اليوم أن شاء الله جيبتلكم طريقة عمل الرز بالشعريه المضغوط للولاتو خطوه بخطوه وبالصور لعيونكم وأدعولي بلم شملي مع أهلي وحبايبي..
المقادير:
هنا جميع المكونات ألي أستخدمتها شعريه و كوبين رز بسمتي, وكوب مويه ,وبهارات(مستكه,هيل,ملح), زبدة
الطريقه:
ولعت النار على القدر وحطيت الزبده لما قدحت الزبده حطيت المستكة والهيل ولما دابت المستكة.
حطيت الشعرية .
وحمستها ألين لما حمرت.
حطيت الرز يتحمس شويه علشان يتفلفل وما يتكسر حبه بحبتها على قول بابا لما يمسك حبه الرز ويفعصها تنط لأخر الغرفه وهيا مستوية وواقفه على حيلها زي الألف ويارب يخليلي بابتي ويحميه من كل شرويريح باله.
طفيت القدر بالموية الفايره وممكن مرقه لحم أو دجاج لو عندك تكون أطعم حطيت الملح وخليته يفور فورتين.
وضغطه في قدر الضغط ورخيت النار علشان يستوي على مهله على قول بابا هدي وأصبري على رزك ألين لما يستوي وخليته لمده 12 دقيقه تقريباً.
كدا شكل الرز لما أستوى.
وهنا شكله في صحن التقديم.
وبصحتين على قلوبكم ومحل مايسري يمري.
