أنتبه تروح لمركز الكلى ان أخبر لك مركز حق عيون وجلس يزين لك الموضوع بس مجرد كم قطره تحطها بعيونك تنتهي قضية كلاك... وطاوعته ورحت وجلست مواعيد وقطروا في عينك وغرقوها بالقطرات وسويت عملية ليزك وليزر المهم انك تعبت ومازلت وماشفيت كلاك قالك ماعليك اقولك لك شي ثاني سو لك فتحه نفس
المهم الشاهد ان الرجل هذا جعل يروح يمين ويسار وكل المراكز الا مركز الكلى وفوجئت انك قطرات وأستئصالات وزراعه وفي النهايه مات من الكلى لانه ماعرف وين المشكله ولابحث عن علاجها يوم عرف
هذا حالي انا وياك لان السعاده هنا ..أبليس ضحك علي وعليك وقال السعاده هنا .. وخلانا نشوف الLBCوالشوتايم وصورهم طفشانين ...الامريكان والسويد أطرف ناس من ناحية الحريه ومع ذلك ينتحرون يعني هو قاعد يطالع بالتلفزيون وهو معه العالم كلهم مفاسيخ كلها عراه طيب ليش ينتحر؟ لان أبليس تحت عينه
أنا مشكلتي وأياك مايدرون فلايتعبك ..يقول لك أسمع الجلسات والمسكين يروح ويسمع الجلسات وينسخ ويسوي مقاطع ومنوعات ويوزع أمام الناس أغاني ومشكلته ماهي هنا ..علشان كذا ماهو منتهي لين يموت ..بيموت ماجرب شي أسمه سعاده فيه فرق في القرآن فيه شي أسمه ضحك وفيه شي أسمه سعاده الضحك لكل أحد حتى الحيوانات تضحك السعاده ليست لأحد الا لقليل من الناس من فهم عظمة الله عزوجل وفهم كيف يتعامل مع الله
يقول الله عزوجل في الضحك (فَلْيَضْحَكُوا قَلِيلاً وَلْيَبْكُوا كَثِيرًا)
الضحك من هنا ياجماعه جزء علوي هذا والله مافيه سعاده ..السعاده هنا مثال أجيبك عند مكان وأقول لك ترى طبيعه وشلالات ومناظر طبيعيه وحيوانات وأزهار والوان وأغطي عيونك واقعد بس أوصف لك , أنت شفت شي ؟ ماحسيت شي انت بس قاعد تسمع بشي أسمه مناظر جميله ..
الله يتكلم عن هذي القضيه ان السعاده هنا ومن عظمته سبحانه وتعالى انه ماخلى واحد فينا يحتاج لتفسير عشان تفهيم عشان يفهم قول الله عزوجل
(وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا) والله لويسكن في مرقص وبنت وراء بنت وكاس وراء كاس ويسوي كل شي والله العظيم(فَإِنَّ لَهُ مَعِيشَةً ضَنكًا) علشان كذا تحاول تسعده بمهرجانات ومايسعد وتفتح له أغاني جديده وقنوات جديده ومايسعد ..مايسعد لافي الارض ولاتحت الارض ولايوم العرض...
طيب تعال نشوف كيف نسعد أذن؟!
سأقول لك خذ ثلاث سجلات في حياتك والله العظيم ان هذا الكلام حق لانه ليس كلام هالمسكين كلام رب العالمين خذ ثلاث سجلات واكتب في السجل الاول جميع طلباتك وخذ سنه وانت تكتبها طلبات ابنتك واللي لاولادك واهلك ولزوجك في عملك في بيتك في مدرستك في الشارع اللي تبغاه من الطلبات أكتبه هنا.
خذ سجل ثاني مليون صفحه اللي تبغاه خذ سجل ثاني واكتب فيه جميع مخاوفك أي شي تخاف منه حطه هنا
خذ سجل ثالث أكتب فيه علاقاتك مع الناس..
