكتور اوز ((سر الجوع والشبع))

السلام عليكم ورحمة الله وبركاته


كيييفكم؟؟؟ ان شاء الله تكونوا بصحه وعافيه


طبعا اللي يتابع برنامج اوبرا الشهير يعرف مين هو الدكتور محمد اوز

انا لما اتابعه دايما يتكلم عن المكسرات وانها تقلل من الشعور بالجوع

فدورت في قوقل عن هالشي ولقيت موضوع عن نصايحه

المهم اختصرته لكم واخذت المفيد منه

ان شاء الله تفيدكم..

طيب نبدأ في الموضوع ..



************************

يقول الدكتور اوز

في مركبين هم المسؤولين عن الجوع والشبع

«غريلين» و «ليبتين»

بس لما يفهم الواحد كيف يعمل هالمركبين
يقدر يستخدمها انه يخفف من الجوع و ينقص وزنه

اول شي نجي لهرمون (( غريلين )) وهو المسؤول عن الشعور بالجوع لما تكون المعدة فاضيه

ويحدث كل نص ساعه

ولما الواحد يتجاهل الجوع الجسم يفرز المزيد من هالهرمون وبكميات كبيره

لدرجة انه الواحد يصير مستعد ياكل اي شي يعني تهبط من العزيمه
((وهذا السبب اللي يحرم نفسه او يجوع نفسه يفشل بالنهايه ولا ينقص وزنه))


طيب بعد ما فهمتم ايش هو هرمون الـ ( غريلين )

نجي للنصائح ايش نسوي عشان نقلل من الجوع
يقول دكتور اوز:

النصيحة الاولى:
1- قبل نص ساعه من الوجبة الرئيسية اما تاكلي شي بسيط من المكسرات يعني بحدود (4 حبات او 5)
او تاكلي حبة صغيره من الفواكه
او كوب من الماء مخلوط معاه بعض الالياف معرفة باسم سيليوم وافضل شي النوع اللي يذوب مع الماء

السيليوم (( متوفر بالاسواق زي ما قال بس مادري اذا موجوده عندنا والا لا ))

طيب ليه نسوي هالشي؟؟؟
مو قلنا فوق ان هرمون غريلين يحسسنا بالجوع وهالشي يصير كل نص ساعه

ولما تاكلي قبل الوجبه بنص ساعه الاشياء اللي ذكرتها فوق

تخفف من الاحساس بالـ جوع ويصير الواحد ياكل كميه اقل

اضافه من عندي
هالشي اللي قاله مذكور في القرآن انك تاكلي فاكهه بعدها الاكل
واحنا دايما نسوي العكس الفواكه نخليها بعد الاكل
قال تعالى (وأمددناهم بفاكهه ولحم مما يشتهون)
قال تعالى (وفاكهه مما يتخيرون ولحم طير مما يشتهون)
في الآيتين ذكر الفاكهه وبعدين الطعام



النصيحة الثانية:
2-نتناول الطعام بصورة بطيئة

طيب قولوا ليييييييييييه؟؟؟
انا اقولكم لما الوحده تاكل بشويش وعلى مهلها
هالشي يعطي فرصة لهرمون الـ غريلين انه ينخفض ويرجع للمستوى الطبيعي
واذا انخفض الـ غريلين بنخفض مستوى الجوع
واذا انخفض مستوى الجوع تقل الكمية اللي تتناولينها لانه راح تحسي بالشبع


(( هالكلام اتوقع ينفع اكثر مع الي يسوون تخفيف انه يساعدهم على التقليل من الكميه
اما اللي ماشيين على نظام معين والوجبة تكون محدده لهم اتوقع بهالطريقة راح تشبعهم الوجبه
أنا لاحظت اذا اكلت مع احد يعني مثلا بنات خالاتي واحنا نتعشى يعني تكون بينا سوالف
فاصير آكل ببطئ عشان مره نسولف وشوي ناكل دايما الاحظ اني اشبع بسرعه معاهم
مع ان نفسها الوجبه اللي اطلبها دايما لوحدي والحين عرفت ليه ))

