اولا احب انوه انه اطارات المكيفات موجودة بس ماحان الوقت لتركيبها
والشي الثاني الشقه ايجار وحنا ناس مب مستقرين كل كم سنه بمدينه والنقل هدني وطفشت منه
وثالثا شقتي بسيطة جدا جدا ومتواضعه
ومتحسفه اكثر اكسسوارات اقل ضرر انها بتهدني بالنقل
كاني كثرت هذره هههههههههههه
طبعا حنا عندنا كتب كثيرة وكانت مبهذلتنا والمكتبه الاولى حجم دفش على الفاضي ماتضف شي رحنا حطينا هذي وحط زوجي معاها مكتبه وكرسي ركن مكتبه والباقي مجلس
وفوق المكتبه صفيت الطابعه التلفون الزايد لاني ماركبت ثابت بشقتنا هذي والمسجل والمودم
والمكتبه فيها درجين حطيت الاقلام الستكرات والاشياء المكتبيه ضفتهن عني
لكن فيه شوية حوسة واكياس كتب جديدة خخخخخ وشبشبي تحت المكتب مكان ماكنت جالسه وسجاده معلقة على يد الباب خخخخخ ماامداني اضفهن لانه انتهزت نوم ولدي بالتصوييير
طبعا الباب الي قدامكم هذا مدخل الشقه للرجال وجنبها بالضبط باب ثاني مدخل للحريم وهذا هو ممر الباب الي يودي لباقي البيت
طبعا عندي ساتر او يسمى حاجز حطيته بالممر على جنب واذا جاني حريم ورجال مع بعض اسيد فيه المدخلين عن بعض:39:
الان نطلع من هالممر الصغير نلف يمين خخخخخخ يجيني منطقة تركتها كانها ممر ...على يدي اليمين طاولة اكلنا ووراها جلسة وعلى يدي اليسار انتريه مع مرايتها وهالانتريه تقع بين بابين الباب الاول باب غرفة المعيشة والتلفزيون والباب الثاني باب المطبخ
طبعا بالصالة حطيت رفيين كل الفواحات مباخر وماشابه حطيتهن عليهن نجي للانتريه الي بين البابين فيه دروووج استفدت منهن مثلا درج اضع فيه اكياس الي يجيب فيها ابونا الاغراض ودرج ثاني وضعت فيه علبة طباشير للوحة عيالي ودرج وضعت فيه المكواية ودرج وضعت فيه القاعدات الي تحت الاشياء الحارة ودرج فيه قفازات بلاستيكيه ومسدس صمغ والمقصات بالصندوق الي فوق
والميزانتحت هالانتريه بعد مغبيته وفيه عندي كرسي طعام لولدي جبته حطيته تحت هالرف الي بالصالة لانه يجلس فيه اذا اكلنا
فيه دولاب خليته للجزم وفوق هالدولاب فيه صندوق بصراحه ماعندي صيدليه حطيت الادوية فيه ومشى الحال وبهالدولاب فيه درج فوق اذا لاحظتوا حطيت فيه قارورات ولدي لانه لسه مابدا يشرب فيهن وحطيت توصيله بعد وبس
لا تروحون بعيد بكمل لكم الاجزاء البااااقية انتظروني وعطوني اراءكم بس بدون مجاملات لراني اتقبل النقد بصدر رحب
واهم شي يابنات اي شي زااايد ماتخلينه يتراكم عندك ويعفن تبرعي به لاي احد انا اي شي زايد ماابيه اطلعه جنب الزباله تكرمون يجي عامل مسكين ياخذه
والان ننتقل الى منظر من كنب الصالة على غرفة المعيشة
يــــــتــــبـــع