14-02-1431 هـ, 02:59 مساءً
عزيزاتي خبيرات التنظيف وخصوصا ربات البيوت لان اللي عندها شغاله ماراح تفهم معاناتي
اللي هي جدران الحمامات اللي تكون بلاط وجدران المطبخ اللي تكون بلاط كيف تنظف
جدران الحمامات كيف تنظفونها من اثار الصابون والغبار من غير فرك يعني ياترى فيه منظف قوي يزيل هالبلاوي من بخه وحده او فيه جهاز مثل مكنسة الكهرب بس ياليت مايكون غالي يعني بحدود ال200 ريال عندي معاناه بجدران المطبخ الدهن والغبار متكدس عجزت من الفرك وحتى مراوح السقف تعبتني
من تقدر تساعدني منكم
14-02-1431 هـ, 03:22 مساءً
بالنسبة لجدران الحمام

انظفها بممسحة السيراميك الجديده اللي طرفها اسفنجي
وتبررررررررررد القلب مااااااااااااااااره

اما عن مراوح الشفط معقدتني مثلك
وافكر اشتري بخاخ اسمه قاههر الدهون ان شاء الله احصله واكتب لكم تجربتي معه
14-02-1431 هـ, 03:27 مساءً
حطي بالبخاخ كلوركس وصابون اي نوع وبخي وامسحي خاصه الجدران
لا اله الا انت سبحانك
14-02-1431 هـ, 03:34 مساءً
بالنسبة لجدار الحمام أخذ الكروانه أعبيها مويه وكلوركس وصابون وبالأسفنجة من فوق لتحت وأفرك وبعدين أشطفها بالموية وأخر شي أمسحها بمنشفه عشان مايقعد أثار للموية ويطلع الجدر يلق لق

بالنسبة للمراوح أخذها أغسلها أول شي بموية حاره بعدين أحط عليها جف وأفرك بالأسفنجة والسلك الناعم لا تأخذي الخشن عشان مايخدش المروحة وبعد ماتنظف أشطف بالموية وأنشفها وأرجها مكانه وتصير ماشاء الله نظيفة ولا أثر من الغبرا ولا غيره

لا تنسيني من دعواتك
14-02-1431 هـ, 04:20 مساءً
ياقلبي بخصوص جدران المطبخ الدهون هاذي يبيلها فرك
استخدمي فيري المذيب بخيه وتعالي افركي شوي وكل شي بيروح بسرعه
الحمام خذي مكسنه يدويه وحطي فيها صابون وكلوركس واغسلي ورشيه بمويه وبعدين حطي على الشطافه فوطه وامسحي الجدران من فوق لتحت




يارب ،، أغسل الهم من قلبي
14-02-1431 هـ, 04:23 مساءً
جدران الحمام تنظفينها بمساحة السيراميك
اما اذا قصدك الشفاط افصلي سلك الكهرب ونظفيها باسفنجه
حاولي تنظفينهم باستمرار وخصصي لهم يوم بالشهر ويسهل عليك تنظيفه بعد كذا
14-02-1431 هـ, 04:35 مساءً
بصراحه انا ما استغني عن الفلاش ما في شي يخلي الجدران والارض والبلاط وانتي بكرامة حتى المقعد سواء العربي او الافرنجي نظيف ويرجع ابيض ويلمع لمع الا الفلاش شي خيااااااااااااااااال بصراحه وموغالي سعر العلبه 10 ريال كل شهر اخاص من 3 او 4 علب بصراحه ... بس العيب فيه انه صناعته امريكيه بصراحه وقت المقاطعه اتركه واستبدله بكلوركس واستبدله بالثاني اللي صناعته اظن سعوديه بس مافي بصراحه مثل الامريكي مررررره قوي يصير البلاط ابيييييييييييييييييييييييييييي ض والمقاعد والجدران تحسين نفسك وبيتك نظيف ..
بالنسبه لمراوح الشفط والله نفسك معاناه بس اني كل فتره انفظها بالنفاظه الريش وبكذا ما يجتمع بها غبار هذي بالنسبه لمروحه الحمام وبعد كذا اشيل الفيش من الكهرب وارش عليها مويه من الشطاف حق المقعد واتركها لين تنشف بعدها اشغلها وترجع جديده .. لكن بصراحه معاناتي بمروحة المطبخ اوووف يجتمع عليها الدهون كل ما اشوفها احس بكئابه ... بس نفس كلام البنات احط فيري وكلوركس وشوي خل واطلع لها فوق ما افكها واصير افركها فرك بالاسفنجه وبعدها اجيب ماء وخل ومنشفه وامسحها بس طفففففففففففففففش وان خليتيها منظرها مره مقرف .. عاد حبيت احط تجربتي بس انتبهي مهم جدا انك اثناء التنظيف تشيلي السلك من الكهرب لا يشفطك الكهرب ...

دعواااااااااتك...
إذا اشتكى مسلم في الهند أرقني وإن بكى مسلم فـي الصيـن أبكانـي
ومصر ريحانتي والشام نرجستي وفـي الجزيـرة تاريخـي وعنوانـي
15-02-1431 هـ, 04:27 مساءً
شكرآ على الرد حبيباتي من تعرف المكنسه البخاريه الصغيره يقولون روعه اللي تعرفها وعندها صورتها ياليت تحط صورتها وسعرها الضاهر انها هي الحل الوحيد البديل للفرك
15-02-1431 هـ, 04:44 مساءً
شفاط والجدار اذا كان مره دهون جربي القاز شيء للدهون
15-02-1431 هـ, 05:13 مساءً
اقتباس مشاركة  (صنتا و صيته)
شفاط والجدار اذا كان مره دهون جربي القاز شيء للدهون
انا مع الاخت القاز للمطبخ ولا اروع يشيل الدهون بسرعه بس لما تستخدميه البسي كمامه ضروري وقفازات ولايكون عندك طفل وافتحي شبابيك المطبخ وخليك حذرة


الساعة الآن 02:48 .

جميع الحقوق محفوظة - عالم حواء - 2015