09-10-1430 هـ, 07:11 صباحاً
السلام عليكم ورحمه الله وبركاته
يايبه لكم حلا الجزر ماخذته من وحده هنديه تقول هذا الحلا المفضل عندهم في الهند طبعا كل من سمع بالجزر قال وع بس لما يطعموه يقولوا يجنن وانا اول وحده قلت وغيرت رائي

مسويته في خامس العيد كل ما اجهز الموضوع يحصل خلل في النت ويروح كل التحميل اللي سويته مليت من كثر ما حملت الصور

بسم الله الرحمن الرحيم
وبه نستعين

المقادير
1 علبة بسكويت شاهي مطحون
1 علبه قشطة اي نوع
1 كاس سكر
1 كاس جوز هند
1 كاس جزر مبشور ياريت يكون الجزر ماله طعم لان بعض الجزر يجي نكهته قويه وراح يخرب الطعم
معيار الكاس يكون بكاسه الجبنه الطويله للاسف ما صورتها اتوقع انها معروفه



اول شي نجيب زبديه ونطحن البسكويت ونحطه فيها


وبعدين نقوم نبشر الجزر


نجيب صاجه ونحط فيها الجزر والسكر ونولع عليها النار لا تحطي ماي لان راح يخرج ماي من الجزر


راح يكون شكله في البدايه جذا مع الماي اللي راح يخرج من الجزر


وهذه الصورة تقريبا بعد ما نشف


وبعدين نجيب الزبديه اللي حطينا فيها البسكويت المطحون ونحط فوقها القشطه والجوز الهند


وبعدين نضيف فوقها الجزر اللي حمسناه مع السكر


يتبع


09-10-1430 هـ, 07:11 صباحاً
ارجعي اعجنيهم كلهم يفضل بالملعقه لان راح يكون حار من الجزر


بعد ما نخلص نجيب جوز هند غير الكاس الاول هذه للدحرجه


وناخذ قطع صغيره ونكورها ونحرجها بالجوز وهكذا حتى نفاذ الكمية


وحطيها بهذا الصحن اذا كنتي بتسيري فيه يغش يحسبوه جاهز


اما اذا كنتي في البيت حطيه باي صحن انا عن نفسي حطيته بهذا الصحن





وبالعافيه على قلوبكم
هالله هالله بالردود اول مره اتعب من التحميل لوع جبدي بغيت اهون من كثر ما اعيد التحميل من خامس العيد وانا احاول انزله

سوري على الاطاله بس حبيت اوضح كل شي بالتفصيل اي استفسار انا حاضره
لكم احلا تحيه مني
تقبو فائق تحياتي


09-10-1430 هـ, 07:49 صباحاً
مشكووووووووووووووره تسلمين وان شاء الله اجربه
09-10-1430 هـ, 08:38 صباحاً
تسلم يدك ،، الله يعطيكِ العاافيــــــــة
09-10-1430 هـ, 08:47 صباحاً
مشكووووووووره..امي تصلحه احيانا بصراحه لذيذ
09-10-1430 هـ, 12:14 مساءً
شكله حلوو ان شاء الله اجربه .. لكن بأيش اقدر استبدل جوز الهند عندي ناس ما يحبونه

تحياتي لك والف شكر
استغفر الله .. ولا حول ولا قوة الا بالله ..
09-10-1430 هـ, 01:18 مساءً
اقتباس مشاركة  (الورده المكنونه)
مشكووووووووووووووره تسلمين وان شاء الله اجربه
العفو
الله يسلمج
ان شاء الله يعجبج
نورتي الصفحه يالغلا

تسلم يدك ،، الله يعطيكِ العاافيــــــــة
الله يسلمج
واياج يالغلا
نورتي الصفحه

اقتباس مشاركة  (NO0O0NO0O0)
مشكووووووووره..امي تصلحه احيانا بصراحه لذيذ
العفو
بالعافيه عليكم
نورتي الصفحه

اقتباس مشاركة  (صمتي غيـر)
شكله حلوو ان شاء الله اجربه .. لكن بأيش اقدر استبدل جوز الهند عندي ناس ما يحبونه

تحياتي لك والف شكر
ان شاء الله تجربيه ويعجبج
هم انا زوجة اخوي ما تاكل الجوز فيها حساسيه منه بس بعض الحلويات استبدل الجوز ببسكويت مطحون اما بهذا الحلا للاسف ما جربته
بس يمكن تقدري تحطي مكسرات مطحونه مثلا لوز مطحون او اي نوع تفضليه <<مو اكيد ما قد جربته
بالتوفيق
نورتي الصفحه يالغلا


09-10-1430 هـ, 01:32 مساءً
تسلــــم الأيـــادي ,,
09-10-1430 هـ, 02:40 مساءً
09-10-1430 هـ, 03:30 مساءً
تسلــــم الأيـــادي


الساعة الآن 02:40 .

جميع الحقوق محفوظة - عالم حواء - 2015