14-02-1431 هـ, 01:02 صباحاً
السلام عليكم

هذي اول مشاركة لي في قسم الطبخ من زمان ودي اشارك بس مااذكر الا لاخلصت طبخ

اليوم سويت غدانا صينية خضار معتمدتها من فتره اول كنت اسويها مقليه بس كذا اخف بكثيير

المقادير

خضار مقطعه حلقات اي خضار عندك حتى لو بس نوعين

انا استخدمت

بطاطس
جزر
كوسا
باذنجان
قرنبيط (زهرة)

صدر دجاجه مسلوق
بصل اخضر او عادي انا استخدمت اخضر

بهارات وملح

وصلصة البشاميل الكذاب
اللي هي علبة قشطه وملعقتين جبن سائل
وانا حطيت ملعقة مايونيز بالثوم عشان نكهة الثوم


بالبداية نصف الخضره في الصينيه
البطاطس



والجزر




والباذنجان



الكوسا



القرنبيط



بعد ماصفينا كل الخضار نرش فوقهم ملح وشوية بهارات وثوم بودره حسب الرغبه




بعدين نضيف شوووية ماي مو لازم يغطي الخضار بس شي بسيط ونحاول ننزل البهارات بالماي من فوق الخضره

او ممكن من قبل تخلطين البهارات بالماي وبعدين تصبينها فوق الخضار



بعد كذا نغلفها بقصدير وندخلها الفرن

راح تاخذ من نص ساعه الى ساعه تقريبا




في هالاثناء راح نعمل خلطة الدجاج

اول شي نكشن البصل بالزيت طبعا انا استخدمت بصل اخضر



بعدها نضيف له الدجاج المسلوق والمقطع

ونحط البهارات والملح او ماجي حسب ماتبين انا مااستخدمت ماجي


يـــتـــبع


14-02-1431 هـ, 01:04 صباحاً
الحين نجي للخضار نطلعها من الفرن بعد مااستوت

اذا حسيتوا الماي زايد في الصينيه بعد مانضجت الخضار ممكن تميلون الصينيه وتتخلصون من الماي الزايد

وكذا بيكون شكلها




نحط فوقها شوية بازلا مثلجه وذره معلبه بهالشكل



بعدها نحط خلطة الدجاج



بعدها نجهز خلطة البشاميل الكذااب اللي ذكرت مكوناتها بالبدايه

ونحطها فوق الصينيه




بعد كذا ندخلها الفرن عشان تتحمر من فوق

وهذا شكلها النهائي







14-02-1431 هـ, 01:10 صباحاً
شكلها عذااااااااب

تسلم ايدك
14-02-1431 هـ, 01:17 صباحاً
يووه بنوته تسلم ايدياااتك شكلهااا مشهي مررره

يلا بكره ان شاء الله بسويهااا غدااا .. سهلتي عليا اللف بالمنتدى
14-02-1431 هـ, 01:18 صباحاً
تسلم يدك ،،، والاروع انها صحية نوعا ما .
اللهمّ آن بينْ ضلوعي [ أمنيه ] , يتمنآهآ قلبيُ وروحيّ وعقليُ ..
إنْ آمنيتيُ تنبضُ بينْ قلبُ هو ملككّ !
فلآ تحرمنيُ من فرحة تحقيقهإ‘ / فإنكّ الوحيدّ منْ يقولّ :
كنْ فيكونُ .. ! يارب ..🌹
14-02-1431 هـ, 01:21 صباحاً
واااااااااااااااااااوو روووووووووووعه ومشهيه

يسلموووووووو حبوبه
الله يحفظج من كل شر حبوووبه
14-02-1431 هـ, 01:37 صباحاً
بنوووتة


شكلها مررة عذاااب

راح أطبقها قرريب بإذن الله

يعطيك ألف عافية يآرب


14-02-1431 هـ, 01:38 صباحاً
مممممممممممممممممممممممممممم لذيذه مره

معروفه الحلو مايجي منه الا الحلو

دام بديتي راح ننتظر بقية طبخاتج الشهيه

ياعسل
يارب احفظني بحفظك


14-02-1431 هـ, 01:38 صباحاً
واااااااااااااااااو

منجد شكلها مشهيه ,, ماشاء الله تبارك الله

بس زوجي ابدن ماياكل خضار
اللهم بارك لنا في شعبان وبلغنا رمضان
14-02-1431 هـ, 01:43 صباحاً
شكلها لذيذه
يعطيك العافيه


الساعة الآن 09:59 .

جميع الحقوق محفوظة - عالم حواء - 2015