السعودية - الرياض
سائق للتوصيل
سائق سعودي معاه محرم للتوصيل غرب الرياض للتواصل ع الخاص
                 

السعودية - الرياض
سائق للتوصيل
سائق سعودي معاه محرم للتوصيل غرب الرياض للتواصل ع الخاص
إضافة رد
 
أدوات الموضوع انواع عرض الموضوع
قديم 04-09-1430 هـ, 03:49 صباحاً   #1
حواء سعودية

عضوة فعالة
 
الصورة الرمزية حواء سعودية
 
تاريخ التسجيل: 14-06-1424 هـ
المشاركات: 588


momayez سمبوسة بعجين رقاق صناعة منزلية ~~~~ و طبعا بالصور و التفصيل الممل

السلام عليكم و رحمة الله و بركاتة
*************
مبارك عليكم الشهر
جعلنا الله و اياكم من صيامة و قيامة و عتقاءة من النار
*********************

شرايكم ؟؟
قولوا ما شاء الله ......
ترى الرقاق انا مسويته ...شغل بيت و سريع
لكن له سالفة

يقولون ..... لو ما الغيرة ...ما كبرت الصغيرة
و هذا حكايتي مع هاسمبوسة
انا زوجي لو يموت ما ياكل سمبوسة عجينة جاهزة
فكنت اسوي له سمبوسة بف مرررة روعه

لكن هو متعلم على سمبوسة امه ....
و ام زوجي من توفي زوجها و هي كل رمضان تصوم كل اسبوع عند واحد من عيالها و اذا كانت عندنا تسوي هي السمبوسة حقتها
و مرة من المرات .....
حشى صار مسلسل.....
كانت صايمة عند واحد من اخوانه اللي بيتهم قريب لنا
و كل يوم ترسل لنا شوي من السمبوسة لولدها

انا اكلتني الغيرة , و كمان صراحة حسيت بالاهانة .....
هي صراحة خالتي روعة و اخلاق و حبيبة بس برضه مرة عجوز و تدري ان ولدها يموت بالسمبوسة هذي

طبعا خالتي لانها من حريم اول ما تسوي شي بقياس

فسويت خطة
لمن جات عندنا و بغت تسوي السمبوسة
صفيت عندها 4 كاسات دقيق ابيض و كاس دقيق بر و 3 كاسات موية و فنجان كامل زيت
طبعا انا عارفه انها ما هي رايحة تستخدم الكمية كلها
بس لمن خلصت سويت عملية حسابية و حصلت على المقادير
و الآن باعتراف خالتي انا احسن وحدة من حريم عيالها باتقان هذي السمبوسة
تبون تعرفون؟؟
يالله بسم الله نبدأ
بس من البداية اذا سبحان الله ما كملت اليوم ترى ما اقدر الا بكرة بعد الساعة 2 لان هذا الوقت الوحيد اللي افضى للنت

المقادير

زي ما هو باين بالصورة
1) 2 و نص كاس دقيق (هنا 2 و ربع ابيض مع ربع بر)
2) نص بياله شاهي زيت
3) رشة ملح
4) كاس ماء

الطريقة
تخلط المقادير الجافة ثم يضاف الزيت و الماء
يلاحظ ان الماء مضبوط في الشتاء و و جود كمية بر اما اذا قللتي البر او الغيتية او كان الدنيا حر مثل الحين قد لا تحتاجين الكاس كامل بس ماهو اقل من كاس الا ربع
و هذا شكل العجينة ...تكون شوي لينة بس ما تلصق بالاصابع

و بعدين اقسم العجينة إلى مثيلتين (كرتين) و احطهم بصينية مدهونة شوي زيت و ادهن وجه العجينة كمان و اغطيها ببلاستيك
(الصورة 4 مثايل لاني كنت مسويه الضعف علشان ارسل لاهلي)

و اجهز الحشوة
طبعا كل واحد على كيفة بس هذي خلطة خالتي
(لحم مفروم و بصل و يضاف لهم اول ما نشيلهم عن النار كرنب مبشور و جزر مبشور , يذبلون من الحرارة ...وشوي كزبرة و شبت)


اكمل لكم خطوات الفرد لاحقاً



حواء سعودية غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


04-09-1430 هـ, 04:03 صباحاً
#2
الله رووووووووعه ما شاء الله كملييي


توقيع


سبحان الله وبحمده سبحان الله العظيم
رد مع اقتباس
نوتا غير متواجد حالياً  

04-09-1430 هـ, 04:07 صباحاً
#3
الله يعطيك العافيه ياالسنعه ماشاء الله عرفتي وش لون

تزرفين (تسرقين)الطريقه منتي سهله

استمري لكن رديت عليك لاني يمكن ما ادخل بكره

تقبلي مروري


توقيع

اللهم اشفني واشف مرضى المسلمين ,,
لا اله الا انت سبحانك الحي القيوم استغفرك واتوب اليكـ ،،





رد مع اقتباس
همي دمعة أمي غير متواجد حالياً  

04-09-1430 هـ, 04:09 صباحاً
#4
أهلين
عدنا

بعد ما ترتاح العجينة من ربع ساعة إلى نص ساعة
اجهز التبسي الخاص بالفرد عندي (تبسي ستيل ) و اقلبة و ادهنة بكمية وافيه من الزيت


