السعودية - جميع المدن
ابحاث ومشاريع تخرج
ابحاث، عروض بوربوينت، مشاريع تخرج، رسائل ماجستير باللغتين ومع خصومات
              

السعودية - جميع المدن
ابحاث ومشاريع تخرج
ابحاث، عروض بوربوينت، مشاريع تخرج، رسائل ماجستير باللغتين ومع خصومات
قديم 24-12-1430 هـ, 10:39 صباحاً   #1
سارونه 2009

عضوة نشيطة
 
الصورة الرمزية سارونه 2009
 
تاريخ التسجيل: 08-05-1430 هـ
المشاركات: 224


Thumbs up راتب ضمان المطلقات دخوول بس للمطلقات (موضوع مفتوح )

بسم الله الرحمن الرحيم ...

السلام عليكم ورحمه الله وبركاته

كيفكم بنات وش اخباركن <<يازين الادب

قلت اكتب موضوع ونستفيد من بعض لعل
وعسى نلقى حلول او نستفيد من اقتراحات الاخوات

الموضوع الله يسلمكن


الضمــــــــــــــــــان <<دراهم يعني

بدخل بالموضوع على طووووول

انا واعوذ بالله من كلمة انا قدمت على الضمان وبعد الاجراءت جاء موعد الرااتب ياااااااه

ماتتخيلون فرحتى قسم قمت ابكي واضحك مو عشان الفلوس لا عشااان يكون عندي مصدر

ماالي على الاقل مااذل نفسي لا حد والله لا
يحوجنى ولا يحوج جميع خواتي المطلقات لاحد....

رحت عشان اوقع على البطاقه وبعد اربع وعشرين ساعه بتفعل ورحت عشان اسحب الراتب ماشاء الله تبارك الله

والناااس الي حوولي الكل بداء يطير عيونه يااساتر وانا متاكده مو بس انا حتى انتو خواتي الكل يحسبكم شبعانات
ومنغنغات <<متعوب عليها خخخ


طبعا الكل قام يتشره انى اعطيه واسمع من قرايبي يااحظك عندك راتب الحين تدلعين
واسمع فلانه قدمت على الضمان صاارت
تلعب بالفلوس
بسم الله تونا مابدينا كلهم ثلاث شهور

المهم رحت لسوق فى الليل شريت لى بلوزه ودراعه وخرابيط من ابو ريالين من مساكات شعر وبكل وميداليات ولعب لا ا ختى ..

طبعا قامت الناس تلمح بعشاء قلت يابنت الناس فرحانه معك ههههههههه
واضربها بمية ريال عشاء واعشييهم بالعاافيه يااارب

والى يقولى ميه سلف !! والى محتاج بنزين اخر الشهر
بيني وبينكم والله رحمتهم قلت يلا اخواني اكيد بيرجعون المبلغ لي وراهم مصااريف
<<<مشكلتي قلبي طيب حيييل اي شي ياثر فيني..
طار راتب اول شهر .


ثااني شهر نفس الشي بديت التلميحات والولد محتاج حليب ويااختى ماعندي راتبي طار على التسديد وطار سلفيات واخذت انا يمكن نصه الي تبقى لي وشريت لنفسي اغراض الحمد الله

الراتب الثاالث ..
يوم عيد الاضحى محد سددني الكل يقولولي الشهر الجاااااي
اقسم بالله للعيد شريت بس بلوزه اخذتها من التخفيضااات والتنوره الى عندي قديمه قلت امشي نفسي واغلبه طيريته على اغراض البيت حتى حلاو العيد جبته وشريت كاسات وفناجيل وصياني عشان العيد لان محد بيجيب وربي انقهرت محسسيني انى استلم خمس او تسع الاف مو ثمن ميه ههههههههه قسم الكل حاط عينه على رويتبي <<مصغر لرااتب

تدروون وش الي بكااني بعد العيد لاني صررررت صفررر ولا رياال بالبوك مابقى عندي شي وبكيت يوم شفت عبااتي انشقت واناطالعه مدري من دعسنى من وراى انقطعت الخيوط وانشقت ورحت وخيطتها وتفشل وربي ماتنلبسس ومااعندي فلووس اشتري عبايه جديده وكرهت نفسي سااعتها وبكيت وضليت منقهره من نفسي لثااني يووم حسيت انى مدري وشلون جااني احساس غريب والله يااخواتى ماتخيلون تعوذت من الشيطان وقمت اشجع نفسي قلت يالله عند الله مايظيع وحمد ربك ياابنت شي يجي كل شهر احسن من لا شي ..


وزوجة اخوي داايم اسمعها تقولى انتى ماعندك احد لا وظيفه ولا شي ولا عياال بنت فااضيه راتبك وين بيطير وبعدين ولا شفتك جبتي شي للبيت اتوقع انك تجمعين وهمتك بس نفسك
حتى عيالى مافكرتى تعطينهم على الاقل مية رياال؟؟؟؟؟!!!!!!!!!


بسم الله وين اجمع ثلاث رواتب على مدار ثلاث شهور بس
اقسم بالله مو مقصره مع احد بشي حتى مره اخوي قال قدامها انى اسلفه واعطيه وزعلت هي وقتها ...وحسيت انه قال كلمه حق وقتها وريحتني .....

هااااذي قصتي مع بدايه الراااتب ايه صح ترى مرات ينقص يخصمون من الضمان ميه ومرات ثلاث ميه تروح حتى العشرين تنشفط الله يشفط رووسهم واكتشفت يوم رحت للهم انى مو بس انا معي كثيررر من الحريم والبنات


يالله عااد ياحبوبات كل وحده هنا تقول كيف تستفيد من راتبها وكيف تصرفه واول راتب ايش سووووووت فيه ...فيه افكار تنفعنا بدل مانطير

والى عندها طريقه او حل لي عشان مااخليهم ياخذون منى بدون مااجرحهم لانى مااقدر اقول مااعندي وهو عندي وهم يسحبون الراتب لي مااقدر اكذب لانهم يشفون الراتب قدامهم ونفسي استغل بنفسي اشتري الي ابي ماابي احرم نفسي شي صراااحه ..

هاالله هالله بالمشاركات والافكاار عشان نفيد بعض ويمكن تطلع لنا افكار جهنميه او تجي وحده وتطلع عندها فكره تنفعنا كلنا لان مو بسا نا استلم كثيررررررر مطلقااااااات يستلموووووون سواء بنات او عندهم عياااال

وادعو الله يعوضنا ويرزقنا باازواج صاالحين وماانسى يااخواتي الغاليات ترى الله هو الي يختار لنا واهم حاجه ان بزواجنا الي قبل استخرنا يعنى الله كتب قدر كل وحده فينا من قبل لاتطلع على الدنيا وماندري وين الخيره اهم شي ندعي ونتفائل بالحياه ونرضى بالى الله يكتبه وصدقونى الله بيعوضنى وايكم بكل خيروعندي اممممممممل كبيررررر
بيجي يوم والله بيفرحنى بخبر اي شي يسعدنى



<<عاد لا تفشلوني....

انتظر ردودكم الحلوه ومشاركاتكم لو انخلى الموضوع ملف كامل نفيد بعض

اختكم ساارونه ...

والى تدخل ومالها شغل بالضمان ترفع الموضوع ولو بدعوه تكتب لها عند الله ثواااااااب
بارك الله فيكم .....

السعودية - جميع المدن
ابحاث ومشاريع تخرج
ابحاث، عروض بوربوينت، مشاريع تخرج، رسائل ماجستير باللغتين ومع خصومات


سارونه 2009 غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 24-12-1430 هـ, 10:47 صباحاً   #2
مها الهذال

كبيرة محررات
 
تاريخ التسجيل: 22-08-1430 هـ
المشاركات: 7,147


لاإله إلا أنت سبحانك إني كنت من الظالمين



مها الهذال غير متواجد حالياً رد مع اقتباس

قديم 24-12-1430 هـ, 11:42 صباحاً   #3
قلب اااحمرر
Registered User
 
الصورة الرمزية قلب اااحمرر
 
تاريخ التسجيل: 11-10-1430 هـ
المشاركات: 86


نفس الحاله والله ماشريت ملابس حق العيد الكل يقول هات اخر من يستفيد انا


قلب اااحمرر غير متواجد حالياً رد مع اقتباس

قديم 24-12-1430 هـ, 11:50 صباحاً   #4
w3o0od

عضوة نشيطة
 
الصورة الرمزية w3o0od
 
تاريخ التسجيل: 16-08-1430 هـ
المشاركات: 363


انا لما منت استلم راتب من الضمان اللي هو 800 ريال <<سجلت بمعهد واخذت دورات <<ودلعت نفسي
اما اذا كنت مو محتاجه شي ذاك الشهر اعطيه امي
انا اقولك خليك من الدلع الزايد وسوي شي ينفعك ادخلي دوره دلعي نفسك بالمشغل اشتركي بنادي رياضي <<زيادة دلع
<<والباقي ماعليك من احد واللي يقولك عطيني خليك قويه وقولي ماعندي <<<












