مرااحب كروشات شخبار الحمل معااكم ؟
ان شاء الله كل شي تمام ,,
الله يفرح عيونكم بشوفة عيالكم مثل مافرحني بشوفة بنتي ,,
,,,,
اول شي دكتورتي كانت فايزة ,, هذي الدكتوره فضييييعه مره وحبوبه وفاهمه مره ارتحت لها وحبيتها ,,
السالفه اني رحت للدكتوره عندي مراجعة وكنت في الاسبوع 38 وقلت لها خلاص مليت ابي اولد ^_^
المهم شافت البيبي وشافت وضعي وقالت لو تولدين الحين عادي والحمدلله مافيه اي خطر واذا حابه
عطيتك موعد طلق صناعي وعلمتني كل شي عن الطلق وكيف بتعطيني اياه وكيف بتتعامل مع الوضع اذا مانفع ومثل هيك ,,
قلت خلاص اوكي واتفقنا اجيها بكره ^_^ << حار بحار
ومن قلت لها خلاص اوكي وكتبت لي تنويم ومن وقتها وانا بطني يمغصني من الخوف ,,
استخرت وتوكلت على الله جيتها من بكره ومعي شنطتي احسني وقتها كأني رايحة للموت برجلي اتنافض ,,
المهم جيتهم ونوموني وجت الدكتورة عشان تكشف علي وتعطيني حقنة توسع عنق الرحم لأنه مسكر
يوم جت تكشف لقت الرحم مفتوح 4سم وشكل ذيك المغوص اللي فيني كانت طلوق ^_^
وكانت طريقتها في الكشف مريحة ولا تخوفك ولا تهاوش مع اني بكرية وخايفه ومستحية : )
وقالت لي خلاص مانحتاج للحقنة بنبدى بالطلق ودوني غرفة الولادة الساعه 9 في الليل ,,
في غرفة الولادة
كانت معي قابلتين طوال الوقت كل شوي يكشفون علي ويراقبون جهاز الضغط والتخطيط والقلب وكل شي وبين وقت ووقت تجي الدكتوره وتطمن على وضعي ..
بدا يحمى الطلق معي على الساعة 2 خلاص بديت اتعب لين وحده من القابلات تونسية شااااطره مره وفاهمه قالت لي
اذا بديتي تتعبين علميني اعطيك مسكن المهم يوم بديت اتعب قلت لها وعطتني ابره والحمدلله سكن علي شوي ونمت
يوم قمت لينها الساعه 3 الفجر
ويوم قمت لين الطلق قوي ويؤلم مره : ) عطتني مسكن ثاني ونمت الى الساعة 4
وصحيت على قوة الطلق ,, ياربيه اثر الحريم كلهم يحسون باللي احس به ؟ : (
الله يجزى والدينا بالجنة ,, وعلى قومتي ليني احس بالراس نااااازل مرة والله يكرمكم كأني بتبرز
ولين اخواتي معلميني اني بوصل هالمرحلة فسكت مع اني كل ماجت طلقه تقعد ذا الدموع تهلهل واحس زوجي راااحمني يقولي تبين ابرة ظهر ؟!
وانا اقول في نفسي لا وش عقبه يالله هانت ,,
أثناء الولادة
جت الدكتورة وجو الممرضات واحس الغرفه صارت زحمه وهم كلهم 5 اشخاص وانا السادسة : )
المهم لينّي خلاص استويت عاد رفعوا اشياءات السرير المخيفه ولبسوا رجلي هذاك الشي الازرق وبدينا الشغل الجامد : )
الحمدلله كانوا هادين معي لا يصارخون ولايروعوني ولايضيقون صدري << بلى اللي فيك مكفيك : )
ومرت الولادة بسلااام الحمدلله على مافيها من التعب وكثر الزحير : )
وكانت الساعه 5 و5 دقايق
بعدين رجعوا يعطوني مسكنات ونوموني يوم قمت لين الغرفه فاضية والعاملات ينظفون والساعه 6 الصباح ..!!
وشو وش السالفه ؟
صارت الدكتورة خاطتني ونظفتني وانا نايمة وهذا احسن واروع شي لأني شايلة هم الخياطة ,,
الحمدلله يوم قمت لين زوجي توهم يدخلونه علي شاقٍ الضحكه : ) وكلمنا ماما وأم زوجي وبشرناهم : )
بعدين طلعوني لغرفتي ,,
الشي الجميل في الموضوع اني كنت خايفه انهم اذا دخلوا علي زوجي يكونون مانظفوني
ويدخل ويشوفني وانا كذا مقرفه : ) بس الحمدلله لقيتهم منظفيني ومغيرين القطن اللي تحتي
مخليني كأني مابعد ولدت من النظافه ..
في جناحي
طلعوني لغرفتي ممرضتين وساعدوني في النوم على السرير وجابوا لي فطوري
كان عبارة عن حليب حار وبيضة مسلوقه وكرواسان وساندوتش بر بالجبن ,,
وكنت في الجناح الاميري ,, وهذي صور من الجناح ..
كان عبارة عن غرفة استقبال وغرفتي وحمام طبعاً ^_^
والجناح مطلّ على طريق الملك فهد .. يوسع الصدر اذا مليتي التفتي على الشارع : )
..
هذي غرفة الاستقبال اول ماتدخلين الجناح تلقينها في وجهك ^_^
في الصورة مبين زمزمية الشاي والقهوة وسلة الفواكة كلها من المستشفى
وهذا جانب ثاني من نفس الغرفه
..وهذا جانب ثالث : ) مبين في الصوره معاميل الشاي والقهوة والكاسات والتمر
كلها من المستشفى .. واذا جا المغرب جابوا لي زمزمية الشاي والقهوة للضيوف عشاني في رمضان
صورة مقربة للمعاميل ..
وهذي غرفتي وفيها جلسه صغنونه مره كيوت تطل على طريق الملك فهد وستايرهم جميلة ^_^
اذا ماتبين تشوفين الشارع نزليهم وتكون صور فهمتوا ؟ يعني نفس الستاره صورة
هذي الصورة صورتها اختي وانا اقولها ظفي فراشي اول بس قالت خلي الصورة طبيعية : (
طبعا المفرش حقي مو حقهم ..وهنا الصورة مبينة طريقة الستارة
هذي الزينة كانت جنب راسي ^_^
..
هذي صور للحمام الله يكرمكم
وهذا تكملة الحمام ^_^
نظافة وتعامل العاملات والوصيفات
بالنسبة للنظافة كانوا يجوني في اليوم مرتين ينظفون في الليل وفي الصباح
وكانوا الممرضات من اضغط الجرس يجوني يركضون مره رهيبين: )
الوصيفات ماعليهم لكن احتجت لإني احرصهم زيادة على انهم ينتبهون للضيوف اكثر
كانت عندي في الغرفه شاشة اني اشوف بنتي فيها ..
وتعاملهم في الحضانه كويس مع الاطفال مريتهم كم مره لأني كنت قاعدة 4 ايام في المستشفى
وكل مستشفى له سلبياته وايجابياته .. بس صراحة ايجابياته غلبت
وكان يوم الثلاثاء
25 / 9 / 1430 هو يوم ولادتي .. الحمدلله والشكر ..
ان شاء الله قدرت افيدكم .. واللي حابه تستفسر عن اي شي انا حاضرة ..
الف مبروك ياقلبي وحمدالله على سلامتك
وياليت فيه بجده غرف زي كده تفتح النفس
بس بسألك مفرشك كيوت وسمبل من فين اخدتيه ؟