و ابدأ بفرد العجينة
للاسف ما قدرت اصور لان الصور صارت ايديني كلها باينة فحذفت الصور
اهم شي اني ابدأ بالضغط على القرص من الحواف اولا حتى لا يكون القرص متين من الحافة ثم ارمية من كف إلى الآخر شوي شوي
و بعد كذا احمل القرص بيد و ابدأ بتمديدة باليد الأخرى
(ملاحظة اذا ما اعرفتي ممكن نفردينة على التبسي مباشرة مع جرة من كل جهه شوي حتى يغطي التبسي )

لاحظي الفرق في رق العجينة بالصورة التالية

اذا حسيت ان حجم القرص مناسب اضعه برفق على التبسي
ثم ابدأ بجر اطرافة لتغطي التبسي كاملا



ثم اقطع الزوائد بالسكين

معليش يا حلوين قرب الأذان بروح اتجهز للصلاة
اكمل بكرة ان شاء الله



عدنا
(مع اني قايلة ما اقدر اكمل الا الساعة 2 الليل و ترى من جد ما ادري اقدر اكمل الحين او لا ..)
المهم
اقطع العجين بالطول بحيث يكون عرض الشرائح مناسب للسمبوسة اللي انا ابيها و عادة تقريبا يكون
ثم اقسمها بالنص
وتكون عدد الشرائح الطولية من 6 إلى 7 و اذا قسمتها تصير 12 سمبوسة مع 2 على الاجناب يعني 14
او تكون 14 و 2 على الاجناب يعني 16
يعني مثيلتين تكفينا و بزيادة بعد
ثم اضع الحشوة في بداية كل سمبوسة مثل الصور


التقطيع الطولي ثم بالنص
و الآن الحشوة


الآن مهم جدا
طريقه اللف
نبدأ بلف العجينة على اللحشو ....بس علشان تصير ممتازة انتبهي لعدة اشياء
1) ابدا ابدا ما تمسكين العجين الا من الاطراف
اقصد اذا لفيتيها لا تضغطين على العجين فوق الحشوة (حتى لو حسيتي الحشوة بتطيح) علشان لازم يدخل هوا فيها
2) اذا لفيتي العجينة لازم تلفين الطرف اللي فوق للجهة المعاكسة (اذا الطرف الاعلى اللي انتي ماسكتة الحين يمين , لازم تقلبينة للجه اليسار مع تثبيت اصباعك بالجهه الثانيه علشان يكون الشكل ثابت... لاحظي الصورة وهكذا لان هذا بيعطيك سمبوسة اولا فيها شوي هوا و منفوخة و ثانيا بتكون مثلث متساوي الاضلاع و شكلها حلوة )
برضه كان ودي اوضح الصور اكثر بي ما قدرت


يعني اذا قلبت السمبوسة من اليمين إلى اليسار اثبت اصباعي الايسر على الطرف اللي قلبته و بعدين امسك الراس الجديد اللي صار يسار و اقلبه للجه اليمين
و اثبت اصباعي على هذا الجزء الايمن و و اقلب الطرف اللي صار يمين إلى الجهه اليسار و هكذا
طبعا انتم ملاحظين ان القطع الوسطية اطول من الاجناب
و عادة انا احاول تكون كل سمبوسة 5 قلبات (الاولى ثم 4 بعدها)
و اقص الزايد من الشرائح الوسطية
اما الشرايح على الاجناب احيانا تكون 4 قلبات (مو مشكلة)


في النهاية اقوم بحفظ السمبوسة علة صينية مفروشة منشفة او شرشف خاص و مرشوش عليها دقيق
وتغطى بمنشفة لحين القلي



اتمنى ان الشرح واضح
وآسفة على التأخير
اي استفسارات انا حاضرة بس الرد بعد 2 مساء
و بالعافية (ادعوا لي )


رد مع اقتباس
حواء سعودية غير متواجد حالياً  

04-09-1430 هـ, 04:30 صباحاً
#5
بإنتظارك


توقيع


http://forum.hawaaworld.com/showthread.php?t=1527108


تجارب الاخوات لشنطه النفاس متجدد لاخر صفحه التجارب
http://forum.hawaaworld.com/ec_showp...readid=3886223

تابعوني ع الانستقرام umaboode05
0558982123
رد مع اقتباس
التاجرة أم عبودي غير متواجد حالياً  

04-09-1430 هـ, 05:22 صباحاً
#6
متااابعه والله يتقبل منا ومنك صالح لاعمال


توقيع

((سبحان الله والحمدلله ))

رد مع اقتباس
ام الفهود 2005 غير متواجد حالياً  

04-09-1430 هـ, 06:28 صباحاً
#7
الله يسعدك كملي احب الشغل اللي زي كذا ذبحنا اكل الافغان ماتدرين نظيف ولا لا عادي الشكوى لله ماعندنا الا العجينة


توقيع

استغفر الله العظيم الذي لا إله إلا هو الحي القيوم وأتوب اليه
اسال الله العظيم انه يحقق اللي اتمناه






http://www.tvquran.com/rouqia.htm
رد مع اقتباس
أم ربى,, غير متواجد حالياً  

04-09-1430 هـ, 06:37 صباحاً
#8
ننتظرك حبيبتي


رد مع اقتباس
ااملي بربي كبير غير متواجد حالياً  

04-09-1430 هـ, 06:52 صباحاً
#9
يا الله يا حلوه
كملي
كملي
انا سويت نفس المقادير بس الشكل غير ..
متابعه


توقيع




رد مع اقتباس
دموعي دلع غير متواجد حالياً  

04-09-1430 هـ, 06:57 صباحاً
#10
ويييييييييييييييييييينكك!!


توقيع


رد مع اقتباس
أشخص وحده غير متواجد حالياً  

إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 01:23 .