السؤال ..ابغى ياجماعه ترفعون ايديكم اذا كان الجواب صحيح..هل لو تحققت جميع طلباتك مليون طلب تبغى وظيفه وظفناك تبغى ولدك يصير ضابط حطينا لك نجوم ووظفناه وحطينا كل شي لو تحققت جميع طلباتك هل ستسعد؟؟
أبسألك سؤال يوم من الايام تمنيت قضيه أما وظيفه أما نقل أما ترقيه المهم انك تمنيت أمر وماحصل وزعلت وقتها وبعد فتره تبين لك أن الحمدلله انها ماحصلت ؟
اللي حصل معه مثل هالموقف يرفع ايده وانا اول واحد ..شوفوا ياجماعه كم يد ترفع؟ وش معنى هالكلام؟
معنى هالكلام ان كثير من الاشياء اللي طلبتها هي شر لك أصلآ وما اعطاك اياها الله عزوجل وتأكدت بعدين أنها كانت شر لك فلو حصلت جميع طلباتك مارح تسعد صح؟
طيب مخاوفك هذي كم مره كان قضية نقل او قضيه مرض معين أو خراب في سياره ماودك انه حصل لكن يوم حصل قلت يارب لك الحمد انه حصل انا حصل معي ..هذا معناه ان مو كل شي مابغيته وظننت انه لوحصل بيكدر سعادتك أنه كلامك صح يقول الله عزوجل قاعده في القرآن شوف كيف يعطيك الحلول لحياتك (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ) أمر كنت كاتبه في الصحائف هذي المخاوف يقول والله كنت تكرهه وتدفع دم قلبك علشان مايحصل لو علمت ايش في طيها هل المحنه؟لدفعت كل دم قلبك علشان تاخذه لأنه خير لك (وَعَسَى أَنْ تُحِبُّوا شَيْئًا) تتمنى تدفع تصلي في الليل يارب أقبل لي هذا(وَهُوَ شَرٌّ لَكُمْ) لوتعلم قلت يارب ياليت بيني وبينه امدآ بعيدا
أجل كيف السعاده مادام السعاده ماهي تحقيق طلبات ولادفع مخاوف؟؟
تريد أعطيك عرض احسن من هذا؟ احسن من هذا كله والله العظيم بنص القرآن فيه عرض يضمن لك ولي السعاده بأصولها ,ان يحقق لك ماهو كل طلباتك لان اكثرها انت مارح ترضيك بعدين ,تدرك انها كانت شر
لا بل يمر على صحائف الطلبات كلها ويعطيك كل ماهو أعظم خير لك ويمر على صحائف المخاوف ويزيل عنك كل مافي أصله وذاته شر لك ..أما أي أمر شكله خير وهو شر يزيله الله عنك ..أما علاقاتك فكم علاقه مع شخص تمنيت انها ماكانت ؟؟فيمر على علاقاتك مايعطيك لان فيه علاقات انت تدرك بعدين انها غلط فيمر على علاقاتك كل ماينفعك من هذي العلاقاتك ويعطيك اياه وكل مالاينفعك يصرفه عنك حتى علاقتك ليس بأهل الارض بل علاقتك بأهل السماء كما جاء في البخاري يحبك جبريل وميكائيل وأسرافيل وحملة العرش والسُجّد الذي أطت السماء من ثقلهم ..
كيف؟ ممكن احصل هالطريقه ؟ممكن احصل هالنتيجه وهالقضيه ؟ والله ممكن تحصل هالقضيه ..أذا فهمت ان ليس عقلك البشري وعقلي البشري هما اللذان يختاران ويعرفان وين مصلحتهم..
