السعودية - الرياض
السودانيةحلاوة دلكة
ام هبةسودانية معروفة بالنت يمدحاالكل ابحثي وتاكدي تخليك لمبةوحمام بخار
السعودية - الرياض
تجهيز ألقهوه ومشتقات
بشكل يومي للمنازل والمدارس والاستراحات مع رسوم التوصيل وانواع الحلويات
           
           
إضافة رد
 
أدوات الموضوع انواع عرض الموضوع
قديم 21-08-1430 هـ, 04:07 صباحاً   #1
don

عضوة مميزة
 
تاريخ التسجيل: 03-03-1426 هـ
المشاركات: 10,006



النخبة 3
النخبة 3


ملف رمضانى خفيف














بسم الله الرحمن الرحيم
كل عام وانتم بخير بمناسبة قرب حلول شهر رمضان


وان شاءالله كل عام متجمعين مع بعض فى هذه الايام المباركه الجميلة
ملفنا ده ان شاءالله يكون مش متكرر احنا سبق ونزلنا ملف كامل عن تفريز كل الاطعمه بالصور ونزلنا ملفات عن مشتروات رمضان ونزلنا بعد القوائم الرمضانية اليومية وللعزايم وممكن الرجوع للملفات فى اى وقت ده غير طبعا باقى الملفات اللى كتبوها اخواتنا فى المنتدى ماشاءالله كفت ووفيت


الملف ده فيه بس حاجات بسيطه جدا للتفريزر بشوفكم دايما بتسئلوا عليها
وفيه بعض الامثله لوجبات يومية بسيطة
لو اخدتوا بالكم حتلاقوا المقادير بتاعتها قليلة وبسيطة جدا ودى طريقه من طرق الشيفات اللى بيعلموها للطلبه قسم المطبخ وانا كتبتلكم مثلا القايمة وكتبت معاها الطرق وان شاءالله تقروهم وتحاولوا تنفزوها بدل ما كل يوم نقول حناكل اية وده برضه مش حيخلينا ننسى السحور ومعلش استعنت من جوجل ببعض الصور اللى ممكن توضحلكم اسم الطبق








don غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




21-08-1430 هـ, 04:15 صباحاً
#2
**حفظ البطاطس المحمرة **

1) هاتى كمية البطاطس وقشريها وقطعيها صوابع
2) ضعى البطاطس فى طبق فيه ماء وملح
3) فى زيت غزيرحمرى البطاطس نصف تحمير وشيليها وضعيها على الورق
الخاص بمتصاص الزيوت
4) ثم ضعيها فى اكياس نايلون وضعيها فى الفريزر
5) عند الاستخدام طلعيها من الفريزر واقليها فى الزيت بالطريقه العادبة

حفظ القطايف


اذا كنتى حتشتريها او حتعمليها فى البيت تحشيها بالمكسرات او بالجبنة او بالعصاج
وترصصيها فى طبق فويل وتغلفيها كويس بكيس نايلون وتدخليها الفريزلر وعند الاستخدام
نخرجها قبلها بساعه ونحمرها فى الزيت ونضعها فى الشيرة وتقدم


حفظ البيتسا


بعد مانعملها ونضع الحشو عليها وبعدين الجبنة المبشورة نضعها فى كيس نايلون
وندخلها الفريزر وعند الاستخدام نطلعها وندخلها الفرن حوالى ثلث ساعه






حفظ الخبز


ممكن نفرزن الخبز الفينو او الشامى او البلدى ممكن سليم وممكن نقطعه ارباع
ونضعه فى كيس نايلون محكم الغلق وقبل الاسخدام بساعه نطلعه


حفظ الفطير المشلتت


نضع الفطير فى اكياس نايلون محكمه بس يكون بارد ونضعه فى الفريزر وقبل
الاستخدام بساعه نطلعه وبعدين نسخنه فى الفرن






حفظ الكانيلونى


بعد مانعمل الاقراص ونحشبة بالحمة المفرومة ونلفه نضعه فى طبق فويل ونغلفه
بالنايلون وندخله الفريزر وعند الاستخدام نضعه فى الصينية ونضع عليه عصير الطماطم
والجبنة المبشورة وندخله الفرن






حفظ عصير الليمون


نشترى كمية من الليمون ونغسله وننشفه


نعصره كله وبعدين نضعه فى قوالب التلج لحد ما يجمد وبعدين نشيل المكعبات
ونضعها فى كيس نايلون فى الفريزر


حفظ الفلفل الرومى

لازم يكون الفلفل طازة نغسله ونجففه ونشيل البزور ولعدين نفرمه بالمفرمة
ونضعه فى علبة بلاستيك وعليها شوية ملح ثم نغلفه بالنايلون ونضعه فى الفريزر


رد مع اقتباس
don غير متواجد حالياً  



21-08-1430 هـ, 04:34 صباحاً
#4

السحور
اومليت بالفول المدمس
جبنة بيضاء
شرائح طماطم بالملح والكمون – خيار
زبادى بالمربى


الافطار
كوب خشاف
سلطة تبوله
شوربة منى استرونى
كوسة بالبشاميل
دجاج رستو
ارز معمر بالمكسرات


طريقه عمل سلاطة تبولة
250ج برغل – بصل اخضر مفروم - بقدونس مفروم – مكعبات بصل
– مكعبات طماطم – زيت زيتون – ملح وفلفل وكمون

