الله الشاهد على كل حرف اكتبه
سوف اكتب تجربتي بسلبياتها وايجابيتها
اردت اعمل لولب لاني تعبت من الحبوب وقلت اجرب وكنت متخوفه مره
وبحثت في النت وسالت والكثير يمدحون فاطمه السودانيه وان يدها خفيفه وسنعه وخاصه في عمل اللولب
استخرت كثير .......... وبحثت عن افضل لولب
ورحت لفاطمه السودانيه ........ وكنت مشتاقه اشوفها من الي سمعته عنها وهي جزاها الله خير مثل ماسمعت ...
اخلاقها عاليه ...... بس مافيه احترام للمراجعه ....... كلام سريع ما اقدر اقول كل الي عندي واستفسر عن الي ابي ...
مع اني ادفع 90 ريال علشان هالجلسه
قلت لها ابي اركب لولب وكتبت لي لولب مناسب وقالت سابع يوم من دورة تجي اركبه لاني احب اركبه على نظافه
ودورتي تنتهي في اليوم السابع
ركبته والحمد لله كانت يدها خفيفه مثل ما قرات في النت وفرحت كثير ارتحت من حبوب الرضاعه لاني ما اقدر اخذ الا النوع الخفيف ومع الرضاعه
ماكنت ادري ان اللولب يبي عنايه خاصه جدا"جدا"
مع اني كنت مهتمه بالموضوع وابحث واسال
بس ارتحت لفاطمه السودانيه ........ وقررت اخلي كل مراجعاتي للكشف على اللولب كل ثلاث شهور عندها
مارحت لدكتورة غيرها ابدا"
كنت واثقه فيها ثقه عمياء
جلست سنه كل ثلاث شهور اروح تكشف على اللولب
الدخول عندها ب 90 وزاد السعر بس ما اذكر كم
وكان يجي معي افرازات وريحه ومليت من الرطوبه اللولب مصيبه يعدم الرحم
والدكتورة تعطيني تحاميل وغسول
بعدين تكاسلت اروح لها ........ وزوجي مايشجعني يقول بعدين تروحين
وراحت الشهور ما حسيت بها ......... اكثر من سبع شهور
ورحت لها افرازات مويه ريحه ..( الم في الجنب الايسر ) كنت متخوفه لايكون اللولب سوى فيني شي
وكشفت علي وقالت فيك قرحه في عنق الرحم ..... قلت لها سبب القرحه اللولب ...... قالت لا الالتهابات هي السبب
وعطتني غسول داخلي ..... ادخله داخل واتشطف به
وكنت متخوفه مررره ... ورحت لها كثير ...... ابي العلاج
ولا فكرت اروح عند غيرها
(المستوصفات الاهليه لابد نروح لاكثر من واحد حتي بعضهم يطلع الكذب عند الثاني اذا كان يحاول الاستغلال )
هي كانت ناصحه معي ..... بس المستشفى السيئ الي هي فيه ....... شجعوها تظلمني
اناهاديه ومسالمه وكل مره ادفع كاش ........ وهم مستشفى استغلالي ......... وشافوني ضحيه دسمه
الموظفات في الاستقبال فيهم طمع .......... ومره سمعتهم يتخاصمون علشان مبلغ وباسلوب قاسي مع بعض
مستشفى فــــــــــــــــــــاشــــــــــــــــــــــل ادفعو وصحكتم في داهيه بس الاهم ادفعو
وسمعت وحده من الموظفات تكلم الدكتورة عني ....... تقول شكلها ما تسوي مشاكل
وعطتني الدكتورة غسول للقرحه
مالقيته عندهم .... رحت لصيدليه ثانيه قال هذا غسول عادي مايعالج القرحه وسعره 85
كانت تبيني اخذه من عندهم مكسب
وزادت الافرازات والمويات والمشاكل حسبي الله عليهم كلهم وفاطمه ما صارت ناصحه لي والمراجعات الاخيرة شكلها
منحرجه منــــي وتصرفني وعلاجات
