19-12-1430 هـ, 09:55 صباحاً
بقولكم قصة ولدي من الاول

ولدي عمره ألحين ثلاث سنوات والزياده لا يمشي ولا يحبي ولا يتكلم بس مناغاة وفهمه قليل

يعرفني ويعرف أبوه بشكل عام يعرف كل للي حوله ويحبهم

ولدي من يوم جبته كان جدا طبيعي لاحظت عليه نظرات عيونه مو طبيعيه يعني يناظر من مكان لمكان وكأنه يراقب أحد بنظراته

المهم ما خلينا مكان الاووديناه له أول شي وديناه مستشفى الملك فيصل التخصصي بالرياض وكل فحوصاته تدل أنه سليييييييييييييييييييم

بدينا بالرقيه كل الشيوخ اللي بالسعوديه ما تبين لهم شي

رحنا لقطر عند حرمتين عالجون شعبي للأطفال لمهم يوم رحنا سألتني وحده منهن عنه وجلست تبكي خوفتني حيل تقول علاجه مو عندنا هذا يبيله شيخ يقرا عليه بأستمرار والثانيه جلست تقرا عليه وتنفث عليه وقالت تهيأ لي على جبينه عين

وفي الاخير قالوا أنه صايبته عين مصحوبه من اللي أعوذ بالله

طلعنا من عندهم ألين رحنا عند أمام مسجد بعد في قطر قرا عليه ولا حظ بعد حركت عيونه قال ولدكم فيه من الاعوذ بالله

المهم أنا أستمريت الرقيه على ولدي وأنا وأختي نقرا عليه حتى ختي الصغيره كل ما جا في حظنها تقرا عليه

لكن مابين معانا شي ولله الحمد

حتى في واحد من قرايبنا قرى عليه حس بأن الولد فيه شي موطبيعي



بعد قصت ولدي الطويله أبي أسألكم

ماهي علامات العين على الاطفال ومن عنده خبره قريبه في هذا الشي

أبي منكم برنامج أتبعه مع ولدي في الرقيه عليه ونفس الوقت أبي أرقى نفسي

ملاحظه............
لما أقرا القرأن دايم أسرح ولا أعرف شنو قريت وأن ركزت شوي بسرعه أسرح

موخرا ركزت على سورة ياسين لاحظت كثرة التثاوب
وأنا بشكل عام أتثاوب في الصلاة وعن قراية القرأن وحتى لاراودتني نفس بأني أقرى سوره أو هممت بالقرايه لازم
أتثاوب أول
اللهم ارحم ابني نواف وأجعل قبرة روضة من رياض الجنة ولاتجعله حفرة من حفر النار
اللهم آنسه في وحدته وآنسه في وحشته وآنسه في غربته
اللهم اجعله فرطا وذخرا لوالديه وشفيعا مجابا لهما
اللهم آمين
19-12-1430 هـ, 10:10 صباحاً
أنا زيك يا أختي أتثاوب في الصلاة وعند قراءة القرآن وحتى لما أرقي نفسي ..

أما أبنك ما أدري صراحة ..بس وديه عند الراقي زاهر الفيفي في خميس مشيط جداً رائـع وأستمري عنده يعني بيسوي له جلسات رقيه وبيعرف إن شاء لله أيش فيه ..والله يشفيه

الحمدلله حمد الشاكرين
19-12-1430 هـ, 11:10 صباحاً
الله يشفيه
يا ناس اسمي ام وئــومه مو ونومه

بالـ ئ مو ن يعني وئامـ
19-12-1430 هـ, 04:39 مساءً
اللهم اشفه واشفي كل مريض
نصيييييييييييييحه اختي روحي للشيخ عبدالله الخليفه في الرياض في حي الحمراء
انا مجربته وتشافيت ولله الحمد
افتحي على قوقل واقري البنات وش كاتبين عنه
عسى الله ينفع به
وما ابي منك الا الدعاء
19-12-1430 هـ, 10:14 مساءً
اللهم اشفيه واشفي جميع المسلمين

20-12-1430 هـ, 12:56 صباحاً
اللهم اشفه شفاء لا يغادر سقما
انصحك ان ترقى نفسك اولا برقية الفاتحة ثم ارقى ابنك
ربنا يشفى الجميع
الف الكتابة وهو بعض حروفها لما استقام على الحروف تقدما

20-12-1430 هـ, 01:09 صباحاً
الله يسعد كل من دعت لولدي بالشفاء

وشاكره مروركم العطر
اللهم ارحم ابني نواف وأجعل قبرة روضة من رياض الجنة ولاتجعله حفرة من حفر النار
اللهم آنسه في وحدته وآنسه في وحشته وآنسه في غربته
اللهم اجعله فرطا وذخرا لوالديه وشفيعا مجابا لهما
اللهم آمين
20-12-1430 هـ, 01:14 صباحاً
الله يشفيه لازم رقيا مكثفه ومتواصله
20-12-1430 هـ, 01:15 صباحاً
الله يشفي ولدك يااارب

لاتعتمدين على القرائين الشفاء بيد الله

ارقيه انتي افضل ارقيه بفاتحه الكتاب
20-12-1430 هـ, 01:45 صباحاً
الله يشفيه شفاء لايغادر سقما عاجلا غير اجل وايانا ومرضى المسلمين
ارقي ولدك باستمرار وخاصة بفاتحة الكتاب (الشافية)وسورة البقرة والقران كله شفاء
وانصحك تعرضين حالته على الشيخ عبدالله الخليفة في المنتدى والله يفرحك بشوفته سليم معافى ياكريم


الساعة الآن 10:05 .

جميع الحقوق محفوظة - عالم حواء - 2015