بنتي رجعتلها الحرارة بعد ماخلصت ابر المضاد بيومين

[MARIGOLD]

السلام علكيم
باختصار بنتتي خذت مضاد شراب مرتين خلال شهر واحد و مافاد
وبعدها باسبوعين اضطروا يعطوها ابر مضاد لمدة 3 ايام
المهم هي كانت عندها حرارة ما تنزل ابد وبعد ما خذت الأبرة الأولى بدت تتحسن وثاني يوم خلاص مافي حرارة ثالث يوم مافي حرارة و خلصت الأبر
لكن الآن صارلنا ثلاث أيام من خلصنا الابرة الثالثة ولكن رجعتلها الحرارة من اليوم الفجر وهي حرارتها بسرعة ترتفع ماتكمل 3 ساعات من تاخذ الأدول إلا والحرارة راجعة و مرتفعة كثيييير
من صارلها مثل بنتي
وياليت لو في دكتورة تقدر تقللي هالشي طبيعي مع انها ما كملت كم يوم من خلصت المضاد
هل راح تروح الحرارة واللا لازم نرجع ناخذها العيادة
مع العلم ان زوجي رافض جدا ياخذها يقول بعد شهر ناخذها مرة ثانية على اساس ان مفعول الابر مفعولة بعده مستمر
افيدوني الله يخليكم

[ام جنو111]

شوفي حبيبتي بنتي اول كذا من مضاد الى مضاد والمشكله مضادها ابر وتكون مناعتها ضعيفه من لفحة براد بسيط ترجع حرارتها ترتفع بس نصيحه لا تعطينها مضاد استخدمي خافض حراره وكمادات واذا استمرت 3 ايام راجعي الطبيب وللمعلوميه فيه تحاميل فولتارين مره ممتازه خافضه للحراره ومخففه للالتهابات

[شذى المروج]

بنتك مناعتها ضعيفه
كمديها بمويه فاتره
وعطيها عسل اصلي مع ليمون وزيت زيتون كل 4 ساعات ملء فنجان قهوه اذا انها كبيره
واذاكانت صغيره تحت السنه عطيها عسل مع مويه كل 5 ساعات او 6
والله يشفيها

[مصرقعة هانم]

انتبهي اذا اللي فيها التهاب في اللوز او شي لازم مضاد عطيها مضاد ولا تنتظرين الله يستر ممكن تزيد الحاله
وانت ماقلتي وش فيها ليه عطوها مضاد شهر كاامل ؟

[الأحلام]

هي ليش كانت بتاخذ مضاد؟معاها رشح ولااي مرض ثاني؟اذا لا يعني حرارة بدون مرض حليليلها البول فورا لانه احتمال التهاب مجاري بولية بتعمل حرارة شديدة وما بتنزل صارت مع بنتي. وعلها العافية

[MARIGOLD]

اشكركم اخواتي
هي اول مرة وثاني مرة اخذت المضاد بسبب التهاب بالحلق (احتقان الخ) بس ما عندها زكام
بس ثالث مرة كان عندها برد زكام مع التهاب في الحلق ...حزتها عطوها ابر لان خلاص حرارتها ما تنزل حتى مع التحاميل
لكن بعد الابر على طول راح الزكام والحمى ........ بس اليوم رجع خشمها ينزل ماي متسكر و حرارتها مولعة نار
ولا كنها ماخذة مضاد مع ان المضاد يظل مفعولة فترة طويلة
عجزت احاول اعطيها عسل وليمون وهالسوالف بس عنيدة بدرجة ما تتصورونها لدرجة حتى اسهل وأبسط الأكل زي الشوربة ماترضى تفتح فمها علشان تشرب
يعني اصبر يومين زيادة وبعدين نشوف؟ لان زوجي اصلا رافض ناخذها

[MARIGOLD]

الاحلام
هي بعد ماخذت المضاد صار لها طفح بالمنطقة الحساسة فقط (داخل الشفرات) وسبق صارلها هالشي مع بداية الصيف
هل هالشي ممكن يكون بسبب التهاب المجاري البولية؟؟
انا اعرف المضاد لحالة ممكن يسبب طفح بس قلت اسأل اتاكد

[dody do]

السلام عليكم اختي
الله يطمن قلبك على بنيتك ويشفيها يارب
انا بقولك عن تجربتي مع بنتي ،
كنت اعاني من الحرارة ، يعني ما يمديها تطيب ، الا وبعد اسبوع ترجع لها الحرارة ، والاستفراغ والاسهال والحكه
والله تعبت لدرجة ما تتصوريها
اخر مره ، جتها حرارة ولا تخف ابدا ،،، لما وديتها للدكتورة
قالت لي مافي حل إلا انه تستخدمين مضادات الحرارة بالتعاقب بمعنى
تاخذ التمبرا وقبل ما ينتهي مفعولها تحطين لها تحميلة ، وتستمرين ، لحد ما توقف الحرارة ،
والسوائل ، مهمة ، عشان تعوض ، حتى لو استفرغت ،،،
الحمدلله بعد اسبوع ، اختفت الحرارة ، لكن استمر الاسهال ، والظاهر ان الفيروس طلع مع الاسهال وانتي بكرامة
ومن بعدها يارب لك الحمد ، ما جتها حرارة ابدا ، تقريبا بنكمل سنة
الكحة ، والبلغم ، خذي شوية رشاد ، يعني 4 او 5 حبات بس وخليها تاخذهم مع شوية عسل ، تحرك البلغم وتطلعه لبرا
وبعد زيت السمسم ، تدفينه على النار ، بس لحد ما يصير دافي مو حار ، مع مستكة ، وتدهينن صدرها وظهرها ، له مفعول بالمره كويس
واحيانا ، احط بطرف لسانها زيت زيتون ، يريحها من البلغم لانه يطرده
الحمدلله يارب لك الحمد ، من زمان ما جاها شي ،،،
يارب يشفي بنتك ويطمن قلبك ،،، وتشوفيها عروسة يارب

[MARIGOLD]

dody do
الله يجزيكي خير على ردك و نصائحك الحلوة
ماقصرتي والله
راجعنا فيها امس وطلع الالتهاب بعده موجود مع انها ماخذه ابر مضاد حتى الدكتورة استغربت
المهم وصفولها مضاد مرة غيرها ادويةويارب تكون هاي اخر مرة
بالنسبة لخافض الحرارة وطريقتك حلوة لكن علىقولة الدكتورة هالطريقة تجيب إسهال وبالفعل جاها اسهال بعد ماراحت عنها الحمى المرة اللي طافت ...والله احترت معها وخايفة عليها
المصيبة صارت ابدا ابدا ما تاكل ولا تشرب ...يعني خلاص ما يدخل بطنها شيء غير فتافيت مثل العصافير
مع ان على قولة الدكتورة الالتهاب بسيط ...
الحين بروح اجرب الرشاد والعسل (ان شاء الله بس تتكرم بنتي و تبلعه بدل ما تتفله برا)
وزيت السمسم بشوف لو في بجرب ا لحين ولو مافي بشتري
و جزاكي الله خيرا الله يحفظ لك بنتك ولا يريها بأس ان شاء الله
وان شاء الله اخدمك بالافراح

[موكا حواء]

الله يشفي بنتك والمسلمين صبي ربع الفنجال خل على راسها تره ينزل الحراره باذن الله