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــ


طيب فوق كلامنا كله كان عن الـ غريلين

الحين جى دور الـ ليبتين وهو بروتين موجود في شحوم الجسم

واللي هومسؤول عن الشعور بالشبع + يعمل على حرق السعرات الحرارية

(( يعني اذا قدرنا نرفع مستوى هالبروتين بنكون اكثر قدره عالتحكم بشهيتنا ))


النصيحة الثالثة:
3- نرفع مستوى الـ ليبتين بتفادي الاكل اللي يحتوي على شراب الذرة عالي الفركتوز
لان الفركتوز يخلي الشهية مفتوحه
(( بس تفادي الفركتوز صعب لان هالمادة يستخدمونها في كثير من الأطعمة المصنعة ))
مثل رقائق الذرة المسكرة - المشروبات الغازية
وبعد الاطعمة «خالية من الدسم» أو «قليلة الدسم»،
صلصات السلطة - والمطيبات - واللبن الرائب المحلى - والخبز

هنا نضطر اننا نقرأ ايش المكتوب على الأطعمة ونتجنب اللي تحتوي على شراب الذرة عالي الفركتوز
واختصاره hfcs «إتش.إف.سي.إس»



النصيحة الرابعة:
4- الدهون الغير مشبعة هي افضل انواع الدهون لصحة القلب
وتتوفر في:
الزيتون - وزيت الزيتون - والأفوكادو - والمكسرات - والبذور
والسمك مثل السلمون - والتونا - والسردين - الماكريل
وأنواع من الخضراوات
إضافة إلى الزيوت المستخلصة من البذور مثل الكانولا - ودوار الشمس - والذرة - والسمسم
(هذي الأنواع مو بس مفيدة للقلب والأوعية الدموية
بعد هي تساعد على تعزيز مستويات بروتين الـ ليبتين يعني تساعد على الشعور بالشبع)

أما الاكل اللي يحتوي على الدهون المشبعة
مثل:
اللحم - البيض - منتجات الحليب
اذا اكلنا منها كثير تثبط من ارتفاع الـ ليبتين



وبس هذا الكلام اللي قريته
بس حبيت انقله لكم بصوره اسهل عشان ما تملوا

ان شاء الله تستفيدوا من الموضوع
والاهم انكم تطبقوا هالشي



Miss Saretta غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر







18-02-1431 هـ, 11:47 صباحاً
#3
المشاركة الأصلية كتبت بواسطة لبنانية وافتخر مشاهدة المشاركة
مشكورة عالمعلومات المفيدة


رد مع اقتباس
امي نورهالدنيا غير متواجد حالياً  



18-02-1431 هـ, 01:57 مساءً
#5
واااااو موضع عجيب
مشكوووووره مره استفدت

الورده البيضا جذبني توقيعك هههه الله ينعم شعر بناتك والاهم يصلحهم ويخليهم لك يارب


توقيع

لاتستغربون اختلاف الردود في هذا الاسم انا وصاحبتي قاطين فيه
رد مع اقتباس
GOANA غير متواجد حالياً  



18-02-1431 هـ, 02:20 مساءً
#7
مشكوووووره


توقيع


يارب أوصل للــ45كيلو

رد مع اقتباس
وردة جديدة غير متواجد حالياً  



18-02-1431 هـ, 02:21 مساءً
#8
كلام سلييييييييم << بس ياوخيتي احنا مشكلتنا مو في الجوع والشبع احنا لو ماناكل الا اذاجعنا كان زييييييييييين يعني مانخلي فرصه للجوع ناكل اللي نشتهيه وباي وقت حتى لو بننفقع شبع << هذا بالنسبه لي واعتقد انها المشكله عند الاغلبيه


رد مع اقتباس
mmq غير متواجد حالياً  



18-02-1431 هـ, 04:18 مساءً
#9
الله يعطيك العافيه


توقيع

الحمدلله حمدا طيبا مباركا فيه ...
رد مع اقتباس
القلب الوردي غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 02:16 .