##بيتزااااا هت من مطبخي .. وعلى طريقتي اتمنى تعجبكم ##

المعجنات والمخبوزات والسندويتشات

بسم الله الرحمن الرحيم







هلا وسهلا فيكم بنات منتدانا الغالي .. اليوم بوريكم شغلي وسناعتي في صنع بيتزااا هت اللذيذه:35: ..
اتمنى تعجبكم طريقتي .. واتمنى تجربوها وتدعون لي ..
مقادير العجينه :
3 كوب دقيق كويتي منخول .
1 كوب حليب سايل دافي أو ( كوب ماء دافي مذوب فيه 4 ملاعق حليب بودره ) .
ربع كوب زيت ذره او زيت زيتون .
رشة ملح .
ملعقه كبيرة حميره .
3 ملاعق سكر .
الحشوة :
علبة جبن كيري اللي ب4 ريال تكفي .
بصل مقطع جوانح ومحمر في ملعقتين زيت ( ضروري تستخدمين صاج في تحمير البصل عشان تشمين ريحة في البصل مثل الحرق الخفيف وهذا سر النكهه اللذيذه ).. لا تحمرينه واجد بس مجرد يذبل .
فلفل رومي مقطع جوانح صغير ايضا ويحمر مكان البصل من دون اضافة نقطة زيت وحده وحركيه بسرعه عشان تشمين ريحة الفلفل يطلع لمدة دقيقتين بس وبعدين ارفعيه من على النار .
نقانق ايضا محمره فوق الصاج وكن باضافه ملعقتين زيت ذره وتحميره تحمير خفيف لين تشمين ريحة النقانق وتشيلينه على طول .
زيتون البيتزا اللي يجي شرايح جاهز ( تقدرين تستخدمين اي نوع تبين ) .
جبن موزيرلا .
صلصلة البيتزا ( طماط مغسول ومسلوق لمدة عشر دقايق وبعدين ننزع القشره من عليه ونطحنه بالخلاط ونضعه على النار ونضيفله الملح والفلفل الاسود وشوي زعتر ورق ناشف بس اطحنيه بيدك والقليل من صلصلة الطماطم عشان نغمق لون الصلصه شوي .. ونخليها على النار مع او غليه طفي النار واستخدميه ) .

الطريقه :
1/ يضرب الحليب والخميرة والزيت والملح والسكر بالخلاط حق العصير .
2/ يسكب الخليط في العجانه ونبدأ باضافة الدقيق المنخول بالتدريج حتى يبدأ يثقل القوام ، ثم نستخدم اليد في اكمال عملية العجن او اليد المخصصه في العجانه للعجن ونضيق الدقيق حتى تتماسك العجينه وتصبح لينه مثل القطن .. واذا حستيتي انها صارت طريه مافي داعي لاضافة باقي الدقيق .
3/ تترك تتخمر ساعه ، ثم نبدا الشغل فيها .
4/ نفردها بسماكة 1 سم ونص في صينيه دائريه مدهونه بالزيت ونقوم برفع اطراف العجين على اطراف الصينيه ثم ندهن العجينه من الداخل بالقليييييل من زيت الزيتون ، نضع على الاطراف جبن كيري .. كل حبه كيري تقسم اثنين ، وبعد الانتهاء نغلق اطراف العجين الى الداخل ، ثم نقوم بوضع الصلصه ، ثم البصل ، ثم الفلفل الرومي ، ثم النقانق ،ثم شرائح الزيتون الاسود .. واخيرا الجبن الموزيرلا المبشور .. وندهن اطراف البيتزا بشوي من زيت الزيتون وندخلها الفرن الحار مسبقا على 150 درجه .

وبالهنا والعافيه .. طبعا الصور راح توضح كل شي .. ومابغى غير دعاااااااااااكم ..
ماشاء الله لاقوة الابالله
135
12K

يلزم عليك تسجيل الدخول أولًا لكتابة تعليق.

تسجيل دخول

بهجة الحدايق
بهجة الحدايق
نكمل <<<<<
بهجة الحدايق
بهجة الحدايق
نكمل &lt;&lt;&lt;&lt;&lt;
نكمل &lt;&lt;&lt;&lt;&lt;
نكمل <<<<
ام عفراء
ام عفراء
جزاك الله كل خير
لكن باقي الصور ماطلعت
بهجة الحدايق
بهجة الحدايق
نكمل &lt;&lt;&lt;&lt;
نكمل &lt;&lt;&lt;&lt;
وهذا الباقي .. وبالعافيه على قلوبكم :26:
الأميرة جولي
الأميرة جولي

ماشاء الله

الله يعطيك العافية
:)

الصورة الاخيرة ماظهرت لدي:(



استغفر الله العظيمـ