أبدأ معك اللي مقتنع ان السعاده في قلبه يرفع يده.علشان مانتعب انفسنا نبغى نشتغل هنا ياجماعه..أحنا أشتغلنا مع ابليس كثيير وبسهوله قاعد يضحك علي وعليك بسهوله يقولك دخن تدخن ,أبي أبطل ماتقدر ,ماتقدر أنا قدرت أطيعك وانت ما اعطيتني شي كيف ما اقدر أطيع رب العالمين واعصيك وهو معطيني كل شي أنا قدرت أطيعك وانت ماوعدتني بشي كله كذب {يَعِدُهُمْ وَيُمَنِّيهِمْ وَمَا يَعِدُهُمُ الشَّيْطَانُ إِلاَّ غُرُوراً } ..وأطيع الله عزوجل اللي وعدني بكل شي وعدني ان اجلس في مكان مايرد لي طلب { لهم مايشاؤون فيها ولدينا مزيد} ((وفيها ما تشتهي الأنفس وتلذ الأعين وأنتم فيها خالدون)) وعدني الا أقدر هو بس قاعد يضحك يقول ماتقدر ..
تعال حبيبي خلنا نشوف مادام السعاده في القلب ليش ماوصلت لين الحين ؟ وش الامر اللي ضمن الله عزوجل لي به أذا وصل لقلبي أسعد أيش هو؟ ضمن لك الله اربع أمور احبتي نقدر والله نقدر احنا قاعدين نعيش كلها ضحك
ضحك نبغى نضحك من هنا ...
نبغى نسوي زي ماسوا شيخ الاسلام يوم صكوا عليه السجن أكثرنا حافظ القضيه تعالوا نشوفها من جهه ثانيه
سكروا عليه السجن قال مايفعل أعدائي بي؟ وش يبغون هذولي ؟يبغون يضيقون صدري سكروا الباب ..يقول انا جنتي في صدري ماتقدر تسكر بيني وبين قلبي انا سعادتي هنا ماهي بتلفزيون يطفى الكهرب ويضيق صدري
ولاهي سعادتي بأغنيه أسمعها ولاأذاعه اسمعها وخلاص وخرتها عني ..أنا سعادتي وجنتي وبستاني في صدري
أنا سجني خلوه انتم لو ماصكيتوا الباب انا في بيتي اصك الباب واسعد لحظات بيني وبين ربي ..طيب تطردوني انا مو في سياحه انا مخلوق لغرض وقاعد اشتغل عليه اللي هو قلبي
(وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ) فأنا بعبده صكيت علي الباب ولافتحت الباب..بس بنقتلك ..قال وقتلي شهاده فأنا قاعد أشتغل علشان الاقي رب العالمين فايش بتسوون؟ هذ انسان ضايق صدره وشلون بتزعله؟ ماتقدر تزعله ..
أنا ابي اعيش انا وياك مثل محمد عليه الصلاة والسلام في اعلك الظروف يقول لو ان احد طلع قال لاتحزن سبحان الله كيف ما احزن؟العالم بيقطعونا ,لاتحزن ان الله معنا في علاقه وقاعد يحس بشي النبي مايكذب مايقول لاتحزن وهو حزين..طيب ايش اللي اسعده عشان كذا الله سبحانه وتعالى قال(لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ) لانه يبغاك تصير زيه ماتحزن في اعلك الظروف يأتي الاعرابي والنبي عليه الصلاة والسلام نائم ويأخذ السيف ويحطه براسه من يمنعك مني ؟ الاجابه ماتحتاج تفكير-الله- يمكن وصل للمرحله هذي؟ ممكن مانزل القرآن الا علشان يوصل المرحله هذي
(مَا أَنزَلْنَا عَلَيْكَ الْقُرْآنَ لِتَشْقَى) اجل لايش؟ لتسعد نعم أجل ليش طيب نزل القرآن ومانسعد ؟ تعال انا وياك اليوم وظيفتنا نحل هالقضيه ..ابغى نطلع من هالمكان ونعرف كيف تشتغل على هذا, نعرف كيف نطرد أبليس اذا جانا, نعرف انه كذب علينا قال مركز الكلى لاتروح له قل الا بروح له قال روح لحق العيون قل لا انا شغلي هنا كله انا تابعتك في كل شي كيف نسعد؟ ذكرالله ووعدك بأربع أمور
