السلاااااااااااااااااام عليكم ورحمة الله وبركاته
كيفكم اخواتي حياكم الرحمن في موضوعي المتواضع
يااااااااااه لي زمان ما انزل موضوع وعاد يومي بسنة ..
اليوم موضوعي عن الفريزر ماشاء الله في القسم شفت اكثر من وحده مرتبة فريزرها
بس كنت اقول هذولي عندهم فريزر مستقل وانا يادوب فريزري حق الثلاجة يعني ايش يوسع ولا ايش
ومايكفي يادوب اللحم والدجاج ..
وماعمري في حياتي فرزنت اكلات اقول فين احطها وما كنت اصلا ااييد الفكرة بس قبل رمضان بديت اشوف البنات يتكملوا عن فرزنة الاكل ونزلوا مواضيع عاد انا دب في الحماس وقلت اجرب ايش بخسر وافرزن الشي البسيط ..
وجربت ياااااه يابنات وربي ما اقدر اقول لكم كيف فرحتي ما ناقص الا اتصور جنبها هههههههه
وسامحوني قرقر واجد بس والله حبيت اقول لكل وحدة تفكيرها كان زي تفكيري جربي وما بتخسري
واترككم مع الانجاز ..يلا بسم الله
ماشاء الله ..تبارك الله
اول شي اذكروا الله اخواتي العين حق حتى لو ما عجبكم
هذا شكل المحروسة قبل وزي منتو شايفين دمار شامل
جبت هذي الحافظات اشتريتهم من محل يابلاش
كانت عندي بس كنت استخدمها للدقيق والسميد والنارجيل وكنت ارتب فيها الثلاجة
فقلت خليني استخدمها ..
سعرها رخيص 5 حبات اظن 16 ريال والشكل الثاني 4 حبات ب 14 ريال
المهم اشتريت قفازات من الصيدلية قريت هنا نصحية من الاخوات عشان الاكل ما يخرب وماتلامسه اليد ..
واشتريت اكياس النايلون حق اللحمة اخذت حجمين الحجم الصغير الرفيع والثاني مقاس 10
اول يوم استلمت كيس الثوم ايييييييييه اتاريه شغلته شغلة بس الحمد لله ..
قشرته وفرمته مع شوي زيت زيتون وشوية زنجبيل اخضر
وعبيته في الاكياس الصغار في كل كيس تقريبا ملعقة ملعقتين
على قدر استخدام واحد بس ورصيتها في الحافظة ..
ثاني يوم استلمت اللحم المفروم طلعت كمية غسلتها مرة وحدة طبعا وانا لابسة القفاز وبعدين رميته
وبعدها لبست قفاز جديد وقسمتها ( جزء كشنتها للباشميل وجزء خليتها نية بس حطيت معاها بصل وبهرتها هذي للمنتو
وجزء برضها نية لكن تبلتها مع بصل وبقدونس ونعناع وكزبرة وخلطة للكباب والكفتة )...
وبعدها وزعتها في الاكياس كل كيس في مقدار طبخة وحدة يعني حق استخدام واحد ..
ورصيتها في حافظة ..
يتبع لا حد يرد
