السعودية - مكه
عمل من المنزل
مطلوب سيدات للعمل من المنزل سهوله + متعه + ربح فوري + عموله شهريه
السعودية - كل المناطق
فرصة عمل من المنزل?
فرصة عمل رائعه من المنزل سهوله + متعه + ربح فوري ودخل شهري
           
           
إضافة رد
 
أدوات الموضوع انواع عرض الموضوع
قديم 14-10-1430 هـ, 12:16 مساءً   #1
Eternity

عضوة جديدة
 
الصورة الرمزية Eternity
 
تاريخ التسجيل: 13-10-1430 هـ
المشاركات: 6


Thumbs up عنايتي بالشعر المفرود , ادخلي يمكن تستفيدي

[right]
* السلام عليكم بنات, أنا متابعة قديمة جدا لعالم حواء ومن جد كتير استفدت منه وحبيت اليوم اني اسجل وارسل اول مشاركة ليا وماابغى غير الفائدة ليكم اخواتي.
* قبل ماابدا موضوعي احب اذكركم اخواتي اني مو مختصة في عالم الشعر وكدة بس من بحوثي على الانترنت (انا مشتركة في منتديات اجنبية مختصة بالشعر) ومن تجاربي على شعري وبرضو في شي اعتبره ميزة اني مو جريئة في تجربة اي حاجة اسمع او اقرا عنها
* موضوعي اليوم حيكون عن الشعر المفرود وهادا نتاج تجربتي الشخصية والله يشهد ان كل شي قاعدة اكتبه جربته على شعري انا وعجبتني النتيجة رغم ان مشوار العناية لسة مستمر ( انا بدات مشوار العناية المركزة من سنة وشهرين)
* انا شعري اجعد بس مو مرررة يعني ومداومة على الفرد عشاني ارتحت عليه ولما اقول فرد انا قصدي الفرد اللي تجيبيهو من الصيدلية زي مثلا (عن تجربة شخصية)
Soft n’ Beautiful او Dark n’ Lovely
* انا طريقتي في الفرد اني كل شهرين او تلاتة افرد الشعر الجديد النامي يعني الجذور الجديدة وابدا مااجي على الشعر المفرود من اول والحمدلله مررة مرتاحة على كدة
* الخلطة اللي ثبت عليها مؤخرا وشفت فرق من اول استخدام ومتفائلة بيها مررررة هي خلطة حنة حور الجنان جزاها الله خير يس سويت فيه تغييرات عشان تناسبني شخصيا , اسويها مرة واحدة اسبوعيا في نفس اليوم مااغير على شعري وهي كالتالي:
4 ملاعق اكل مليانة (للاختصار م ا م) حنة حواء اليمنية ((حنة مغلفة وبكرتونة اجيبها من صيدلية النهدي لاني اخاف اجيب حنة مغشوشة من العطارين مع احترامي لهم )
2 م ا م كريم فاتيكا المرطب بالحنة واللوز وزيت الزيتون
2 م ا م مايونيز
2 م ا م من كل من (باراشوت, خروع, دابر املا)
2 م ا م زبدة غير مملحة (استخدم المراعي)
اعجني كل المكونات (من غير موية) وبعدين اضيفي موية دافية شوية شوية لغاية ماتوصلي لقوام زي خليط الكيك متناسق, من غير تخمير على طول تحطيها على شعرك.