الاربع امور هذي هي اللي قاعدين نتعب عليها طول حياتنا والى الحين ماحصلناها الا من رحم الله اللهم اجعلنا منهم ..الاربع أمور هذي ان الله يضمن لك العظيم جل في علاه اللي اذا اراد شي فعله
(إنما قولنا لشىء إذا اردناه أن نقول له كن فيكون) الاربع امور هذي اللي وعدك اياها من لايخلف الميعاد سبحانه وعدك ان يبلغ لقلبك ماهو لعينك لان لو انت حزين لبست احسن النظارات ماتسعد ..لو وحده حزينه لبست أجمل فستان بمليون ريال ماتسعد لانها هنا القضيه ..ضمن لك ان لاتخاف من أي شي مهما صارت الظروف تكون زي أبراهيم عليه السلام لافي القدر لكن تتبع ملة ابراهيم حنيفآ ..ضمن لك انك ماتدري مايجي يوم عندك غبش في الرؤيا ماتدري وين تروح ومضطرب وانك ماتشقى تكون فرحان طول الوقت كل هالاربعه في خطوه واحده فقط لكن مستعدين نسويها جد أذا ماجربناها لاتقول ما أسعدتني فلن تسعد ابدآ والله العظيم المهرجان اللي من شوي هذا في بيوتنا كل يوم موبس في الصيف طوول اليوم وتجيب أربيعين واحد مهرج عندك لان الله عظيم واذا حكم الله خلاص انتهت القضيه كيف تحصل اربع امور خلنا نشوف, أحنا نقراء قرآن صح؟ ومنا من حفظ القرآن الله ماقال فيمن قرا ولاقال قال علشان تحصلها ماهو بس قراءه القراءه هذي بس وسيله للجزء العلوي من هنا ما قال من سمع او حفظ هذي كلها جزء علوي ووسائل ..لكن يملك القضيه بتدبر
(كتَابٌ أَنْزَلْنَاهُ إِلَيْكَ مُبَارَكٌ لِيَدَّبَّرُوا) طيب هو يقراء ,يسمع يحفظ جميل لكن ليست ليتدبروا ولايحس بطعم
.
قال الله عزوجل أختار قضيه وحده بس والله لو أجاهد نفسي انا واياك على فعلها أقسم بالله ان تحقق كل مطالبك اللي فيها خير لك وتزال عنك كل مساوئك اللي فيها شر لك وتصلح لك جميع علاقاتك بس على الناس .من اللي خلاق العظيم جل في علاه طيب تعال نشوف وش الخطوه هذي
(فَمَنْ تَبِعَ هُدَايَ فَلَا خَوْفٌ عَلَيْهِمْ وَلَا هُمْ يَحْزَنُونَ) حتى في احنك الظروف واشد المواقف تأتيه الملائكه
(لاَ خَوْفٌ عَلَيْكُمْ وَلاَ أَنتُمْ تَحْزَنُونَ نَحْنُ أَوْلِيَاؤُكُمْ فِي الْحَيَاةِ الدُّنْيَا ...)
احنا كنا معكم لاتخافون لان الله أرسلنا وفي الآخره
(وَفِي الآخِرَةِ وَلَكُمْ فِيهَا مَا تَشْتَهِي أَنفُسُكُمْ وَلَكُمْ فِيهَا مَاتَدَّعُونَ نُزُلا مِّنْ غَفُورٍ ...) كيف غفر لنا ؟
واني لغفار لمن تاب وآمن واتبع وعمل صالحآ أذآ اتبع ثم أهتدى. طيب هذي لاخوف عليهم ولاهم يحزنون لايحزنهم الفزع الأكبر الناس في أسوا حاله وهؤلا لايحزنهم الفزع الاكبر وهم من جزع يومئذ آمنون لو ضمنا الامن في كل مكان والسعاده في كل مكان ثم قال في الآيه الاخرى
(فَمَنِ اتَّبَعَ هُدَايَ فَلا يَضِلُّ وَلا يَشْقَى) أذن القضيه الآن ناخذها وحده وحده ما أتبعنا لاتدور السعاده , طيب مايجي أحيانآ ياجماعه تسمع آيه في رمضان ولا في أي مكان ثم تقول سبحان الله وانت رايح لأهلك تقول لا اله الا الله قرأ الامام آيه اليوم كأني أول مره أسمعها ..
