02-09-1430 هـ, 11:05 مساءً
بسم الله الرحمن الرحيم



السلام عليكم ورحمة الله وبركاته


شهركم مبارك أخواتي وكل عام أنتم للرحمن أقرب وحياتكم أسعد وأمانيكم تحقق

يا عزيزاتي هذا الموضوع نريد أن نفيد فيه بقدر المستطاع ومن لديها أي معلومة تفيدنا بها فجزاها الله كل خير وأحسن إليها ..
قرات قبل فترة موضوع لإحدى الأخوات ستلد في أمريكا وقد أخبروها بأن الولادة ستكون بدون قص المنطقة وخياطتها حين قرأت الموضوع والردود وجدت أن التجارب المكتوبة بين الردود وإضافات البنات تشجع جداً على أمر كهذا ..

لذلك أحببت هنا أن أضع في موضوعي الردود التي وجدت أنها تثري الموضوع سواء بالإيجاب أو السلب لنستفيد جميعنا منه ..



أول نقطة أضيفها إفادة الأخت: هلي دموعك ياعيوني بالنصائح التي وجهتها لها الدكتورة التي ستقوم بتوليدها
ومنها ..: تمارين كيجل ..
إضافة لمساج ولتوضيح طريقته :
في الاقتباس التالي:

اقتباس مشاركة  (هلي دموعك يا عيوني)
تفضلي هذا الرابط للمساج بالانجليزي

http://www.childbirth.org/articles/massage.html

وهذي الترجمه

في بداية الاسبوع 34، يُمْكِنُ أَنْ تُحاولَي تَدليك (المنطقة حول مهبلِكِ). التدليك الشرجي اليومي قَدْ يَزِيدُ قدرةَ إِمْتِداد المنطقةِ.

مارسي هذه التقنيةِ بنفسك، بالأيدي النظيفةِ واظافر مقلمة. تحتاجين لمرآة كبيرة مفيدة لذا يُمْكِنُك أَنْ تَري ما تَفعلُين وللمُسَاعَدَة على تَآلُف مع منطقتِكَ الشرجيةِ.

* يَجْلسُ بمكان دافئ بوضعية الاتكاء المريح
* يَنْشرُ سيقانَكَ على حِدة
* زَيّتْي أصابعَكَ (أصبع الإبهام) والمنطقة شرجية
* زيت نباتي صافي
* لا تُستعملْي زيت الاطفال ولا زيت معدني

:::::::::::::

* ضِعُي أصبعَ إبهامكَ حوالي 1 إلى 1 1/2 بوصات (إلى أَو فقط مفصلكِ الأول من الصبع) داخل مهبلِكِ ونَشر سيقانَكِ.
* ادفعي للأسفل نحو المستقيمِ ونحو الجوانبِ في نفس الوقت.
* بلطف ويَستمرُّ حتى تَشْعرُي بحرقه أَو وَخُّز طفيف.
* اسمري على هذا النحو لمدة دقيقتان تقريباً

:::::::::::::

* الآن ببطئ ويُدلّكُ الجزءَ الأدنى من المهبلِ بلطف ذهاباً وإياباً
* ُعلّقُ أصابعَ إبهامكَ في جوانبِ مهبلِكِ ويَسْحبُ النسيجَ بلطف
* كعمل رأس طفلكَ الرضيع أثناء الولادة
* أبقِ هذا فوق لثلاثة إلى أربع دقائقِ.

:::::::::::::

* أخيراً، يُدلّكُ النسيجَ بين الإبهامِ والسبّابةِ ذهاباً وإياباً لمدة دقيقة تقريباً.
* يَكُونُي لطيفهً لأن لمس المهبل يُمْكِنُ أَنْ يُسبّبَ الكَدْم أَو الورمَ. أثناء التدليكِ
* يَتجنّبُ الضَغْط على الإحليلِ (فتحه البول) كما هذا يُمْكِنُ أَنْ يُؤدّي إلى الإصابة العدوى.

