هلا وغلا ببنات حواء كيفكم عساكم بخير ان شا ءالله :26:
انا من زمان بهالمنتدى وكان اسمي صعبه وماتهاب واللحين تغير الى مشــاعل>>> حابه اعرف عن نفسي بالاول :p
المهم لاحظت هم بعد بهالمنتدى اغلب البنات يعالجون حبوب البشرة بالمواد الكميائيه او المقشرات مثل الريتنA او اكرتين ... الخ انواع المقشرات بس ذكرت اشهرها .. تعالوا معي ياحلوين راح اعطيكم على حل فعال ويغنيك عن المقشرات وطقتهم
اولا انا الحمدالله ماعاني من الحبوب.. الا اذا جات الدورة الشهريه حبه حبتين يعني والايام العاديه الحمدالله صافيه
قبل مااعطيك الحلول ابيك منك شي واحد بس تسويه قبل ماقولك على الحل الفعال اوك نبدا .. انك تعرفين بالاول قبل وش نوع بشرتك :smheart:
انا بشرتي دهنيه مرررررره وراح اقول لاي وحده من البنات اللي بشرتها دهنيه تطعيني وتسوي اللي اقولها لانه بالاخير هي الربحانه معاي ..
شوفي حبيبتي اول ماتحسين انه بشرتك بدت تدهن وصار في دهون بوجهك لاتجلسين ساعه ساعتين وماتغسلين او تمسحينها وتكملين سوالف وضحك مع الاهل او تشوفين التلفزيون وتنسين حبيتي او ماتدهن البشره بعدها 10 دقايق قومي وغسلي وجهك بصابونه خاصه للبشره الدهنيه.. اللي ماتعرف الصاوبين للبشره الدهنيه انا اقولك..
عندك صابونة البابايا اللي فيها من داخل قطع بابايا ... عندك صابونة الكركم.. عندك صابون السولفيت اي صابونة الكبريت.. عندك صابونة الاكني ايد بالصيدليات تحصلونها هذي مرة زينه للبشره الدهنيه تجففها بطرقيتك هاذي تمنعين من ظهور الحبوب اســـــــــــاسا لانك تشيلين الدهون اول باول ومايصير فيه انسداد بالمسامات
يعني الشغله انك تهتمين الوقايه خير من العلاج قومي غسلي وجهك اول ماتدهن واستني 10 دقايق او 20 دقيقه وبعدها غسلي وخلاص
وفي نقطة ابي انوه عليها البنات انا لاحظت كثير يستخدمون غسول للبشره او شامبو للشعر في غسل وجيهم في دكتور يقول ان الصابون افضل واحسن من الغسولات .... وانصح البنات اللي بشرتهم دهنيه تترك الغسول وتستخدم من اي صابونة قلتها
اللحين الحل لاي حبوب بالبشره.. شوفي يابنت الناس بالبدايه خليك على الطبيعي .. اذا اطعت لك حبوب بوجهك قومي خذي صحن وحطي فيه 4 ثلجات .. قومي غسلي وجهك بماي بارد عشان ماتسوين شوك للبشرة اي صدمه للبشرة من كذا غسليه بالاول ماء بارد .. بعدها جيبي ثلج وحركي على الجبهه وعلى الانف وعلى الخدود والدقن كل وجهك اربع ثلجات ورا بعض ... السبب الثلج يحرك الدورة الدمويه بالوجه بسرعه وراح تشوفي تدفق الدم ببوجهك كيف محمر والحبوب في ثاني يوم تلاقينها شبه مختفيه هذي سويها قبل النوم حركة الثلج مرتين بالاسبوع اللي وجها صافي وللي في حبوب يوميا ثلج على مكان الحبه بس .. واللي تخاف من الثلح تاخذ الكيس اللي به جل وتحطينه بفريزر اللي ينباع بالصيدليات بس الثلج احسن
وبعدها جيبي خل تفاح مخفف مثل خل الرميحين مريتين بالاسبوع الوجه كله او 3 مرات ..... واذا على الحبه عادي شبه يوميا ومعروف اذا استخدمتي يومين ورا بعض هالخل التفاح تختفي
وومكن تاخذين شوي من كريم سودو وعلى مكان الحبه قبل النوم مرررة فعاله وتلاقينها الصباح اصغرت وبس
وراح تكون بشرتكم تجنن ولاتنسون تستخدمون مرطب خاص للبشرة الدهنيه انا استخدم فير اند لفلي العشبي مو الكبسولات العشبي الا في 16 عشبه وانا على فير اند لفلي 4 سنوات من جد يجنن للبشرة الدهنيه وماعليكم من اللي يقولون عنه انه مسرطن اذا في دكتورة بالجلديه والله تنصح فيه وانا استخدمه مو للتفتيح لاني بيضا اصلا اسخدمه لانه حلو على البشرة الدهنيه تحسن صدق وجهك نظيف وكانك حاطه اساس خفيف من جد رهيب وانا ماحط مكياج بس فير اند لافلي وروج وردي وكحل جو العين ولا احلى من كذا ... ونصيحه ابتعدو عن المكياج لاتكثرون بس بالمناسبات
ونصيحه من ذهــــــــــــــــــــب :- لما تغسلين ابدئي بماي فاتر واختميها بماء بــــــــــــــارد وهذا اكثر ممثلات هووليود يسونه السبب يسر المسامات ويمنع من ظهور الحبوب والحمدالهل انا اتبع هالشي
وقللوا من المقليات والغازات والبروستد واي شي دهني قللوا منه لانه ترا يظهر على الوجه
ماكتبت هالموضوع الا لاني خايفة عليكم من هالمقشرات وبلاويها وانا جربت هالطريقه اللي قلتها على حبوب الدورة ورب البيت انهم راحوا من دون اثر لاني بعد مالعب فيهم
ومابي منكم الا دعوة حلوة ياحلى عضوات بالعالم:p
احبكم في الله :)
مشــاعل @mshaaal_47
عضوة نشيطة
يلزم عليك تسجيل الدخول أولًا لكتابة تعليق.
مشــاعل
•
:)
مشــاعل
•
تسلمين ياكسرة خبز على مرورك والله انه نشرح صدري
بنات على اقل كلمة شكرا من لا يشكر الناس لايشكر الله ... عشان الواحد يتحمس ويكتبلكم اي شي يفيدكم
بنات على اقل كلمة شكرا من لا يشكر الناس لايشكر الله ... عشان الواحد يتحمس ويكتبلكم اي شي يفيدكم
الصفحة الأخيرة