دجاج شوايه .. وقارورة ببسي ... تبين تشوفين ..بالصور ... حياك

أطباق رئيسية

السلام عليكم


اتمنى ان الجميع يكون بخير


وعيدكم مبارك ..




من اول ودي انزل لكم هالطبخه والصور عندي من اول


بس تعرفون الكسل وما يسوي..
.........................................
وقبل كل شىء


اتمنى من كل عضوة تدخل الموضوع

انها تدعي لاموات مدينتي الغاليه

جــــــــــــــدة


ان الله يرحمهم ويصبر اهلهم ويربط على قلوبهم

اللهم ارحمهم واغفر لهم وتجاوز عن ذنوبهم


اللهم امين



........................

طبختي اليوم
دجاج شوايه + رز احمر


اتمنى يعجبكم



انا باحط الصور بالطريقه

وما راح اتقيد بمقدار معين

لانها حسب كمية الافرارد






تابعوني ..
254
91K

يلزم عليك تسجيل الدخول أولًا لكتابة تعليق.

تسجيل دخول

طباخة بيتنا
طباخة بيتنا


خذي الدجاج ونظيفه بس لاتقصينه خليه كامل

بس اعملي فتحات بسيطه عشان تتشبع بالنكهه


وتبليه بالاتي <طماطم +بصل +ثوم +بهارات +ملعقه صلصه+خل ملح +عصير ليمون>

كلهم بالخلاط

او اذا تحبي تتبيله ثانيه ..براحتك

ونتبل الدجاج من جميع الجهات ونخليه يوم

او كم ساعه بس لحد ماتتشرب التتبيله


وخذي قارورة البيبسي وعبيها مويه وممكن تضيفي بهارات للمويه
عبي تقريبا ثلاث ارباعها

ووقفي الدجاجه عليها

ووقفيهم كلهم على صينيه عشانها رح تقطر

واذا بقي من التتبيله صبي الباقي في الصينيه

وكل ماتنقص المويه زيدي مويه

يعني دخلي القارورة داخل الدجاج زي اللي بالصورة







وتولعي النار اول شىء من تحت ساعه



وبعدين من فوق كمان ساعه او الين تستوي وتاخذ لون

يمكن تحتاج اكثر او اقل حسب فرنك


بس بعد ماتطفي عليها من تحت وقبل لاتولعي عليها من فوق


حتحتاجي خلطه بسيطه عشان تعطي الدجاج لون ذهبي

وهي ..

ربع زبدة + ملعقتين عسل + عصرة ليمون + ورق نعناع ناشف

ذوبيهم مع بعض

وبعد ساعه بالفرشاه امسحي على الدجاج زييييييين

شوفوها كيف




لا تخافي


ابد ما رح يبين طعم العسل ابد ...


نجي للرز


بقدر تبشري جزر انا حطيت 3

وتقطعي بصله صغيرة مربعات

وتحطي ماجي وشوي زيت

وتكشني



زي ما انتوا شايفين بعض الجزر قطعته وحطيته زي ماهو

طفشت وانا ابشر:22:

تكشني الين يذبل الجزر ويذوب الماجي

تخلطي بالخلاط (طماطم +كزبرة +فلفل حار +فلفل رومي )

وتضيفيه على الجزر


وتضيفي مويه حار مناسبه لاستواء الرز



لاتنسي الملح


واضيفي الرز وخليه الين يستوي




بهالوقت سوي السلطات

انا سويت شطه حمرا(طماط+فلفل حار+نعناع +كزبرة+ملح وفلفل اسود)
وسلطه زبادي بذرة( اضيف لهم ملح وليمون وخل )



تابعوني ...
طباخة بيتنا
طباخة بيتنا
الحين جاء دور الاكل









يلا كل وحدة تجهز صحن وملعقه


غداكم عندي

حياكم ..الجود من الموجود


ماما قالت قصيها من النص ازين

خلني اقول لكم حكاية هالصورة

<<عادي انتوا كلوا وانا باسولف :42:

الصورة مو واضحه مرة لان اخوي كل شوي يدخل علي ويقول خلصتيولا باقي

وانا اقول لا بعد

لاني كل ما سويت شغله غسلت يدي وجبت الجوال وصورت<<مخبيه الجوال بالدولاب

وهالصورة صورتها وبسرعه رجعت الجوال عشان اخوي كان جاي للمطبخ

اعذروني

<<قصة حياتها



وبعد هذي من قريب



وهذي بعد عالسريع لنفس السبب بس مع الاسف

كشفني اخوي:22:


وقبل لا اتطلعون من الموضوع


بس باجاوب على بعض الاسئله اللي ممكن تدور في بال بعض البنات


*القارورة انا كنت خايفه انها تنكسر

بس الحمد لله سليمه وقريت بعض البنات يستبدلونها بكاسة جبنه او قارورة بيسي

عادي لاتخافين بس احرصي انها ما يكون فيها خدش حتى لو كان صغير


ولازم تعبيها مويه الين نصها او اكثر بشوي <<انا ماكتبت هالنقطه فوق بارجع اعدل الحين

وممكن تضيفي للمويه يهارات ..

*تتبيلة الدجاج لو بقي منها صبيه بنفس الصينيه واضيفي مويه وكل مانقصت زيدي مويه عشان ينضج الدجاج على البخار << بعد ماكتبتها فوق بارجع اكتبها


*العسل مارح يبين طعمه ابد

*الدجاج لو اعطيته وقته راح ينضج ونفس الدجاجه رح يكون لونها ابيض وكانها من برا

*رف الفرن انتي حطيه براحتك اهم شيء ما تصك الدجاجه بسقف الفرن

انا حطيتها على اخر رف ولو لاحظتي بالصورة حقت الدجاج ح تشوفي شعلة النار باينه


من حلاة الدجاج ماما ما صارت ترمي قوارير البيرة
خبت اربعه قوارير تقول لو جاء خالك سوي لنا اربع دجاجات:(


وبالاخير


بالعافيه على قلوبكم وقلوبنا
عمري فدوه لزوجي
مرحبا اسفه للقافتي بالموضوع صراحه الطبخه روعه بس انا استخدم قوارير ببسي مو بيره للتثبيتهم واسمي الطبخه دجاج معدم بالخازوق
لازلت أذكرهم
لازلت أذكرهم
الله يغفر لهم ويرحمهم ويجبر أهاليهم ويفك عن الأحياء منهم ويفرج كربتهم



>> بانتظار ياشيف بيتهم
صمت العبير
صمت العبير