السلام عليكم
قبل فترة نزلت الغاليه فوفومون صورة بوفيه فطورهم
وكان من ضمنهم طبق اسمه العزرش
انا سالتها عالخاص عن طريقته وماقصرت عطتني اياها
وبالفعل كان لذيذ جدا
مع اني نقصت كم شغله من الاغراض ومع ذلك الطعم لايعلى عليه
نجي للطريقه والمقادير مرة وحدة
اولا..
نقطع بطاطس لشرايح دائريه ونقليها ونحطها عالصينيه كطبقه اولى
ثانيا ..
كباب وتعملينه كالاتي((صحن دجاج مفروم+بصل +بقدونس+ملح +مسحوق الثوم+فلفل اسود+
كمون+سماق+3ملاعق ليمون+3ملاعق زبادي))
انا ماحطيت سماق واستخدمت لحم مفروم
من امس ادور على دجاج مفروم ولا حصلنا شكله انقرض:06:
المهم تخلطينهم زين وترصينهم عالبطاطس وعالفرن الين تتحمر
انا غطيت الصينيه بقصدير ورشيت عاللحمه ماجي مذوب بمويه
وخليتها الين تحمرت وولعت الفرن من تحت
ماعرف كم الوقت بس تقربيا ثلث ساعه:time:
انتي انتبهي لها
ثالثا..
تاخذين كاسه ونص لبن +نص كاس طحينيه سايله وبالخلاط
وتحطينها كطبقه ثالثه
انا حطيت زبادي بدل اللبن << غيرت بالوصفه ع كيفي اعذريني فوفو:06:
وهذا شكلها يوم حمرتها من فوق
والطعم حكايه وحدة مو كفايه
جد روعه واتوقع بالدجاج رح تكون اروع
انا ماصورت قطعه منها لان مع العجله وبعد عندنا رجال يعني لازم يكون الفطور عالوقت
بس وربي مارجع شي من عند الرجال من جد اعجبتهم
جربوها وادعوا لفوفو ولي
مشكورة اختي فوفو ما قصرتي يالغلا