عندك علب؟؟ اكسسوارتك مكركبة ؟؟ تعالي معاي ننظمها

هلا حوائيات ؟ شخباركم ؟

كلنا نعاني من حوسة وكركبة الاكسسوارت وكلما رتبنا بعد فترة يرجعون مثل ما كانوا وكثير من العضوات جزاهم الله خير عرضوا لنا أفكارهم في تنظيم الاكسسوارت وكانت افكار حلوة

في المقابل كثير منا عندها علب كارتونية مثل علبة عطور او شماغ وانا من النوع اللي احب اجمع هاللعب وما ارميها >> اصلا كل شي احتفظ فيه لوقت الزنقة :35:

ومعروف العلب الجاهزة باهضة الثمن وفوق هذا ما تشيل الا اشياء بسيطة واحنا الله خير كل وحدة فينا عندها محل اكسسوارت

وقلت ليش ما استغل هاللعب في حفظ اكسسوارتي واخصص لكل علبة نوع >> كانت اكسسوارتي مرتبة لكن طمحت لتنظيم وترتيب افضل خصوصا انهم كانوا في علب مكشوفة

ويتعرضون للغبار

وفي هالموضوع راح انزل شغلي على علبة الخواتم

نبتدي على بركة الله

نحتاج إلى

علبة كارتونية - اسفنج خفيف بسمك نصف انش - قطعة قماش سادة ويفضل الجوخ أو مخمل واذا ما كان عندك اي قطعة بس تكون سادة - مقص - صمغ حراري - خيط وابرة - قلم ومسطرة




أول خطوة ناخذ طول العلبة فقط والعرض ما يهم



بعدين نقص قطعة من الاسفنج بطول العلبة والعرض خليه اكبر من عرض العلبة بمرتين او ثلاث مرات ، يعني اذا كان عرضها 20 سم ، قصيها 60 سم

بعدين قصي قطعة القماس بنفس مقاس الاسفنجة مع زيادة 2سم في الطول وحطيها على الاسفنجة مثل الصورة



الخطوة الثالثة ناخذ ارتفاع العلبة وطلع عندي 4.5 سم راح اضربها في 2 وتطلع 9 سم بس راح انقص منها 1 سم وتصير 8 سم >> شلت 1 سم علشان اخلي مجال لغلق العلبة وعدم اصدام الغطاء بالخواتم



راح اقلب الاسفنجة على الظهر يعني القماش راح يصير اسفل والاسفنجة من فوق واقسمها إلى مستطيلات بعرض 8 سم

طبعا القلم ما بين في التصوير فاضطريت ارسمه ببرنامج الرسام علشان يوضح لكم



ونقص كل مستطيل لحاله ، يعني في النهاية راح يطلع لك مستطيل بطول 27سم وهو طول العلبة وعرض 8 سم وكل مستطيل من الاسفنج معاه قطعة من القماش بنفس القياس مع زيادة اسم في كل جانب كما هو موضح بالصورة



الخطوة اللي بعدها راح ناخذ مستطيل واحد ونثنيه بالطول ونبتدي نخيط الجانبين على بعض مثل الصورة



وفي النهاية تطلع لنا بهذا الشكل




لا تدققون في الخياطة ادري مو مرتبة بس بعدين راح يتغطى وما يبان شي

يتبع بدون رد