السلام عليكم
حبيت اكتب لكم تجربتي مع ولدي
ولدي عمره 4 سنين ودائما صدره مكتوم وتعبان كل 3 اسابيع( من عمره 9 شهور) مكتوم وياخذ جلسات بخار
قالوا حساسيه وقالو ربو
واذا راح الطواريء لازم يجلس تحت الملاحظه 9 ساعات
وعلى هالحال
قالو لي خلطه العسل والبصل وكنت استخدمها له لكن ابدأ باستخدامها اول مايتعب صح يخف لكن يرجع بعد فتره ويتعب
تعودت كل نهاية شهر تعبان ويجلس اسبوع كامل تعبان ومكتوم
طبعا اول ماظهر فيروس انفلونزا الخنازير الله يكفينا شره خفت اكثر شيء على ولدي الله يحفظه
ومن كثر خوفي وهو طيب مو تعبان سويت خلطة العسل والبصل وكنت اعطيه على الريق مع سبع حبات حبه سودا
واعطيه العصر واعطيه الليل واستمريت شهر كامل بنفس الطريقه وبعد الشهر قالو الحبه السودا كثرتها مضره فصرت اعطيه العسل والبصل مرتين على الريق وقبل النوم
والان اعطيه فقط على الريق
لاحظت مناعته بسم الله عليه تغيرت ولا تعب هذاك الشهر اللهم بعد اكثر من شهر جاته حراره فقط نصف يوم وراحت واحيانا يرشح فقط يومين
وصحته ووزنه تغيرت الحمدلله للافضل ولاعاد احتاج ولاجلسة بخار اللهم لك الحمد والشكر له الان 4 شهور اختفى تماما تعب صدره
الله يجزاها كل خير اللي وصفت لي الطريقه
الخلطه (( علبة عسل وتقطعين فيها حبة بصل تقسمينها اربع او 6 قطع وتخلينها في العسل يوم كامل وتسحبين البصل منها )) يصير العسل سائل وتحفظينها في الثلاجه
في البدايه الشهرين الاولى استخدمت عسل طبيعي وبعدين كملت عسل الغابه عادي من السوبر ماركت
واللي وصفت الخلطه قالت لي مو ضروري طبيعي حتى لو عادي من المحلات
اتمنى كل ام عندها طفل مكتوم تجرب له الخلطه وتدعي لي ولولدي بتمام الصحه والعافيه:)
العيون الشقيه% @alaayon_alshkyh_1
عضوة فعالة
يلزم عليك تسجيل الدخول أولًا لكتابة تعليق.
الركاده زينه
•
سبحان الله الحين تعتبر الخلطة هذي زي العمل الصالح الذي ينتفع به ويجري اجره لصاحبة الخلطة الاساسية حتى بعد مماتها وانتي ايضا
الصفحة الأخيرة