السلام عليكم ورحمة الله وبركاته
حياكم اخواتي في يوم من ايامي انا وشلة المرح
الي تتكون من
الزعيم :55:....معاذ -عمره 6 سنوات ويدرس بالصف الاول
البرنسيسه:27:....نوني- عمرها 3 الله يصلحها ويهديها
عصفورنا الجديد:04:....عزوز -عمره شهرين ونص
يبدا يومي عادة بعد صلاة الفجر
نقوم للصلاة انا وزوجي وهو يرجع ياخذ غفوة بينما اجهز انا الفطور له ولولدي واجهز لولدي ايضا حقيبة الوجبة المدرسيه
اصحيهم على الساعه 6
ولدي عادة يفطر كورن فليكس او حليب شوكولاته
ومازلت احاول كل يوم اقنعه ياكل لو حبة تمر واحده على الفطور ولكن للاسف ....لكني ماياست وان شاء الله اخليه يتعود غصب
بعد كذا يلبس ملابسه ...اليوم كان عنده حصة رياضه فلازم يلبس بدلة الهلال حبيبته
ويشيل شنطته واودعه عند الباب ولازم اعطيه ضمه وبوسه قبل لايطلع واستودعه ربي واذكره بدعاء الخروج من المنزل
بسم الله توكلنا على الله ولاحول ولاقوة الا بالله
لا احد يرد لو سمحتوا
ملاحظه
عندي مشكله في الاتصال ان شاء الله اقدر اكمل الموضوع لكن لو ماقدرت ارجوكم اعذروني
معليش مضطره اخلي المشاركه في اكثر من رد
واصحى الساعه 10 تقريبا انا والكتاكيت الباقين نوني وعزوز
طبعا اول شي اغسل لهم واغير بيجاماتهم والله يعينني على البرنسيسه لانها تجلس ساعه تختار ملابسها ولازم نمشط شعرها ونخليها على سنغه عشره
اجهز فطور نوني والله يهديها مزاجها جدا صعب في الاكل واول ماتصحى من النوم نفسيتها زفت وزين ان قدرت اقنعها تاكل شوي كورن فليكس
وايضا عزوزي اعطيه رضعته والعبه بعدها شوي ولما ينام احطه بسريره الي بغرفة الجلوس عشان اسمعه لو بكى
بعدها البرنسيسه نوني تتكرم علي بانها تقضي وقتها في اللعب وانا اروح اشوف شغلي