:::::::::::::

* بالطبع، تدليك شرجي لَيسَ لكُلّ شخصِ وهو قَدْ لا يُساعدُ في كُلّ حالة
* الشيء الأكثر أهميةً الذي أنت يُمْكِنُ لكي تَختارَ القابلة أَو طبيبة أطفال الذين لديهم الخبرة
وهذا الرد كذلك :


اقتباس مشاركة  (هلي دموعك يا عيوني)
بنات،، اسألو امهاتكم اللي ولدو بدون توسيع عشان تتأكدون،،

انا سألت امي،، وقالت لي والله رجعت عادي زي اول واحسن،، اهم شي الاكل الزين،،

ودكتورتي تقول ولدت سبع مرات،، وعايشه طبيعي والمنطقه عندي طبيعيه،،

صح تكون مترهله ومرتخيه اول اسبوعين لكن بعدين كل شي يرجع طبيعي مع اهتمامك بنفسك!

تخيلو وهي امريكيه ،، قلت لها كيف اهتم بنفسي!! قالت تشربين سوائل ساخنه واكل مغذي،،

وماتجهدين نفسك بالحركه وتبعدين عن الجماع لمدة ست اسابيع ويرجع كل شي زي ماكان واحسن

علماً اني قرأت للأخت موضوع ولادتها فكتبت أن الولادة تمت بحمد الله بدون شق للمنطقة وبدون خياطة ما شاء الله لا قوة إلا بالله ..

وفي المقابل قرأت أيضاً موضوع لإحدى الأخوات وقد كانت ممن يعيش في الغربة وشاركت في الموضوع السابق فبحثت عن موضوع ولادتها لأجد أنها قد كتبت النص التالي:
اقتباس مشاركة
كنت متفقه مع الدكتوره اني اولد بدون توسيع لان النظام في اغلب الدول الاجنبيه كذا
بس للاسف شقت شق وصلت لمناطق بعيده وسحبت البيبي بالملقاط ومن تاثير المشرط والملقاط راس ولدي انجرح جروح بسيطه وفيه جرح واحد غائر
طبعا السبب كما كتبت الأخت هو تعسر ولادتها وتوقف نبض الجنين مما أدى لهذا الحل السريع من الطاقم الطبي القائم عليها وقت ولادتها ..

فالأمر في كل الأحوال تيسير من رب العالمين



عموماً .. أترككم مع مشاركات الأخوات وتجاربهم :


اقتباس مشاركة  (عراقيه مغتربه)
اني ولدت من غير توسيعه ولا خياطه لان في الدول الاجنبيه ما يعملوا توسيعه بس اذا طلع البيبي او جرح او مزق النسيج يخيطوك او اذا طلع عادي من غير ما يمزق النسيج ما يخيطوك او اني ما خيطوني او ما صار عندي اي مشاكل بالنفاس او رجعت طبيعيه مثل قبل او ان شاء الله ولادتي هذي اتصير مثل الي قبلها ...
او الله يسهل على جميع الحوامل ان شاء الله
اقتباس مشاركة  (obma)
انا عارفه الحين بتطلع لنا وحده وتقول بتتوسعون وتخربون والخياط ازين وعمليه تجميليه ومدري وش بعد
ترا الوسع والخراب ما جا الا من الشقوق لان المنطقه تمزعت خلاياها وتهتكت فما ترجع تلتئم زي قبل ومن كثر الخياط تخرب المنطقه
لكن لوما تعرضت للشقوق والخياط رح تكون الخلايا سليمه وترجع زي اول لمكانها الطبيعي لان خلايا العضلات سليمه ما تقطعت
طبعا الكلام هذا درسناه في الجامعه في علم الانسجه
اقتباس مشاركة  (ام تبوله الدلوعه)
هلا بنات بالنسبه لي انا ولادتي الثانيه من غير توسيع في مستشفى التخصصي
كنت اقول لها وسعي قلت لاالا راس الجنين 10 سم على قد الفتحه ماراح نلعب فيك\والله يابنات الحمدلله
والله اني عااادي الحين حتى بنتي اسم الله عليها جت صحتها حلوه مره وزنها يعني
مو صغيره لالا
بعدين سالت الدكتوره قالت الي تتعسر ولادتها او في احد يبي يستعجل عليها ويخلص يسوي كذااا
بس حرام والله كثر الشق والخياط لهلمنطقه ماعاد يصير يلتئم قلت اخاف اصير وسيعه جلست تضحك
قالت لا تخافين والله طول فترة نفاسي وانا خايفه واقول لامي قالت امي زمان ماكانوا يوسعونا وعادي
المهم ادهرت على عمري اتبخر ومدري ايش
المهم بعد ماخلصت وجاني زوجي اقسم بالله يابنات اني كني بكريه ماشاء الله والسبب بكور الكبو
حتى صديقاتي قررو من بعد قصتي محد فيهم يوسع الحين فيه كم بنت حوامل راح نشوف بعد الولاده
وسلامتكم ادعوا لي بالولد السليم الصالح يابنات
اقتباس مشاركة  (saralee)
انا الحمدلله والده مرتين في مستشفى الملك فيصل التخصصي في الرياض و كل ولادتي الحمدلله ما وسعولي بس الي بنشق وقت طلعه الراس يخيطونه يعني غرزه في كل شق لانه هم نظامهم اجنبي ما يوسعون و بالعكس انا احس بدون توسيع احسن عشان ما تتبهدلين بالجرح و الالم و ماشاءالله تطيبين بسرعه و انا كنت اتبخر بالكبو وقت النفاس و الحمدلله ماشاءالله تضوق المنطقه ..... و ان شاء الله كل ولادتي تصير كذا ياربي ياكريم .... انتي اطلبي منهم ما يوسعون و شوفي وش يوقولون ...
اقتباس مشاركة  (saudi girl)
أنا ولدت بكندا و ما وسعوا لي...

و الدكتورة خيطت اللي انشق بس...

و أول الفترة مرررررررة تعبت من الخيوط يالله أقعد و يالله أقوم....

و ما لاحظت إني تغيرت ...

لكني كنت مهتمة بنفاسي...

تقومين بالسلامة يا هلي دموعك يا عيوني
اقتباس مشاركة  (سعودية وبسسس)
اللي ما تبغى توسيع تقول لهم ... اذكر كان في وحدة تولد بالغرفة اللي جنبي اسمعها تقول لهم ما ابغى توسيع ما ابغى انا باستحمل الالم بس لا تسوون توسيع ...... صحيح طولت ولادتها مسكينه ... وكانو يصرخون عليها البيبي تعب ادفعي بقوة خطر علية ... المهم انها ولدت بدون توسيع .

اما انا فكان عندي ولادة مبكرة في الشهر الثامن والبيبي صحيح صغير لكن ما فية قوة يدفع عشان كذا ما تكلمت وخليتهم يوسعون ........... واااااه يا التوسيع واثارة الى الان .

وفي وحدة ولدت وكانت تجي يوميا في الحضانه تقرى على طفلها سالتها ايش فية قالت عندي كان ولادة متعسرة وانقطع عن الطفل الاكسجين ويقول الدكتور احتمال انه بيكون متخلف عقليا ... الله لا يقول ..ان شاء الله يعافيلها صغيرها ويقومه بالسلامة ويفرحها فية ادعولها .

عشان كذا الوحدة ما تقدر تتفلسف وتقول ما ابغى توسيع اذا كان وضع البيبي حرج .
اقتباس مشاركة  (غرشوب رعبوب)
شوفو خواتي انا جربت الولاده من غير توسعه جبت 5 الله يبارك فيهم ويخليهم من اول يوم اقوم عادي واقعد عادي واتحرك بسهوله يعني مب مثل لما تكونين مشقوقه ومبهدله
تعرفون اكتشفت ان اللي يسوون لها توسعه احسن من اللي يسوون لها خياطه وهذا من تجارب اللي حولي من خواتي وحريم خواني لاني سألتهم هل بعد الخياطه في الولاده تحسون المنطقه ضيقه واكتشفت العكس كلهن قالن على حسب اللي تخيط يعني حرمة اخوي تقول لي المنطقه صارت بوابه واختي كذا بعد مع العلم ان اختي خاطوها داخل وبرا تخيلو تقول يمكن عشرين غرزه !!!!
الحمدلله ولاداتي كلها طبيعي وبدون توسعه وشق وترجع المنطقه شب طبيعيه يعني مب مثل لما انتي بنت لا بس مب واسعه عاديه ومع التمارين والعنايه والبعد عن الالتهابات ترد مثل اول
فكرت من فترة اني اسوي عمليه تجميليه من كثر البنات مايتكلمون عنها بس زوجي ابدا ما وافق وانا ترددت وقالي انا مااشتكي من شي ومافي مره علقت على المنطقه وماعندي مشكله فيها بس انتي تبغين تبهدلين نفسك !!!

نصيحتي خواتي ترا كل شي يعتمد على اول ولاده اذا صبرتي لين يتوسع الرحم 10 سانتي وبعدين تدفعين وتتبعين ارشادات الممرضه صدقيني ماراح تحتاجين لتوسعه بس المشكله ان من توصل ل 7 او 8 تحسين تبغين تدفعين والنيرس تبغي تخلص فتشق المنطقه او تقولك ادفعي وخلصينا
اذا كان وضع البيبي جيد ونبضه زين وانتي وضعك الصحي زين فلا تستعجلين صبري لين يتوسع كامل وادفعي
اقتباس مشاركة  (ام رفعه)
فعلاااااااااااااااااا ماتتصورون راحه رهييييييييبه انا ببنتي الثانيه لانها راسها صغير وكنت واصله لمستشفى على الاخير ...والنفاس كاااااااان قمه في الروعه وترضعين بوناااااااسه وكانه دوره وكنت اتنقع بملح واحط مطهر يعني لازم تعتنين في المنطقه ماتهملينهااااااااا

والله يهون على كل حامل واتمنى الولاده الجايه نفس الشي
اقتباس مشاركة  (عطروزهر)
اهلين بنات


ممكن الكلام هذا بس للبكريات لان اللي والده قبل راحت عليها



بس اللي ابي افهمه انو ممكن اصبر وحالتي كويسه وحالة الجنين كويسه برضوا

وممكن انو انا اتعب والجنين يتعب وينقص عندو الاوكسجين وندخل في متاهات

وهنا نقول ربي سبحانه المسهل والمعين

ولابد من التدخل الجراحي لانقاذ حياة روحين اووووكي

بس لما نجي لعدم التوسع والجراحه عجزت افهم كيف ارجع زي اول

ممكن الانسجه تتمطط وترجع مع الوقت زي ماهيي ؟؟

مثل ولادات الحريم الاولات امي وامك وجدتي وجدتك !!

بس معقوله ازواجهم هذيك الايام مايشتكون من الوسع ونشوف كثير التعدد عندهم ؟؟


طيب اذا توسع من نفسه مغقوله يرجع ينشد من روحه ؟؟

ماعندهم لا نظام كيجل ولاغيره ؟؟

معقوله التمر والسمن والبر والرضاعه الطبيعيه ترجع الاوضاع نفس ماكانت

سؤال والف سؤال ؟؟

ياليت الدكتوره تتفضل مشكوره تنورنا الله يجزاها خير ....














معلومه للبنات اللي يقولون انهم هنا يخيطون الرحم وممكن انها تجيهم نزيف وحالات وفااااااة !!!!

انا اقوووووووول


المهبل اللي ينخاط ويمر فيه الطفل والشق يكون خارجي من جهة احد الفخذين من فتحت المهبل
وتحت شوي


اما التجميلي يكون خياطه داخليه للمهبل وتتكمل خارجيه لفتحة المهبل ...

والرحم كاله اي دخل لا بالخياط ولا بالتوسع فقط انو يتوسع وينزل منه راس الجنين ويمر في المهبل وهي وحدها اللي تتوسع

والله وحده اعلم
اقتباس مشاركة  (أنا البلسم)
اليكم تجربتي
في ولادتي الاولى سوو لي توسيع وخياطه طبعا بس ماتعبت في الدفع
في الثانيه ماوسعوا لي ابد بس شفت الموت وانا ادفع وبعدين خيطوني غرزه وحده بس والحمدلله طول نفاسي وانا مرتاحه ومبسوطه وماخده راحتي لكن بعد ماشارفت على الموت وقت الدفع

اقتباس مشاركة  (حبوبه79)
اختي ولدت بسويسرا وما صلحو توسيع وبصراحه تسب مره تقول ان مكان الولاده COLOR="White"][وفتحة الشرج [/color] مابينهم الا مليمترات وبعد فتره اضطرت سوت خياطه عند منى الريس حتى زوجها قال بعد الخياطه خلق وفرق الحين احسن وهذي كانت تجربه اختي
اقتباس مشاركة  (فروحه القطوه)
اول شي فوق

ثاني شي انا توني والده في امريكا وماسوو لي توسيع وكنت مررررررررررره خايفه اني اطلع خربانه خاصه اني انا اللي بنفس روحي بس الحمد لله تمام ايه مو بنت بس كويسه

وماتصدقين شلون الراحه بدون خياطه وبلاوي ترا الوحده بدون خياط اربع ايام وهي مافيها الا العافيه
واذا عندك اي سؤال ارسليلي على الخاص
اقتباس مشاركة  (أم زياد وآلآء)
السلام عليكم ورحمت الله وبركاته الموضوع مهم .والأهم اننا نستفيد من تجاربنا. لاكن لابد من وجود دكتوره توضح لنا الجانب العلمي من الموضوع.بالنسبه للتجربتي اول ولاده انا استعجلت على نفسي ورحت كان فاتح 2سم ولاكان معي طلق ولامويات .مستعجله على رزقي (خبركم بكريه+قل صبر)طلبت طلق صناعي وسولي توسيع .لكن في ولاداتي الثانه (تادبت)ما اروح إلا إذا نزلت المويه ويكون الرحم فاتح 9سم.والحمد لله ولاداتي الباقيه من غير توسيع إلا إذا فيه جرح غرزه بس الحمد لله النفاس ما فيه الم زي الخياطه اما الجانب الثاني ما راح اقول اني بنت بس ما شي حاله .وعلى فكره انا ولدت في مستشفى اسطون في الشرقيه يسئلونك بعدالولاده إذا تبين خياطه او لا.(يخيطون إذافيه جرح)إذا ما فيه جرح يسئلونك إذا تبغين خياطه .ياليت المشرفه تطلب من الدكتوره توضح لنا .
اقتباس مشاركة  (نداء الروووح)
أنا في ولادتي الأولى عطوني طلق صناعي 3 أيام قبل موعدي بإسبوعين ... يعني ولادة بالغصب ... وعند الولادة طبعا ما فيني حيل للدفع ولا للنفس ولا أي شي من تعب 3 أيام طلق ..والبيبي ما كانت تطلع بسهولة فشقوني ... لأنها كانت راح تختنق وطلعت زرقاء والزباد طالع من فمها .... والحمدلله كل شي تمام بالنسبة للبيبي ... وخيطوني طبعا وأعطتني القابلة تعليمات صارمة بشأن الإعتناء بنفسي والغسل بماء وملح صخري مذاب تقول يشد المنطقة وتلتئم بسرعة أحسن من المطهرات ..

في الثانية خيطوني شي بسيط ...والحمدلله ولادتها سهلة ... بس أحس نفسي مو مثل الأولى ...

في الثالثة قالوا ما يحتاج خياط طبعا لأنهم ما عملوا شق .. بس أنا من خوفي أن المنطقة تتغير طلبت إنهم يخيطوني ... وفعلا خيطوا ما أدري كم غرزة ....

وأنا مستغربة لأاني من زمان بحثت في النت وسمعت أن شق المنطقة وخياطها أفضل ... لأن تركها تتوسع لوحدها يرخي العضلات وربما يصير التهتك داخلي ... ما أبي أخوفكم بس والله قريت جذي ... والحين خايفة ومو عارفة شنو راح يصير خصوصا إن آخر ولادة لي كانت قبل 8 سنوات ..

وعلى فكرة أنا سألت جدتي ... من كم سنة وهم كل ولاداتهم وولادات أمهاتنا بالبيت ... سألتها هل كان في خياط قبل ؟؟

قالت : طبعا فيه .. والداية عندها كل شي وتخيط لهم ... حتى بالبيت ...

الله يسهل علينا وعليكم ....
اقتباس مشاركة  (Vip qa)
بكتب لكم عن تجربتي اولا انا اخذ ابرة الظهر لتخفيف الالم
في بنتي الاولى لاني ماحسيت بالطلق الا خفيف ولا اعرف شنو دفع ولا تنفس وتميت 7ساعات في الولادة تعسرت الولادة والتموا علي 6دكاترة وكانوا بيسوون لي قيصري وانا رفضت بعد هالعذاب قلتلهم كان من اول وبالاخير شفطوهاوكانت 3و300جرام سووالي شق وخياط اول ماطلعت ماكنت احس بشي ولما راح تأثير الابرة ماتم شي ماخذته من اقوى المسكنات من سبة الخياطة والبواسير اللي صادتني في الولادة وكانت مأساة مقدر امشي ولا اتحرك وتميت شهر وانا اتألم ولا اقوم من السرير الا للحمام وبعد تقريبا 35يوم طاحت الخيوط وكانت صدمة وتجربه مريرة وبنتي بس ارضعها واعطيها خواتي يراعونها بس الخياطة الحمد لله التأمت بعد 6شهور ورجع كل شي اوكيه بس كرهت الولادة وحلفت مااولد طبيعي ابد
وبعد سنه شكيت اني حامل وما كنت ابيه وشربت كل الاشيا اللي سمعت عنها تنزل الدورةوتاكد حملي وقعدت اصيح وتحطمت وكل ماتذكر الولادة اشوف الدنيا سودا جدامي وكنت مكتأبه طول الحمل وصادني سكر الحمل ونفخ الجنين وقررت اني اولد قيصري بس قبل الولادة قعدوا خواتي وامي يقنعوني صدقينا الولادة الثانية اسهل مرة وبتشوفين اولدي طبيعي وبدون ابرة وشوفي وبعد الحاح قررت اولد طبيعي بس مع الابرة طبعا
وقعدت الزم عالدكتورة ماتسوي لي شق وقالت لي اذا طلع بروحه مابسوي بس لو حسيت انك بتتشققي بسويلك وان لما راسه يكون اصغر من المولود اللي سبقه مايحتاج شق، وفي الولادة خذت الابرة وتميت ساعة وقالت لي ادفعي وحاولت وبنص ساعة ولدت بس قالت لي سويت لك شق صغيروكان وزنه 3 و400 جرام وبعدها عذاب اكثر من الاول من الخياطة والبواسير من الدفع مقدر اقعد ولا اقوم معاناه وفشيلة زوجي لا زارني عند اهلي ماقدر اكلمه حتى من الالم وكله اصيح وهو مستغرب ليش مابي الوع جبده من هالسوالف والخياطة بعداسبوعين ماالتأمت والدكتورة قالت من الماي والملح ماخلاها تلتم وسووالي كي وتميت شهرين لين التأمت وبعد سنه للحين توجع وشكل المكان تشوه مع اني مسويه نظام فيافي على طول.
بس لما كنت بالمستشفى صديقتي ربت معاي نفس اليوم وكلنا مولودنا الثاني وما سووا لها شق تصدقون انها جات تزورني ثاني يوم وتسولف وتضحك وانا يادوب اتكلم وكرهت الولادة وقررت اني اذا حملت اشوف حجم الجنين اذا وصل ثلاثة كيلو ماراح اولد الا قيصري عالاقل ليا تألمت ما تتفشلين قدام الناس ولا وانتي تراجعين عالخياطة طولت عليكم بس هاي تجربتي
اقتباس مشاركة  (&maroooma&)
هلا حبيباتي اقلكم عن تجربتي مع الولاده في الغربه اللي لسا انا فيها انا ولدت بنيوزيلندا صراحه قمه الاهتمااام والرعايه عند الولاده وبعدها وبالنسبه للشق طبعا ما وسعولي ولاشي بس هو توسع مع الدفع والحمدلله خيطوني 3 غرز بس والحمدلله رجعت كاني بنت طبعا مع تمارين كيجل والحمدلله واتمنى كل ولادتي كذا ****لله والله يعين ويساعد
اقتباس مشاركة  (معلمة بتتقاعد)
السلام عليكم

انا ولدت ثلاث مرات بدون توسيع او خياطه لانهم روسهم صغيره ولايحتاج توسيع

بس بولدي الثالث كان الراس كبير فكان لازم توسيع وخياطه والله يعين اللي دايما يخيطون صراحه تعب ومعاناه

اصلا الولاده الطبيعيه احسن والله العظيم الدكتوره تقوللي بعد اربع ولادات ان الرحم ضيق ولايبين اني والده ولله الحمد وزوجي يقول نفس الكلام ما شاء الله

اذا مافي حاجه للخياطه لا توسعون وبعدين يمكن يلتهب عليك الجرح خصوصا في مكان حساس
اعرف وحده التهب عليها الجرح فراحت عياده خاصه رجعو فتحو الجرح وخاطوه مره ثانيه لانه كان غلط الله بعينها معاناه
انا الحين حامل وناويه اقلل من الاكل علشان الياهل ما يكبر في بطني وما احتاج توسيع وخياطه

والحمد لله على كل حال
اقتباس مشاركة  (missجولي)
اصلا اللي تولد بدون توسيع اغلب الولادات الطفل يمزق الانسجه وقت خروجه وبعدين هم يخيطونها يعني فيها الخياط فيها على الاقل التوسيع يكون الشق متواسي مو متعرج زي اللي يوسع لنفسه وقليل من الحوامل تولد بدون مايوسع الطفل لنفسه الااذاكانت من اللي ولاداتهم متكرره وهذا كلام امي والده في امريكا

اقتباس مشاركة  (mona1988)
السلام عليكم يا بنات
انتم مكبرين الموضوع وخيفنين لانه الظاهر اول ولد
انا ولدت اولاد كلهم هنا في امريكا ان شاء الله ما في خوف اولا من لحظة ما بتدخلي المستشفى بعملوكي على انك انسانه بغض النظر عن لونك لغتك او ديانتك بالنسبه لتوسيع انا سءلت دكتورتي في اول ولد قالت لابد من التوسيع افضل وبعدين ما تخافي ما بتحسي بشئ قالت الدكتوره باءن اذا هم وسعوا افضل من ناحية الخياطه ام اذا صار توسيع من غير شق بكون اصعب للخياطه ويمكن ما يقدروا يخيطوا اختي ما تخافي الكتوره ساعة الولاده بتقولك اذا انت محتاجه لتوسيع ولا لا
اقتباس مشاركة  (obma)
اختي ام يزن الولاده في امريكا وبريطانيا واستراليا وكندا واوروبا زي بعض مايفكرون يعملو شق للعجان وخياطه الا في حالات نادره او بطلب منك وماينصحوبعمل كذا ابدا لكن في دول الخليج مستحيل ينتظرون تولدي لازم يعملو شق يوصل للفخذ من كبره هذا الفرق في الولاده بينا وبينهم
علشان كذا نتمنى من الاخوات الي جربو الولاده بدون خياط يعني طبيعي بدون شق يخبرونا هل هذا شيئ جيد مافيه اي مشاكل منه بعد النفاس من تغير وتوسع غير طبيعي او خارج عن المالوف
ولكم جزيل الشكر والدعوات الحلوه
اقتباس مشاركة  (هلي دموعك يا عيوني)
سـألت يابنات،،

وسويت بحث عن هالموضوووع

وقرييييييت مقالات كثيره،،وسألت الدكتوره هنا بالمنتدى،،

الوضع الطبيعي اصلا تولدين بدون توسيع،،

والدكتور هو يساعدك ويسهل خروج الببيبي بدون يتمزق النسيج،،

ولو تمزق من نفسه يخيطونه،،لكن مايكون تمزق كبير وبالتالي مافيه غرز كثيره،،

ثاني شي،، يقولك لمن يسوون توسيع،، تخيلي جيبي قطعة منديل،،وشقي شوي منها،،

وششدييها،،بتلاحظين الشق يكبر ويزيد،،وهذا الشي اللي يخليهم ماينصحون في التوسيع

لان التوسع ممكن يوصل للشرج،،ويسبب مشاكل مع الاخراج،،

فا انا قالو لي،، احنا مانحط فبالنا اننا بنسوي توسيع،،وتكون يدنا وفيها منشفه حاره

على المنطقه،،ونساعدها تتمدد،،ولو حسينا انهامشدوده مرره ووممكن تتمزق

ويصير لتمزق عشوائي بنسوي توسيع،،

والله يابنات قرريت برضه اشياء كثييييييره،،

ومن جد اقتنعت ان التوسيع ماهو كويس،،

وسألت امي قالت لي يابنتي جبت عيالي كلهم بدون توسيع،،

ولاخياطه،،واطلع من النفاس زي ماكنت،، اهم شي التغذيه الكويسه،،

وبرضه دكتورتي تقول هالحكي،،تقول انا ولدت ست مرات،، وعايشه طبيعي،،

بس اول اسبوعين تكون المنطقه مترهله،،مع التغذيه الكويسه،، ترجعين زي ماكنتي،،

وبدون الاام مو زي التوسيع والخياطه،،

صراحه انا اقنعني كلامها،،وفعلا سبحان الله المنطقه مهيأه لهالشي،،

نصحتني بتمارين كيجل وقالت تساعدك تتحكمين بعضلاتك وتصير مرنه،،
اقتباس مشاركة  (el qalb el tayeb)
بنات قبل سنه كتبت قصه ولادتي
في بريطانيا وبصراحه العنايه هنا ممتازه
كل واحده حالتها تختلف عن التانيه بدليل اني بكر وولادتي كانت سهله ولم احتاج خياطه او توسع والحمدلله لم اشعر بتغيير في علاقتي مع زوجي وبشهادته
ومن الناحيه الاخري اخت زوجي في ولادتها الاتنين احتاجات توسع وخياطه لانهم اضطرو يشفطو راس البيبي
اللي عايزه اقوله انكو تتوكلو علي الله عليكم بالدعاء واكل التمر مفيد وحذاري من الامساك وكمان المشي لمسافات طويله وفي الاخر الجماع له فوائد لسهوله الولاده
وبس ربنا يسهل ولادتكم وتقوموا بالسلامه


جزى الله الأخوات جميعهن خير الجزاء ورزقنا وإياكن الذرية الصالحة ..

آمل منكن عزيزاتي إثراء الموضوع بما يمكن أن يفيدنا جميعاً ..

تقبلن دعواتي وتحيتي ..
سبحان الله وبحمده ، سبحان الله العظيم


لئن ماتوا ..فقد أدوا الـمهمة
وخلف مماتهم يا كفر ..أمة
02-09-1430 هـ, 11:30 مساءً
انا دكتورتي ما تشق ابد الا في الحالات الحرجه بس تقول 99% الوحده ماتحتاج شق لان الولد بروحه يشق له درب

انا و اختي و بنت خالتي كلنا والدين عند نفس الدكتوره ولا احتجنا الحمدلله
B]

03-09-1430 هـ, 02:21 صباحاً
ما شاء الله أختي .. marawi81
الله ييسر لك ولادتك جميع ..


ننتظر مشاركات البنات
سبحان الله وبحمده ، سبحان الله العظيم


لئن ماتوا ..فقد أدوا الـمهمة
وخلف مماتهم يا كفر ..أمة
03-09-1430 هـ, 03:41 صباحاً
up
سبحان الله وبحمده ، سبحان الله العظيم


لئن ماتوا ..فقد أدوا الـمهمة
وخلف مماتهم يا كفر ..أمة
03-09-1430 هـ, 03:55 صباحاً
الصراحه شي يخوووووووووووف

مشكوره ياعسل ع الموضوع









اضغطي على الصوره لمعرفة لماذا حذف توقيعك .
03-09-1430 هـ, 07:21 صباحاً
بصراحه موضوع مفيد و كان شاغل بالي لي فتره
مشكوووووره
03-09-1430 هـ, 08:04 صباحاً
كل الامهات فالسابق كانوا يولدون فالبيوت وبدون جراحات وخياطات ماشاءالله
03-09-1430 هـ, 08:40 صباحاً
موضوع مفيد ويخووف لكن ما منه مهرب

انا ولادتي الاولي عملت لي الممرضه شق بالمشرط وتفتق من جهة الفخذ مع الولاده لاني كنت والده بالثامن وكانت بنتي تعبانه ما تدفع وجلست شهر اتعالج من التهابات الخياطه والمنطقهصارت فيها انحرافات غريبه ... ما قول الا حسبي الله ونعم الوكيل .
(((اللهم صلى وبارك وسلم على اشرف خلقك سيدنا وحبيبنا محمد )))
بأبي انت وأمى يارسول الله
04-09-1430 هـ, 12:41 صباحاً
up
سبحان الله وبحمده ، سبحان الله العظيم


لئن ماتوا ..فقد أدوا الـمهمة
وخلف مماتهم يا كفر ..أمة
04-09-1430 هـ, 01:11 صباحاً
يعطيكم العافية اخواتي الي ردوا
وننتظر الباقيين ..
تكفون بنات نبغى تجارب .. توجيهات .. أي معلومة تعرفونها عن الموضوع
وإذا ما فيه ارفعوا الموضوع عسى تقراه وحدة تعرف شيء وتفيدنا ..


جزاكم الله خير
سبحان الله وبحمده ، سبحان الله العظيم


لئن ماتوا ..فقد أدوا الـمهمة
وخلف مماتهم يا كفر ..أمة


الساعة الآن 03:21 .

جميع الحقوق محفوظة - عالم حواء - 2015