أسطورة الليلك @astor_allylk
كبيرة محررات
اخيرا لقيت الحل الفتاك لازالة بقع الحبر من الملابس
لللللللللللللللللللللللللللي لللللللللللللللللللللللللللي لللللللللللللللللللللللللللوش اباطير من الفرح اخير لقيت لكم الحل الاكيد لبقع الحبر من الملابس{توعدوني انكم تدعون لي اذا استفدتوا من تجربتي } المهم يا حبايبي شريت قبل فتره تنوره جينز من مانغو وكنت :32: فيها ولمن جيت اغسلها تفاجأت ان احد المجرمين الصغار رامي قلم سائل احمر مع الغسيل والتنوره كانت جيعانه وشفطته شفط لدرجة تبقع من الامام والخلف وصرنا نلفلف بين المغاسل وكلهم ما رضيوا يغسلونها يقولون ما عندنا شيء يشيل البقع اللهم محل واحد قال عندنا بس حطمنا يوم قال ما يصلح للملون لانه يشيل اللون و:arb:رجعلي التنوره المصابه وقلت مالي الا الله ثم قوقل وقعدت افرفر بين المواقع والخلاصه انهم اجمعوا على كذا حل بس مو مضمونه ومن بينها كان الاسيتون الي هو مزيل المناكير بس ما كان احد مجربه بس دخل مزاجي وقمت وجربته والمفاجأه يوم ذابت البقعه وكبرت وكل ما اصب عليها مويه ينزل منها لون شيء مو طبيعي {على بال التنوره انه فيميتو مو حبر} المهم قعدت اكرر العمليه وازيد مزيل الين راح تماما وخليتها تنشف وتفقدت القماش هل تاثر بالمزيل وطلع ما شاء الله ما صار له شيء وكررنا التجربه في ثوب اخويه وطلع يلق لق الخلاصه اني ما حبيت ابخل عليكم بهذي التجربه لاني كم عانيت من بقع الحبر العنيده واتمنى انكم تستفيدون منها وكل عام وانتم بخير
398
75K
يلزم عليك تسجيل الدخول أولًا لكتابة تعليق.
RASHA
•
الله يعطيك العافيه على نقل التجربه
الصفحة الأخيرة