واخيرا" سمعت عن وحده في مستشفى اهلي يمدحونها مره وشجعتني اختي اروح لها لان فاطمه سافرت
ورحت وقالت قرحه كبيرة والتهابات فيروسيه معديه
لازم الحين اشيل اللولب واعطيك موعد علشان اكوي القرحه ونحاول نسيطر على الالتهابات
وزوجك ياخذ علاج لانه انتقلت له الالتهابات المعديه
هو يتعالج عنها علشان تروح
وانتي تعالجينها علشان تروح كلها
اعجبتني الدكتوره والاستقبال عندهم ..... حتى وقت الصلاة كل رجال الاستقبال يصلون جماعه
مستشفى مريح نفسيا" مدري ليه
والدخول لدكتورة ب 50 اقول كل الي عندي وزياده وهي ما تقصر تعلمني بكل شي
قلت لها ابي اجيك موعد ثاني اشيل اللولب
عندي فكره ان اللولب لفاطمه وبس ....... ورحت لها ...... ولا سويت مشاكل وهي كالعاده مشغوله
قلت ابي افك اللولب ..... قالت روحي لسرير ......... وفكته ........ قلت كيف القرحه كبيرة اوصغيرة
قالت وسط وهذا غسول وتحاميل قلت اكوي القرحه ؟؟؟
قالت العلاج يخليها تروح
ورحت لدكتوره الثانيه ....... قلت لها شلت اللولب عند الي ركبته لي
وابي اكوي القرحه .... ونادت الممرضه وكوتني
كنت امشي وافكر في رحمي الي راح فيها
قرحه وكوي والتهابات ومصايب اللولب والاسرة حسبي الله ونعم الوكيل
وعطتني علاجات وموعد بس عاد ان توقفت وقلت خلاص
ورحت لمستشفى حكومي ...... وقلت لدكتورة عندي افرازات ومويات ما ادري ليه
وكشفت علي قالت فيك شوي قرحه قلت انا كويتها
قالت اذا كانت كبيرة يبقى منها ما تروح كلها
وبعدين حملت ولاعاد كشفت ولا ادري وش السالفه
الحين في الشهر السابع افرازات لون اصفر اعوذ بالله وريحه وحكه ياربي تعبت ومليت
كتبت موضوع في موقع طبيبي ورد الدكتور قال ما وصفتي يدل على التهابات فيروسيه
فعلا" انا ماكملت العلاج عند الدكتورة الي ماهي فاطمه
اكثر شي ازعجني في الاسره الاستهتار والطمع
والحين ما ادري وش اخذ مانع حمل
لاني ممنوعه من حبوب منع الحمل لان فيني الوباء الكبدي
واضطريت اروح للولب وهي اخر مره
والحين محتاره وافكر بأبرة منع الحمل على ثلاث شهور هل تنصحوني بها
ما فيه عندي خيار ثاني
ابي اتعالج وارتاح تعبت من موانع الحمل ومشاكل الرحم:44:
يلزم عليك تسجيل الدخول أولًا لكتابة تعليق.
شذى الشوق 2020
•
يالطيييييييييييف المستشفيات الاهليه مافي منها خير يااختي بالنسبه للموانع انا استخدم طريقه الجدول يعني ايام الاضه خطر وبس والحمد لله انا حامل بعد 3 سنوات و3 اشهر
الله يعينك اختى ويشفيك ... ماعندي خبر بس رفع لعيونك وان شاء الله البنات يفيدونك
بس ماحبيت اطلع بدون ماادعي لك وارد عليك اختى ,,,
بس ماحبيت اطلع بدون ماادعي لك وارد عليك اختى ,,,
dodi1980
•
يالطيييييييييييف المستشفيات الاهليه مافي منها خير يااختي بالنسبه للموانع انا استخدم طريقه الجدول يعني ايام الاضه خطر وبس والحمد لله انا حامل بعد 3 سنوات و3 اشهريالطيييييييييييف المستشفيات الاهليه مافي منها خير يااختي بالنسبه للموانع انا استخدم طريقه الجدول...
الله يشفيك يا اختي
الصفحة الأخيرة