كثير منا يشتكي إن التوفي ما يضبط معاها ، أو إنه يتكتل لقطع صلبة ضمن التوفي اللي ذاب ~
هذي طريقتي لعمل التوفي وإن شاء الله تكون مضبوطة مع كل وحدة تجربها ~
نحتاج :
2 فنجان سكر " فنجان القهوة العربية هو المستخدم "
علبة قشطة معلبة " نستله أو لونا ... "
مكعب زبدة " 10 جم "
.
.
( 1 )
في البداية نذوب السكر على النار
وانتبهي لا يحترق معاك حتى ما يصير مرررررر
طريقتي لما أذوبه إني أخليه على النار وأحرك بشكل دائري وأنا ماسكة القدر حتى يتوزع السكر في كل جانب ويذوب بشكل متساوي ..
( 2 )
لما يذوب السكر تماااااااما ويصير لونه ذهبي
أحط معكب الزبدة وأحركه حتى يذووووب مع السكر ..
( 3 )
الآن هنا النقطة المهمة ..
أفتح علبة القشطة وأحط ملعقة وحدة بس من القشطة على السكر الذائب
وأحرك حركة سريييييعة وبشكل دائري حتى تذوب القشطة تماما
بعدين أحط ملعقة ثانية وأحرك بسرعة
وبعدين أحط باقي العلبة ..
وبهالطريقة أضمن عدم تكتل التوفي معي بإذن الله تعالى ..
~
~
أتمنى أكون قدمت لكم شي من الفائدة ودعواتكم لي إن ربي يرزقني كل خير
دايم تخرب معي وبجرب طريقتك وادعيلك