حصل والله معي ومع كثير غيري تلقاك منت عارف تعبر مع ان الايه هذي قريتها وسمعتها كثير يمكن تكون حفظتها لكن اليوم قطرت في قلبك فصرت عاجز عن التعبير آيه وحده تقول لا اله الا الله كيف هذي؟ والله كأن أول مره المفروض القرآن كله كذا .لكن الله ذوقك آيه خلاك عاجز أنك تعبر عنها المفروض كل القرآن بآياته ينزل ايش اللي خلاه ماينزل ؟مو قلنا لازم السعاده هنا لازم يدخل القرآن هنا تعال نشوف ليش مايدخل..
أكثرنا يقول ليش مايدخل؟أكثرنا يقول ليش نقرأ قرآن مانفهم ؟القضيه مو قضيه تحتاج تفسير والله مو قضيه تبي تفسير , القضيه قضيه تتعلق فيني انا وفيك انت..ايش القضيه ؟ ودك تشوف ليش؟أكثرنا يقول ليش؟ليش ما افهم؟
أسألك سؤالين سألتها نفسي الى اليوم وأحتاج أسأل نفسي كل يوم خلني أسأل نفسي بصوت عالي..
السؤال الاول ليش تبغى تفهم القرآن؟ لماذا تريد ان تفهم القرآن؟ تسمع واحد يفكر تقول يا الله أتمنى انا افهم القرآن زي هذا ..أسأل نفسك وبسأل نفسي ليش نبغى نفهم زي هذا؟ أذا قلت افهم علشان افهم الناس اقول لن يفهمك الله عزوجل الفهم اللي بتستفيد منه ,أذا قلت لا انا ابغى افهم علشان اتبع علشان أوصل لسعادة القلب اللي عندي وأصير من السعداء ولاخوف علي ولاأحزن ولا أبوء ولا أشقى أقول نعم ممتاز بس عطني السؤال الثاني....
السؤال الثاني:هل مافهمته طبقته؟؟ أذا اللي فهمته ماطبقته أقول لك لن تفهم أكثر لكن طبق ماتفهم يفهمك الله مالاتفهم تلقاك تحس الآيات كثير اللي تقول كأني أول مره أسمعها.. لان الله سبحانه وتعالى قال آيات مفهومه
(قُل لِّلْمُؤْمِنِينَ يَغُضُّوا مِنْ أَبْصَارِهِمْ) هذي آيه مفهومه أذا ماطبقتها مايفهمك الله مالاتفهم ..طبق ماتفهم وجاهد نفسك القضيه تستاهل والله تستاهل لان الامور الاربعه اللي لك سنين ولي سنين ماحصلناها بيعطيك اياها بمجرد هالمجاهده لاتشتت نفسك مع أبليس أتبع هالكلام وخل عندك هدف ان تصل إلى اني أتبع هذا القرآن تجد انك في كل يوم أنت في متعه قاعد تزيد طبق ماتفهم يفهمك الله مالاتفهم ,طيب ليش مانفهم حنا من الاصل يقول الله عزوجل (وَمَنْ أَظْلَمُ مِمَّنْ ذُكِّرَ بِآيَاتِ رَبِّهِ)ذكر هنا وذكر هناك وقرا وشاف الآيات لكن ردة الفعل عنده بارده (وَمَنْ أَظْلَمُ مِمَّنْ ذُكِّرَ بِآيَاتِ رَبِّهِ)ردة فعل بارده (فَأَعْرَضَ عَنْهَا وَنَسِيَ)سمع يقول وقل للمؤمنين يغضوا من أبصارهم قال جزاك الله خير عالنصيحه ومازال عنده الLBC والشوتايم
اللهم يارب قونا في ديننا..وديت وجهك تعبت علشان أخوها وش أعطاك أخوها؟ أعطاك كلى؟ حركك وغيرك معاق؟ شق بصرك وغيرك أعمى؟لالالا لكنك خفت منه وماخفت من رب العالمين كيف تقف عند رب العالمين وكيف أقف عند رب العالمين؟
وقول الله عزوجل (وَمَنْ أَظْلَمُ مِمَّن ذُكِّرَ بِآيَاتِ رَبِّهِ فَأَعْرَضَ عَنْهَا وَنَسِيَ مَا قَدَّمَتْ يَدَاهُ)ايش النتيجه؟ (إِنَّا جَعَلْنَا عَلَى قُلُوبِهِمْ أَكِنَّةً) مادام هذا مكان السعاده وهذا مكان أستقبال القرآن بنقفله وخلة يسعى على الاعضاء كلها ومايسعد (إِنَّا جَعَلْنَا عَلَى قُلُوبِهِمْ أَكِنَّةً ) أن أيش؟ يقرأوه؟ لا بيقرأ من الفاتحه الى الناس ان يحفظوه؟ يحفظ من الفاتحه الى الناس ,أن يسمعوه بيسمع في السياره وفي الراديو وفي كل مكان .أجل ان ايش؟ (أَن يَفْقَهُوهُ)اللي مايحس بطعم القرآن ولايعرف وش معنى القرآن ولايتلذذ بس وده يقرا علشان يسكر المصحف ..يصير يحتاج الاشياء اللي أقل يحتاج أناشيد يسمعها لان هذي على مستوى قلبه ماتشغل قلبه والقلب يبغى شي جامد ,جامد يسعدك جامد يضمن لك حياة كذلك ليثبت به فؤادك عشان كذا الناس تنتكس كثير هذا القرآن يعلمني وأياك أساسات الحياه كيف نعيش..قسم بالله تكون في أصعب ظروفك تضحك فقال الله عزوجل انك كل ما أخذت على قدر الاشياء اللي تسمعها وتطنش وتعرض على قدر تقفيل قلبك وذا انقفل قلبك دور السعاده والله ماتلقاها زي اللي تقفل عيونه وتقول شوف مايشوف ,فتقول له اسمع بالسعاده سماع طيب كيف؟ تفتح علي الدنيا بمصراعيها يقول الله سبحانه وتعالى (وَلَوْ أَنَّهُمْ )شوف بعدها ماقال قرأو ماقال سمعوا وماقال حفظوا,هذي عادتنا ياجماعه نسمع ونطنش نسمع ونطنش ونقول وين السعاده؟والله ضنك ضنك ضنك (وَلَوْ أَنَّهُمْ فَعَلُوا مَا يُوعَظُونَ بِهِ)( يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ)هذا مانوعظ به ذلكم يوعظ به من كان يؤمن-( وَلَوْ أَنَّهُمْ فَعَلُوا مَا يُوعَظُونَ بِهِ) طيب لو انا جاهدة نفسي كل ماسمعت آيه (قُل لِّلْمُؤْمِنِينَ يَغُضُّوا مِنْ أَبْصَارِهِمْ )حاولت وان اخفقت ارجع واحاول وارجع واحاول واترك واكسر البكت الآن قدامك يارب وأفعل كل ماتريد وجاهدت نفسي أيش المقابل؟لوعود ابليس خذ وعود مالك الملك جل في علاه (وَلَوْ أَنَّهُمْ فَعَلُوا مَا يُوعَظُونَ بِهِ لَكَانَ خَيْرًا)خيرآ لمن- لله ؟الله غني عن العالمين هو العظيم سبحانه وتعالى أذن الخير لمن؟الكسبان الضعيف اللي قاعد يغير تحت (لَكَانَ خَيْراً لَّهُمْ وَأَشَدَّ تَثْبِيتاً وَإِذاً لآتينهم) كل هذا علشانه سوا أمر أتبع,فمن الخير انه لاخوف عليك يؤمنك فوق الارض وتحت الارض ويوم العرض من الخير ماتظل ولاتشقى ولاتحزن(وَلَوْ أَنَّهُمْ فَعَلُوا مَا يُوعَظُونَ بِهِ لَكَانَ خَيْرًا لَكَانَ خَيْراً لَّهُمْ وَأَشَدَّ تَثْبِيتاً وَإِذاً لآتينهم مّن لَّدُنَّـا)
والله هالكلمه لحالها تكفي لا ماقالوا نحيلك على احد يعطيك قال انا اعطيك من لدني من هو؟ هو سبحانه هو القائل جل في علاه لو ان أولكم وآخركم وأنسكم وجنكم وقفوا على صعيد وسألوني فأعطيت كل واحد منهم مسألته ما نقص ذلك مني شي كما ينقص المخيط اذا رمي في البحر ..يقول (وَإِذاً لآتينهم مّن لَّدُنَّـا أَجْراً) والله تكفي من لدنا تكفي فما بالك يقول اجرا(أجرآ عظيمآ)بعد(وَلَهَدَيْنَاهُمْ صِرَاطًا مُسْتَقِيمًا) ماعنده غبش في الرؤيا (وأذا لاتينهم من لدنا أجرآ عظيمآ ولهديناهم صراط مستقيما ومن يطع الله والرسول) تعال نقرا تعال نقول لانخدع انفسنا بعدين نقول الله غفور رحيم بعدين انتهت القضيه لا الله شديد العقاب يااحبتي قال ان رحمة الله قريب من من؟من المحسنين ,أحنا منهم ؟قول لأبليس هذي الآيات أذا قال لك الله غفور رحيم ,ورحمتي وسعت كل شي فسأكتبها لمن؟للذين يتقون هل احنا منهم؟مايقول للمتقين ان الله غفور رحيم ,مايقول للمحسنين ان الله غفور رحيم لكن لقى الناس الثانين اللي الواحد قاعد يسوي اللي يبغى منهم ياربي هؤلا المتقون؟قال(فَسَأَكْتُبُهَا لِلَّذِينَ يَتَّقُونَ)وش يسوون بعد؟ (وَيُؤْتُونَ الزَّكَـاةَ وَالَّذِينَ هُم بِآيَاتِنَا يُؤْمِنُونَ)كيف نعرف ؟ كلنا ابليس يقول مؤمنين كيف نعرف؟ كمل الآيات (الَّذِينَ يَتَّبِعُونَ الرَّسُولَ النَّبِيَّ الأُمِّيَّ) فيه ناس يسمعك تقول هذا طلعه قدام الناس وتقول هذا عكس محمد عليه الصلاة والسلام بس انه مسلم عكس محمد أشرح لكم محمد عليه الصلاة والسلام بس واحد تجيبه تقول عكس هذا تشوف هذا ثوبه طويل يسحب وثوب النبي صلى الله عليه وسلم فوق الكعب هذا مسوي بلحيته جميع الاشياء الا زي النبي عليه الصلاة والسلام هذا يتكلم بأي كلمه عكس النبي عليه الصلاة والسلام هذا ممكن يقلد أي أحد الا النبي عليه الصلاة والسلام....
هـــذا وصلـــى اللــــه وسلــــم علـــى نبينـــا محمــــد
رابط صوتي للماحضرة
http://www.abdelmohsen.com/play-648.html
أم جنو @am_gno_2
محررة برونزية
يلزم عليك تسجيل الدخول أولًا لكتابة تعليق.
أم جنو
•
اللهم صلي على محمد وآل محمد جزاج الله خير اختي ام جنو وجعلنا واياكم من السعداء في الدارين ورزقنا رحمته ورضاه وجعلنا ممن يستمعون القول فيتبعون أحسنه بارك الله فيك وفي ما خطته يدكاللهم صلي على محمد وآل محمد جزاج الله خير اختي ام جنو وجعلنا واياكم من السعداء في الدارين...
بارك الله فيك أخيتي
لاتنسي بأن لك بمثل مادعوتي لي
شاكره مرورك يالغلا...
الصفحة الأخيرة
جزاج الله خير اختي ام جنو
وجعلنا واياكم من السعداء في الدارين ورزقنا رحمته ورضاه
وجعلنا ممن يستمعون القول فيتبعون أحسنه
بارك الله فيك وفي ما خطته يدك