كـــل عـــام وأنــتــم بــخــيــر وصــحــه وســلامــه
عــســاكــم تــجــهــزتــم لــلــحــم والــشــحــم
غدانا أمس مكرونه نخفف عشان نستعد للحم
نقطع بصل شرائح وثوم ويحمس بشوي زيت/متحمسه داخله الموضوع بدون مقدمات
نضيف مشروم طازج مقطع شرائح او معلب ويقلب حتى يذبل
نضيف فليفله ملونه أحمر وأخضر وأصفر ونقلب
نضيف الربيان والملح والفلفل الاسود وبهاراتك المفضله ونقلب حتى ينضج الربيان(ما ياخذ وقت)
نضيف تقريبا ربع كوب كريمه خفق ونقلب ونسكر النار ونضيف جبن بارميزان وشيدر حسب الرغبه
نسلق مكرونه اسباجتي مع ملح وملعقه زيت
بعد ماتنضج ثلاث ارباع سوا نضيفها على الربيان والخضار
ونقلب الجميع على نار عاليه شوي ونسكر النار ويقدم
ويزين بالبقدونس ويرش بالجبن حسب الرغبه
وهذا لكل وحده ترد على الموضوع عندها ورق عنب وملفوف وكوسا محشيه لحم مفروم ومكرونه الربيان وسلطه
والف صحه وعافيه على قلوبكم ياحلويين