تعالو اوريكم شلون نوفر كثير بمقاضي البيت

حبايبي بنات حواء كثير منا متضايق بسبب موضوع كثرة المقاضي وغلاء الاسعار
وعدم قدرتنا على توفير اي شيئ
هذا جدولي الي متبعتنه صار لي سنوات كثيرة ولله الحمد
بما ان راتب زوجي جدا قليل الحمد لله
اعتمدت هذي الفكرة
انو الشهر الي نبي مقاضي ما ناخذ شي ثاني
علشان نقدر الشهر الي بعده نشتري ملابس او مستلزمات او غيره
انا اصك الالف بعض الاحيان لانا احنا 4 افراد ما شاء الله
احنا في البحرين ما احب اقظي الا من جيان من تزوجت للحين احبه:32:
واذا تبين التوفير وتظل لج مدة طويلة لشهرين مثلا
اخذي الي عليهم عروض وجديد تاريخ انتاجهم
والسائل والصابون والشامبو اخذ اكثر من حبة
يعني الصابون 6 حبات بس لاولادي وزوجي وانا سائل
الشامبو 2
مزيل العرق انا اخذ 2 او 3 ويكفوني شهرين
زوجي ياخذ واجد ما يحب يحط شوي يمكن 6 سبري
وكريم الشعر على حسب اذا مخلص:16:
وكذالك صابون الغسيل قبل كنت اخذ بو كيلوين وما يكفينا وخصوصا بعد اذا تخلص الفلوس ذيج الحزة ورطة
قمت اخذ كارتون تايد ب72 حبة وزيضل لي 3 او 4 شهور على حسب والحين قمت اخذ لي خيشة تايد بو 45 كيلو اعتقد واخذت لها باسكت كبير وتكفي واجد مالا يقل عن 5 شهور
ونفس الشي للارز اخذ 10 كيلو لان ما اطبخه يوميا وهم انساه والسكر بو 10 كيلو ويكفيني من شهر ونص ليشهرين
وكلهم احطهم بسلال نظيفة وتكفيهم
وسائل المواعين نفس الشي على طول فيهم عروض استغلي اذا شفتي فيري ولا لوكس 2 ويا بعض وعليهم عرض اخذي لج جم شدة وخليهم ونسيهم شهور لان واجد بيكونون
اما المعلبات وهذي الي ما تخلص عندي الا بالشهور من حمص وفاصوليا حمرا وخضرا ومكرونة وفول وذرة وفلفل وكاتشب اخذ اقل شي درزن او نص وهم انساهم شهور
وامقاضي العشاء من همبرجر وشيبس ونجتس وغيره هم اذا فيه عروض اخذ هم كمية بس ما تكفيني الا شهرين ان كثرت
ونفس الشي الدهن والزيوت والاجبان
في كل شي العروض انا اخذ وطبعا بس اللي احبه اخذه والي ما احبه لو برال ما اخذه
واهم شي لا تنسينه التاريخ
انا قبل ما احط اي شي اشوف التاريخ ولازم اقل مدة تكون 6 شهور في الحاجة علشان ما تخرب
اما الاشياء الي اخذها شهريا
الايدام والفواكه والخضروات في الاسبوع مرة او على حسب الحاجة
وشيبس وبسكويت للاولاد:06:
بس واتمنى اني اكون وضحت كل شي وافدتكم
على وعسى نقدر نوفر شوي
تحياتي لكم:32: