وش اخباركم اخواتي مع البرد عساكم طيبين
اليوم سويت اكله شعبيه ومعروفه بس البعض مايعرف طريقتها قلت انزلها في المنتدى علشان تجربونها وتدفيكم في البرد هي الصبيب وعند البعض يسميها المصابيب وترها سهله ولذيذه
نبدأ بسم الله اول شي جيبي اناء وحطي فيه 2ك ونصف دقيق بر 2م ك حليب و3 م ك سكر وربع ك زيت ( حجم الكاس حق الجبن السائل الكبير)
وصبي مويه وحركي بالمضرب اليدوي الى ان تطلع الخلطه مثل الي في الصوره واضيفي لها م ك بكنج بودر وحركيها سخني الصاج وامسحيه بالزيت بالمنديل بس مره وحده يعني ومو كل مره تحطين زيت ضعي الصبيب بالملعقه واذا امتلىء الصاج خلي النار عاليه اذا بدا ينشف خلي النار وسط واذا تشقر اقلبيه على الجهه الثانيه وهكذا في كل مره واذا جيتي تصبين الخليط حركيه وصبي في كل مره اذا انتهيتي من العمل جهزي الكشنه عباره عن بصل وطماطم وسمن وبهارات ولا تنسي الملح ومعجون الطماطم
جيبي قدر وضعي كم حبه ورشي عليها من البصل وثم ضعي طبقه ثانيه وهكذا وضعي القدر على نار هادئه وقلبيه شوي اذا صار حار ضعيه في حافظه وتمتعي بالطعم
ملاحظه تقدرين تخلينه حالي تضعين ماء وسكر وسمن وفلفل اسود على النار ربع ساعه وترشينه على الصبيب
وهذا شكل الخليط
وهذا لما صبيته على الصاج
وهذا لما قلبته على الجهه الثانيه
وهذا لما انتهيت
وهذه الكشنه بالسمنه افضل من الزيت
وهذا الصحن هديه لكم يااحلى منتدى
لا تنسوني بدعواتكم ان الله يفرحنا بالترسيم معلمات محو الأمية
__________________