الكبو المشروب @@ حل للى ماتحب ريحه الكبو

مراحب الجميع

:26::26::26::26:

اى نظام نفاس ناجح يكون كامل

وكل نفاس يحوى جوانب كثيره

وماينفع اهمل جانب من جوانب النفاس

كثيرات تمشى على نظام نفاس

وتجى عند الكبو وتقول: حذفت الكبو !!

ليه ؟؟

ماحب ريحته

ماقدر احط كبو بيتى شقه صغيره وكل الجيران بيدرون ان فينى الدوره :(

استحى من زوجى ما ابيه يشمه !!:angry2:

مع ان زوجك نفسه بيهج عن عطورك لو شافك غلط بعد الاربعين:eek:

الكبو المشروب

طريقه قد تكون خافيه على البعض

وهو استخدام الكبو عن طريق الشرب

وقبل ماتنط عين وحده من مكانها

وتقول شلون !!:o

مقاديره كلها امنه

وتؤخذ عن طريق الفم

عندى رساله من ام ما تستخدم كبو

رغم حاجتها له للهواء معها

والشمم احيانا

لان عندها طفل فيه ربو وتخاف عليه

الكبو المشروب حل

تحطين بكاسه شاهى

او بفنجان قهوه

وتشربينه

على قهوه او شاى

مقاديره

مره

كمون

فلفل هواء

حزاه

مقل

خواجوا

قرض
رشاد

تخلط وتطحن

يجى سؤال منكم يقول :

وش فرقه عن كبو الفحم

الفرق بالطريقه

كبو الفحم على الفحم

وكبو المشروب يشرب

وبكبو المشروب حذف قشور البصل
او قشور الترنج لان البعض يحط قشور ترنج بدل قشور البصل

انا نعم استخدم كبو المشروب بحالات

اكون مسافره وبغرفه بفندق

ماقدر اشعل فحم تشتغل صفرات الانذار

واكون بايام دوره استخدم كبو مشروب

اكون بالمستشفى مثلا منومه لظرف

وايام دوره استخدم الكبو المشروب

يجى بعد سؤال منكم

ايهم افضل الكبو الفحم او الكبو المشروب ؟

كبو الفحم افضل واعمق ونتائجه ازين
ولكن كبو المشروب حل

لان سالفه النظام الناقص عند البعض

ماتجى بصالح الوحده

تجمعين لك نظام وتحذفين الكبو شي غلط

خلى نظامك شامل

والبعض تستخدم كبو فحم بس الغلط يمينه ويساره

شلون !!!

تسوى كبو فحم

وعقبه مباشره تتروش !!!

عشان الريحه

وهنا ما استفدت شي


تسوى كبو فحم

وتحذف كثير من مقاديره

تقولك ماعرفت اجيب بعض المقادير

وهنا المفروض يكون الكبو كامله مقاديره

تسوى كبو فحم ولا تلبس سروايل طويله

اما حر ماتحملها

او مانى متعوده عليها

وهنا غلط

بعد الكبو تلبسين سروايل طويله

سروال خط البلده

بنطلون

اى شي

تسوى كبو فحم وتترك مروحه الشفط شغاله

او ماتضم رجولها وهى جالسه على الكرسى

او تسوى كبو فحم وتجلس بدون كرسى بالحمام وهنا غلط

انتى نفاس ركبى لك كرسى ماياخذ بالتركيب ساعه



وكل الطرق ماتكون الوحده بحاله استفاده كامله من الكبو

والكبو نوعين

كبو شمم للكبار والصغار للتسنين عند الصغار مثلا

وهذا بكل بيت موجود

كبو الهواء هو نفسه كبو النفاس

وتختلف مقادير هذا عن مقادير هذا

الكبو المشروب

طريقه معمول بها عند البعض

الكبو المشروب

حل من باب العوض ولا القطيعه

عشان النفاس يكون كامل بدون نقص

لما نستخدم الكبو المشروب

تبدا عند الاغلبيه

قرقعه بالبطن واصوات غازات طالعه

يعنى الاصوات تسمعينها

وتظل معك يوم وليله

خروج الهواء والغازات من بطنك

والشى مايخوف

يجى سؤال منكم يقول :

اقدر استخدم الاثنين كبو فحم وكبو هواء !

اكتفى بواحد

اذا كنتى قادره على كبو الفحم هو بالمقدمه

وهذا ينوب عن هذا ومافيه مجال للخلط بينهم

الكبو المشروب قد يكون حل للبعض لجعل النفاس

كامل دون نقص ....


موفقين خير