الحين اديكم خطواتي بالتفصيل في يوم العناية بشعري وانا اسميه:
Spa Day
1- اغسلي شعرك بخليط الشامبو ( فكرة اخدتها من احدى الاخوات في عالم حواء مااتذكر اسمها بس جزاها الله خير وهي انك تخلطي نصف العلبة شامبو ونصها موية ولاتقلقي عن تجربة محلول الشامبو هادا ينضف بس الفكرة هي لتخفيف الاثر السلبي للشامبو على الشعر من تجفيف وغيره)
2- حطي في بالك لما تغسلي شعرك انك تركزي على الفروة بانك تدعكيها بلطف , اما باقي الشعر مجرد تمشي عليه بالرغوة وتفركيه على ناعم جدا وحينضف صدقيني
3- لفي شعرك بمنشفة 10 دقايق وبعدبن خليه يتهوى بدون المنشفة 5 دقايق, وخلال هادي الربع الساعة انا دايما اجهز ماسك الحنة اللي اتكلمنا عنها فوق
4- افرقي شعرك 6 او 8 اقسام وامسكي كل جزء بشباصة
5- ابداي بتطبيق الحنة على شعرك بشويش لانو بيكون رطب وضعيف, ابداي بالجذور وفركي الفروة بالحتة تمام بس برقة وكملي لاطراف الشعر وعلى كدة لغاية ماتخلصي كامل الشعر
6- كل ماتخلصي قسم ادعكي الفروة تمام وبلطف وارجعي امسكي القسم داك بشباصة وكملي
7- لما تخلصي لفي راسك بكيس ( انا استخدم اكياس المقاضي من الدانوب حبيبي لانها قوية مو زي الشاوركاب) ثم شال سميك عشان يكون الماسك دافي، خلي الماسك كحد اقصى لمدة ساعتين على شعرك
8- نيجي لغسل الشعر: اغسلي كل قسم لوحده بالموية بس بشويش لغاية ماينضف شعرك يعني قد ماتقدري
9- خلي شعرك دحين مفروق نصفين يمين وشمال وبمحلول الشامبو اغسلبه مرة واحدة ( برضو ماحينضف تمام)
10- اضغطي على شعرك كانك بتعصريه بشويش بالمنشفة وحطي عليه فاشكول وبوفرة جدا (اموت في فاشكول) وغطيه بنفس الطريقة, كيس الدانوب والشال وخليه ساعة بس على شعرك
11- اشطفي شعرك بموية باردة ونشفيه بنفس الطريقة اللي اتكلمنا عنها اول, وبعد كدة حطي حاجة اسمها:
Leave-in conditioner اللي هو البلسم اللي مايتشطف بالموية بس خلاص تحطيه وتضفري شعرك جديلتين وتخليه على شعرك للابد لغاية ماالشعر ينشف ( في جدة قد مادورت على الليف ان ماقدرت الاقي وكون زوجي بيسافر كتير كان مرة مسافر لساوث افريكا (جنوب افريقيا) وانا اعرف ان اغلب منتجات الفرد والعناية بالشعر المفرود تصنع وبجودة هناك فوصيته يجيب لي واقولكم هادي الحاجة خيال، بطلت اشتري البلسم العادي مرررررررررة مافي مقارنة الليف ان يكسب وبقوة, بالله اللي قد شافت اي ماركة تسوي ليف ان في جدة تفيدنا لان العلبة قربت تخلص عندي)
12- لما ينشف شعرك سوي الروتين اليومي اللي بعد كدة ان شاء الله حتسويه كل يوم قبل ماتنامي.....
تعبت يابنات, اكمل بعدين باقي الروتين المسائي اليومي وبعض الافكار المفيدة في عنايتك بشعرك
جهد شخصي مية بالمية, ادعولي ربي يحقق اللي في بالي
في حفظ الله

رجاء لاتتضايقوا اذا تجاوبي كان بطيء لاني موظفة بدوامين ومتزوجة كمان الحمدلله


Eternity غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




14-10-1430 هـ, 12:39 مساءً
#2
بس الزيوت والحنه تشل الفرد بسرعه


توقيع

رب اغفر لي ولوالدي واصحاب الحقوق على والمؤمنين والمؤمنات والمسلمين والمسلمات الاحياء منهم والاموات يوم يقوم الحساب






رد مع اقتباس
البطه الازرقاء غير متواجد حالياً  



14-10-1430 هـ, 12:52 مساءً
#3
المشاركة الأصلية كتبت بواسطة البطه الازرقاء مشاهدة المشاركة
بس الزيوت والحنه تشل الفرد بسرعه
حبيبتي معلومة علمية مثبتة خديها من اختك, الشعر لما يتفرد كيميائيا بتتغير تركبيته تماما لغير عودة, انتي بتحسي ان الفرد بيروح لما شعرك يبدا يطول وينمو وطبعا الشعر الناني الجديد او الجذور تكون طبيعية يعني مجعدة
مستحيييييييييييييييل الشعر المفرود يرجع مو مفرود
معلومة علمية مثبتة
موفقة


رد مع اقتباس
Eternity غير متواجد حالياً  



14-10-1430 هـ, 04:28 مساءً
#5
ثانك يو حبيبتي و في انتظار االباقي


رد مع اقتباس
salmota غير متواجد حالياً  



20-10-1430 هـ, 08:09 صباحاً
#7
شوووووووووووووووووووكرا يا حلووووووووووة


رد مع اقتباس
قلبي حيل حساس غير متواجد حالياً  



20-10-1430 هـ, 10:21 صباحاً
#8


عليكم السلام


بالله اللي قد شافت اي ماركة تسوي ليف ان في جدة تفيدنا لان العلبة قربت تخلص عندي)
فيه عند The body shop






اخذت منه مرة ، ما ادري اذا كان نفس جودة اللي عندك ، ممكن تدورين عند نزيه


يعطيك العافيه.

متابعة



رد مع اقتباس
M!ss cOOkies غير متواجد حالياً  



20-10-1430 هـ, 02:08 مساءً
#10
مشكورة اختي ...بس انا سمعت ان الفرد والحنا ما يمشون مع بعض ..حتى اللي يفردون في الصالونات اول سؤال يسئلونه انه هل استخدمتي حنا ..

الله يعطيج العافية...


توقيع

(قال قائل منهم إني كان لي قرين*يقول أئنك لمن المصدقين* أئذا متنا وكنا ترابا وعظاما أئنا لمدينون*قال هل أنتم مطلعون* فاطلع فرآه في سواء الجحيم*قال تالله ان كدت لتردين ) الصافات

رد مع اقتباس
سينامون رول غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 05:48 .