بدي طريقة تشبيك الوحدات المربعة وشرح لحواف هالشنطة ..

حبيبتي اهلا بيكي
ده رد كنت رديته علي بنت غاليه بتطلب طريقه التشبيك وحبيت انقله لك
بصي ياقمر انا شفت التشبيك ده في مواقع كتير
شوفي كده
ممكن تشبكي بابره وخيط من نفس لون البطانيه زي كده


بس خدي بالك هو مشبك بلون احمر علشان يبان الطريقه وشبكي في اللوب الخلفي علشان الخياطه مش تبان وعلشان القطعه تبقي مسطحه ومستويه


واسهل طريقه انك تحطي القطعتين وجها لوجه وتخيطي في اللوب الخلفي وبعد ماتخلصي رديهم لوضعهم الطبيعي


الطريقه التانيه للتشبيك هي باستعمال ابره الكروشيه
ووبتكون اما بعمل غرز منزلقه من اللوب الخلفي للغرزه وبتكون بانك بتطي المربعين وجها لوجه وبابره الكروشيه تعملي غرز منزلقه في كلا اللوبين ولما تخلصي تفردي المربعين في وضعهم تاني يعني زي الخياطه بالابره بس دي بابره الكروشيه
وممكن تشبكي بغرزه حشو بدل الغرزه المنزلقه بس فس الحاله دي حايكون فيه حرف من الخلف =ارتفاع غرزه الحشو والصوره توضح كلامي


لو انتي بتشبكي مربعات فيها مسافات بين الغرز في السطر الاخير زي المربع بتاعك ممكن تعملي سلاسل مشبكه بغرزه منزلقه او غرزه حشو علشان فيه مسافات بين الوحدات
وفي المثال ده عمل سلسلتين ثم غرزه حشو في الفراغ بين الوحدات وممكن تزودي عدد السلاسل حسب رغبتك في حجم المسافات بين المربعات او حجم الفراغ بين وحدات كل موتيف
وشوفي المثال


وممكن تكوني بتقصدي ان التشبيك يبان علي وجه الشغل
يعني ممكن تكوني بتشبكي بلون يليق علي البطانيه وعايزه يبان التشبيك كشلك جمالي
في الحاله دي بتشبكي علي وجه الشغل بغرزه حشو وفي خلال اللوبين للغرزه مش اللوب الخلفي بس
كده


فيه بقي طريقه تانيه ودي مش مهمه بالنسبه لشغلك هنا لانها بتكون في الوحدات اللي فيها سلاسل في سطر النهايه وبيكون التشبيك في السطر الاخير
بالنسبه لليدين ممكن تعمليها باي غرزه يعني غرزه حشو او عمود وبالطول اللي انتي عايزاه
والبطانه ممكن ساتان او حتي قماش عادي وبتفصليه علي مقاس الشنطه من الداخل وتخيطيه فيها

شوفي الموضوع ده فيه شرح لتبطين الشنطه
http://forum.hawaaworld.com/showthread.php?t=1965902

وشوفي ده كمان ممكن تاخدي فكره عن طريقه لعمل يد الشنطه
http://forum.hawaaworld.com/showthread.php?t=1625477

موفقة ان شاء الله

مشكورة و الصورة وضحت مع شرحج

موفقه