السلام عليكم ورحمة الله وبركاته ..
كيفكم حبوبات...
جايبة لكم اليوم طريقة عمل عريكة طبقات ...شي مو طبيعي.....
المقادير...
دقيق بر + ماء+ملح
جبنة تشيدر..قشطة ..عسل... سمن نباتي..او بري...تمر ..سكر مطحون...
الطريقة تعجني الدقيق مع الماء والملح على حسب الكمية اللي تبغينها وتكون عجينة ثقيلة شوي..
تحطين الطاوة على الفرن وتحطين شوي سمن بري وتحطين العطينه وتفردينه بالملعقة
والماء يعني تصير مثل القرص واذا استوى تقلبينه وتحمرينه شوي وتحطينه بصحن...
وهكذا حتى الانتهاء من الكميه...
تدهينين كل قرص بقليل من السمن ولا تكثرين...
بعد كذا نقطع الاقراص ونحطها بالمفرمه حقت الخضار...وكل قرص حطي له تمرتين او ثلاث...
بعد ماتفرمين الكمية كاملة حطيها بصينيه ورشي عليها السكر المطحون حسب الرغبة
وزيدي ملعقة سمن او على حسب الرغبة لو ما تبغيها دسمة...
وتحطين الصينية على النار وتحركين حتى تصير حارة..
خذي صحن التقديم ولازم يكون عميق شوي وحطي طبقة من العريكة ثم طبقة من القشطة
ثم طبيقة من الجبنة المبشورة ثم بالملعقة شوي عسل زي الخطوط...
الصور بالترتيب...
بعد كذا نحط طبقة ثانية من العريكة ثم القشطة ثم الجبنة ثم العسل هكذا حتى تنتهي الكمية...
الشكل النهائي لها....
بالهناء والعافية....
جربوها ماراح تندمو وادعولي....