مشكله تعتقدون لها حل

هذي القصه ترويها صديقتي

بسم الله

ببداء قصتي من قبل اتزوج انا ترتيبي من بين اخواتني الخامسه انا و تؤامتي وتحتنا 3 بنات ولنا اخ يتوسطنا

ابوي امام مسجد وحياتنا بسيطه اخواتي الثلاث الكبار تزوجو وصار عندهم بنات واولاد اختي الكبيره مرتاحه مع زوجها

اماالثانيه مش مرتاحه لانه مو من قبيلتنا وحياتنا مستمره درست وكملت دراستي وتخرجت من الثانويه وتقدم لخطبتي

رجل يشتغل في هيئة الامر بالمعروف و النهي عن المنكر اعجب فيه ابوي وامي حتى انا وكانت سمعته حلوه بين الناس هو واهله

تزوجت وتزوجت تؤامتي واختي اللي اكبر مننا ومرت الايام وانبسطنا وكان زوجي مبسوط وعشنا حياتنا لمدة سنتين

كانت تؤامتي تشتكي من زوجها راعي بنات وسهر وكنت اصبرها وكنت اقولها روحي عند اهلي واشتكي لعل وعسى يتادب

كانت تقول احبه مااقدر ابعد عنه بس كنت ازن وراها بس مافي فايده اختي اللي اصغر مننا انخطبت وقالت لزوجي اسال عنه

وشوف راح زوجي سأل عنه طلع مثل اخوه راعي بنات وسهر على بحر ارامكو هذا غير سيرته الزفته

زوجي خبر اختي بس اختي الله يهديها راحت علمت ابوي وماقصرت شوت مشاكل وابوي تهاوش مع زوجي

ونطرد من البيت وقاله مالك شغل ببناتي وقاله زوجي بنت قالت اسال عنه قال انت مالك شغل

واختي الصغيره قالت زوجك ماله دخل حلو شين بتزوجه رحت انصحها خبرت ابوي ابوي ضربني وهزئني وطردني

وطرد زوجي وصدمتي اكبر ان اخواتي كلهم كانو موجودين ولاقالو شي ولانطقو بكلمه

اخوي يقول لاشفتك راح اذبحك

طبعا رحت لبيتي وانا مقهوره ودمعتي مانشفت احس قلبي محروق الى الحين

زوجي يهديني ويقولي اصبري وكنت اقول هذول مو اهل الاهل مايتركون بنتهم مهما يصير

ومرت لايام وكنت اشتاق لمي وابكي كل يوم من شوقي لها اتمنى احظنها اتمنى اشم ريحتها اشتاق لتؤامتي

ياربي الحياه مو حلوه بدونهم

كرهت حياتي كل يوم زوجي يصبرني بس مافي فايده صرت قدامه ابين اني مبسوطه وقعدت سنه من دون مااشوف اهلي
وحملت وتعب الحمل كوم ثاني ووحام وقلبي يتقطع على شوفت امي

قلت لزوجي ودني عند اهلي وللي يصير يصير قال بوديك بس اذا رحتي مالك رجعه تهاوشنا

قال انسي اهلك انا حسيتها صاعقه ليه انساهم قال لحد يعتذرون مني قلتله انا مانتظر منهم هذول اهلي

طلع زوجي متفرعن علي صرت ادعي على نفسي مرت تسعه شهور وانا اذوق العذب عذاب فراق اهلي وتهديد زوجي
اهل زوجي مايقصرون بس اهلي اهلي مافي مثلهم

ولدت وجبت بنت يوم لدت جا عمي ابو زوجي يقول تؤامتك ولدت وجابت ولد ردي لعمي بكا ماقدرت امسك نفسي
اختي ولدت اخبارها كيف صحتها قال بخير
وانا محد سال عني امي ابوي اخواتي يزورون اختي اللي بالمستشفى ولا يمروني
تعبت تعب اكثر من تعب الولاده
رحت لبيتي وانا ميؤسه حلفت ام زوجي اقعد عندها قعدت اسبوع ومحد سال عني رن تلفون بيت اهل زوجي طلعت امي بتجي تزورني انبسطت وقلت خلاص على وجه بنتي كل شي بيرجع زي ماكان
او ماشفت امي رميت نفسي على امي قمت ابكي وامي تبكي واخواتي بوستهم تقولون عطشانه ياليت هذاك اليوم يرجع
قالت لمي وين فلانه قلبي تؤامتي قالت تعبانه ماتقدر تمشي قلت لها ليه قالت مسويه قيصريه وقلبي عليك يااختي
ليته فيني ولا فيك راحو بسرعه ابوي مايبي يسلم علي رحت سلمت عليه غصب بالحوش على يديه ورجوله
قلتله مااقدر اعيش بدون حسكم بكا وقال قلبي وبيتك مفتوح مشا يوم شاف زوجي
دقت تؤامتي على البيت اهل زوجي بس زوجي قال اذا كلمتيها ماراح يصير خير قصرت الشر وماكلمتها
رحت بيتي وخلصت الاربعين وزوجي تغير وصار قليل ادب بكلامه صار يلعن ابوي واهلي وهواش صار يطنشني وانا اطنشه صرت كرهه وصار يداوم كل يوم حتى الاجازات واكتشفت عنده فلاشات وسي ديات من الشغل من اللي يلقونها
من عيال الحرام وممارسات انتم اكيد عارفين يتفرجلهم وصدمتي الكبرا انه يجيبهاللبيت بموت القهر والصدمه
صار يطلب مني انه يمارس معاي من الخلف بس كنت ومازلت ارفض
وصار يهددني بزواج ويدور بمنتديات الزواج هذا غير الاهانات واهله مايدرون عنا والحين بنتي عمرها 5شهور وانا حامل
في شهرين وحياتي كل يوم اخس من اللي قبلها مسوي نفسه مطوع وراعي دين والله
والحين صارله يومين يتقرب مني ويسمعني كلام احلى من العسل تدروووون ليه عشان انه رافع قضيه عى ابوي ياخذ حقه لانه تكلم عليه بس وانا ادري يبي يكسبني وانا ماصارلي كلمه
فكرت اني اروح مكان محد يدري عني لدار الايتام يقبلوني انا وبنتي واعيش مجهوله محد يدري عني
بس قبل اروح راح افضحه عند اهله با السي ديات والفلاشات
لا تقولون روحي لاهلك اهلي ساكنين في بيت تبع المسجد وما اقدر احط حملي عليهم وصعب صرفيتنا