اضغطي على الصوره لمعرفة لماذا حذف توقيعك .
w3o0od غير متواجد حالياً رد مع اقتباس

قديم 24-12-1430 هـ, 12:31 مساءً   #5
( شبآصه فوشيه )

محررة برونزية
 
تاريخ التسجيل: 28-11-1429 هـ
المشاركات: 2,528


يختي كلهآآ 800 والله ماتجلس يومين بالصراااافه اناا اتمنى انها تكفيني انا بس محد يبي منها بس ارررررجع وآخذ من اهليّ لآنهآ بذا الغلا والله ماتسوي شي



( شبآصه فوشيه ) غير متواجد حالياً رد مع اقتباس

قديم 24-12-1430 هـ, 12:46 مساءً   #6
hend3

محررة برونزية
 
الصورة الرمزية hend3
 
تاريخ التسجيل: 27-04-1427 هـ
المشاركات: 2,604


خخخخخخخخخخخخخخ

ياحليلك الله يرزقك من فضله ووتسعدين نفسك وغيرك

واذا كنت محتاجة فلوسك لا تعطينهم احد وقولي ماعندي وبعدين ليه يصرفون لك

فيه اختراع اسمه صرافة وين ما تروحين تصرفين منها وانا انصح ما تصرفين فلوسك كلها

كل ما احتجتي خذي منها لأن الفلوس اذا كانت في اليد تسبب حكة للصرف

وسوي منها جمعية مثلا ب 300 وارفعيها لا تفكرين انك تصرفينها يمكن تحتاجينها لا قدر الله لمرض ولا يجيك مناسبة فجأة معاك شئ ادلعين فيه نفسك.
ادخلي دورات وهم يقصدونها عليك كل شهر مبلغ معين افضل من الصرف الفاضي <<<<<< اقول هاتي راتبك ادبرك


hend3 غير متواجد حالياً رد مع اقتباس

قديم 24-12-1430 هـ, 01:54 مساءً   #7
سمارا تمارا

محررة ذهبية
 
تاريخ التسجيل: 14-01-1427 هـ
المشاركات: 4,783


ادخلي جمعيه ب500 علشان تتجمع لك وتكون طويلة الامد او قولي مانزل شئ بعدين هذا مو راتب هذا خرجيه ولا هذا مبلغ مكن يعيش فيه انسان
الله المستعان



سمارا تمارا غير متواجد حالياً رد مع اقتباس

قديم 24-12-1430 هـ, 02:28 مساءً   #8
أم النسيان

عضوة نشيطة
 
تاريخ التسجيل: 16-09-1428 هـ
المشاركات: 346


الله يعطيكم حتى يرضيكم ،لا تستحون من أصحاب الرواتب الراتب طاير طاير ياخذون منك ليه؟؟؟مقهورة والله
فكرة الجمعية مرة حلوة بس إذا مالك هدف راح يكون إغراءها أكبر وتنحط في البال .
الحل لا تستحين من الناس واعتذري منهم مو من كثر راتبك حتى يلومونك وشفتي لما انشقت عباتك مين جاب لك بدالها؟؟ الدنيا كدا ماحد حيساعدك إذا ما ساعدت نفسك والله ييسر لك ويرزقك من واسع فضله وكل أخواتنا المطلقات


أم النسيان غير متواجد حالياً رد مع اقتباس

قديم 24-12-1430 هـ, 02:46 مساءً   #9
كتكووتة

كبيرة محررات
 
الصورة الرمزية كتكووتة
 
تاريخ التسجيل: 20-12-1426 هـ
المشاركات: 10,202


كان اهلك مو محتاجينها
وشولة تصرفينها هي كلها 800 وش بتسوي جمعيها وانا اختك
وخصصي مبلغ بسيط كل شهر وتصدقي فية
جمعيها وعلى قولت اختي اللي قبل اخذي لك دورة يمكن توظفين بعدها ويزيد دخلك
الله يوفقك ويعوضك خير ويعوض كل المطلقات
وويوفقني ويرزقني ويرزق كل الصبايا
اللهم آمين



لكل مهموومه
ضاقت فلما استحكمت حلقات فرجت وكنت اظنها لا تفرج
الهي فرح قلبي واملي فيك كبييير
كتكووتة غير متواجد حالياً رد مع اقتباس

قديم 24-12-1430 هـ, 02:54 مساءً   #10
حلمي انحف

محررة فضية
 
تاريخ التسجيل: 01-10-1428 هـ
المشاركات: 3,697


الله يوسع علينا وعليكم من واسع فضله


ياريت يزودونها

انا سمعت تقدرين تاخذين قرض من بنك التسليف براتب الضمان


مين جربت؟


حلمي انحف غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 09:10 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook