25-08-1430 هـ, 04:02 صباحاً
صبحكم ومساكم الله بالرضا والعافية

ودي بنصيحتكم ياأخوات

انا أمي الله يرحمها ويسكنها الجنة توفت من سنتين وكنت متعلقة فيها لدرجة ماتتخيلونها ومااقدر أوصفها

كنت آخر العنقود ومدللة والبنت الوحيدة مع اخواني الله يخليهم

من بعدها كرهت كل شي والحياة ماعاد لها قيمة عندي حتى اني كنت في النفاس واهملت ولدي مره

وجاني اكتئاب حاد وصرت ماأكل وتدهورت حالتي رحت دكتور نفسي وعطاني مضاد اكتئاب بروزاك

بصراحة تغيرت شوي وبديت ارجع طبيعية يعني حتى لو حزينة بس حزن طبيعي مو مثل قبل

بس العلاج خلاني اسمن 15 كيلو وصرت باردة مرة مافي شي يهمني استمريت عليه 6 شهور

بعدين استعنت بالله وتركته وصرت اقرأ قرآن والحمدلله احسن من أول بكثير لكن تجيني دايم ضيقة

واسهر ليالي وانا اتذكر كل شي من وانا صغيرة لين أخر مرة شفتها

ساعدوني يااخوات والله اكتب وانا دموعي تنزل للأسف ماعندي اخوات اشتكي لهم واعتبرتكم اخواتي

غير الحزن وفقد أمي الله يرحمها احس بغربة مافيه احد اثق فيه واشتكي له او علي الأقل استشيره

بأي شي يمر علي في حياتي ماعندي الا اخواني متزوجين ولاهين في حياتهم الله يوفقهم

ومااقول الا الحمدلله علي الصحة والعافية لأولادي ولي وزوجي

ودي بمشورتكم ارجع اخذ ادوية اكتئاب علشان اصير مبسوطة وماتتأثر حياتي مع اولادي وزوجي

ولا اقاوم الحزن والضيقه طيب كيف وش المفاهيم اللي لازم اقتنع فيها وتخفف عني وتراني مداومة

الحمد لله علي الصلاة

انتظر نصايحكم وجزاكم الله كل خير

ماادري اذا كان الموضوع في القسم الصحيح؟؟؟
25-08-1430 هـ, 08:11 صباحاً
الله يرجع البسمه لشفاهك يااختي

وان شاءالله يارب البنات يساعدونك
25-08-1430 هـ, 09:12 صباحاً
لاااااااااا لاتآخذينها
استغفري وادعي وصلي قيام الليل وابكي فيها وادعي وتذللي للي خلقنا وماراح ينسانا
اسمعي رقيه شغلي سورة البقره في البيت اقري القرآآآآآآآآن استمري عليه لاتقطعينه
سافري غيري جو اطلعي مشي عيالك انتبهي لبيتك وزوجك خلي املك بالله كبير
ثقي بالله ثقه كبيره انه راح يغير حياتك للآحسن
والله يشفيك ياقلبي ويعافيك
استغفر الله العظيم وإتوب اليه
اللهم آجرني في مصيبتي واخلف لي خيراً منها
25-08-1430 هـ, 11:16 مساءً
الله يشفيك يارب ويشفيني ويشفي جميع مرضى المسلمين
اللهم صل وسلم على نبينا محمد وآله وصحبه الطيبين الطاهرين



26-08-1430 هـ, 03:37 صباحاً
ياأختي بقولك نصيحة اتبعيها وتشوفين العجب وهي سهلة
بعد كل صلاة لاتقومين من سجادتك أستغفري الله بطريقة ( أستغفر الله واتوب اليه) أستغفري 200 مره واذا استغفرتي بعد كل صلاة بيصير استغفارك باليوم الف مره .. وان شاءالله بتشوفين العجب وربي لك الحمد انا عندي هم ومشاكل وتطلقت فالملكة ووربي الأستغفار يمحي همومي .. وإذا حسيت بالضيقة احط يدي على صدري وقلبي اقول وينها الضيقة ماأحس بشي كبير وربي لك الحمد وماشاءالله انها تريح فعلا ... صدقيني جربيها وشوفي واستغفري بنية شفائك وان الله يهدي قلبك ويريحه .. اذا شفتي نتيجة ادعيلي بأن الله يعوضني بأخير من اللي راح وتركني ويرزقني ..
26-08-1430 هـ, 05:23 صباحاً
اختي كذا الدنيا تمشي لازم الموت يجي وخليها عظه وعبره لك ان الدنيا زائله وكلنا ماشيين بهالطريق
انا امي زيك توفت بس كان عمري سنتين اختلف عنك
ولا عندي لا اخوات ولا اخوان وماشيه بهالدنيا,, الله يفرج همك يارب
26-08-1430 هـ, 06:34 صباحاً
يارب يفرج همك ويزيح عنك هالهم والغم ياقلبي
26-08-1430 هـ, 06:56 صباحاً
كل نفس ذآئقة آلموت

وآلدنيــآ حزن وسعـآده

وآنتي آللي تتحكمين فيهم

يآتقآومين آلحزن بآلسعآده آو عيشي حزينه طول عمرك

يآجنه يآنـآر
مآفي حل آوسط بينهم

فكري
آيش تختآرين ؟؟
آمك آلله يرحمهآ ويغمد روحهآ آلجنه توفت
وآنتي رآح تتوفين
وآنآ رآح آتوفآ

يعني بآختصآر هي سنة آلحيآة

مضآد آلآكتئآب خطر جدآ
آنتبهي وآنتي بنفسك قلتي مآصرت آحس بشي
مع آلآيآم رآح تتعودين عليه آو بآلآصح تدمنين عليه

.
.
.

ترآ آلدنيآ حلوه ومآفي سبب يخليك تحزنين لآن كل شي فـآني
كل شي بيروح
كل شــــي

فكري مع نفسك

" ألى متى بضل حزينـه ؟؟ "

تقربي من ربك
كل مآضقت فيك آلوسيعه مسكي كتآبه آلطآهر وآقري بتدبر
وآنآ آقولك بثقه آنك رآح تسكرينه ونفسك مطمئنـــــــه

.
.

]

يـآلبىآ آلقصمـآن

آعشقهم .. !


]
26-08-1430 هـ, 07:46 صباحاً
حبوبه انا مثلك عندي اكتئاب وبعطيك معلومه
لما تشربين العلاج لازم تواصلين معه ليما الدكتور هو بنفسه يقطعه عنك
اني استخدم العلاج والحمد الله وضعي احسن من اول
واي سؤال اني حاضره

لاتنسو الاستغفار
أستغفر الله
26-08-1430 هـ, 07:53 صباحاً
اختي
خلي ايمانك بالله قوي
انتي بس فكري ان هذي نهايتنا هذا طريق وبينتهي ولاحد يدري متى ينتهي كلن وأجله
هذي ماهي دار الخلوووود وكلنا بنموت
عيشي حياتك ياعمري امك لوهي عايشه ماراح يعجبها حالك
اللي بيفيد امك وبتفرح فيه دعائك لها فقط

((إذا مات ابن آدم انقطع عمله إلا من ثلاث: صدقة جارية، أو علم يُنتفع به، أو ولد صالح يدعو له))

حبيبتي بري بأمك بدعائك لها وخلي عنك الحزن عيشي حياتك
وانتبهي ترجعين لأدوية الاكتئاب ترى هي اللي تجيب الاكتئاب خلي دواك القران وسجادتك
انا مالووومك على حزنك وربي ماتنلامين لكن خلاص ارضي بقضاء الله

الله يسعدك ويسهل امورك


الساعة الآن 04:32 .

جميع الحقوق محفوظة - عالم حواء - 2015