ينقع البرغل فى قليل من الماء وكلما امتص الماء يوضع مره اخرى ماء
حتى يصبح البرغل لينا
يضاف اليه البصل والبقدونس والطماطم وقليل من زيت الزيتون وملح
وفلفل وكمون ويقلب الجميع ويقدم

طريقة عمل شوربة خضار منى استرونى
ثمرة كوسة مكعبات – ثمرة بطاطس مكعبات – 3 معالق كبيرة بسلة
– قطع صغيرة فاصوليا خضراء- 4 كوب شوربة لحم او دجاج –
معلقة ذبدة – كوب كبير عصير طماطم – مكرونة صغيرة الحجم

نضع فى حلةعلى النار نص معلقة ذبدة ونضع فيها الكوسة والبطاطس
والفاصوليا ونقلبهم قليلا ثم نضع الشوربة وملح ونغطى الحلة ونتركها
على النار
قبل تمام السوى بقليل نضع فى الحله كوب عصير الطماطم
نحمر المكرونة فى نص معلقة ذبدة واول ما لونها يبتدى يبقى احمر
او وردى نضعها فى حله الشوربة
عندما تستوى كل محتويات الشوربة تقدم ساخنة فى الحال
ملحوظة
تعتبر هذه الشوربة من اشهر اطباق الشوربة

طريقه الكوسة بالبشاميل
2 كيلو كوسة – لحم مفروم معصج بصلصة الطماطم – بشاميل

نقطع الكوسة خلقات سميكة ونسلقها بماء وملح ثم تصفى من ماء السلق
ندهن صينية بقليل من البشاميل
ثم نضع 3 معالق لحم مفروم معصج بصلصة الطماطم على الكوسة المسلوقه ونقلب ثم نفرد نص مقدار الكوسة
بالصينية ونضع عليها مقدار من العصاج بالصلصة ثم نضع باقى مقدار الكوسة المسلوفة
ويفرد سطح الصينية ثم نضع طبقة من البشاميل على الوش ويساوى الوش
نضع على الوش بيضة مضروبة وتفرد ويرش على السطح جبنة رومى مبشورة
نضع الصينية فى الفرن الى ان يحمر الوش

دجاج رستو
دجاجة – بصل – جزر – بطاطس ملح وفلفل

تغسل الدجاجة ةتجفف من الداخل
نضع الجزر و البصل والملح والفلفل وعصير الليمون مع بعض ثم نحشى بهم الجاجة وتكتف
تفرش صينية بشرائح البصل والبطاطس و الجزر وملح وفلفل وكوب صغير
من الماء الساخن
ثم نضع الدجاجة على سطح الخضروات وتغطى الصينية بالفويل وتدخل فرن حامى
عند نضج الدجاجة ينزع الفويل ثم تعاد مرة تانية الى الفرن على الرف العلوى لتحمير الوش
بعد ماتحمر الدجاجة ننشل الدجاجة ونضع الخضار اللى فى الصينية فى سيرفيس التقديم ونضع
الدجاجة على الخضروات


ارز معمر بالمكسرات
½ كيلو ارز – مكسرات – كوب صغير سكر - 2
معلقة سمن او زبد – ¼ معلقة فانيليا – حليب

نغسل الارز وننقعه فى ماء لمدة 10 د
ثم يصفى من الماء ويوضع فى برام او طبق بايركس ونضع عليه مجموعه من المكسرات
المجروشة ويقلب
نضع فى حلة كمية من الحليب تغطى كمية الارز و الفانيليا وكوب السكر والسمن او الزبد لحد
ما الخليط يغلى جيدا ثم نضعه فى البرام على الارز ويقلب قليلا ثم يغطى البرام بالفويل ونضعه فى
ارضية فرن حامى
بعد مايتشرب الارز الحليب ويتم النضج تنزع الورق الفويل ثم يرفع البرام الى الرف العلوى فى الفرن
ليتم تحمير السطح


رد مع اقتباس
don غير متواجد حالياً  



21-08-1430 هـ, 04:35 صباحاً
#5
ماشاءالله مواضيعك قمه دائماً


رد مع اقتباس
بنت نوره والنعم غير متواجد حالياً  



21-08-1430 هـ, 04:49 صباحاً
#6
2

السحور
فول مدمس بالطحينة والزيت والليمون والبقدونس المفروم
بيض اسكلامبل
جبن ابيض
شرائح خيار

طريقه البيض
يخفق البيض بمعدل بيضة لكل فرد ونضع عليه معلقتين من الحليب البارد لكل بيضة وملح
نضع فى مقلاية على النار ذبدة وعندما تحمى نضع خليط البيض المخفوق مرة واحدة ويتم الخفق بالشوكة على النار الهادئة مرة واحدة حتى يشتد ويتماسك ويقدم بعد ذلك فى الحال

الافطار
عصير برتقال
سلاطة الخرشوف
شوربة البصل
صدور دجاج بالقشدة
صينية مكرونة بالبشاميل
كنافه تركى بالمكسرات

طريقة سلطة الخرشوف
شرائح فلفل -باكيت خرشوف مجمد – 3 معالق زيت زرة- ثوم مهروس – بصل شرائح – بقدونس مفروم – شرائح طماطم – عصير ليمون او خل

نغسل الخرشوف بالماء الساخن ثم يصفى من الماء
نحمى الزيت على النار ثم نضع الخرشوف وباقى المقادير مع التقليب لحد مايندمجوا ويتشوحوا

طريقة شوربة البصل
2 بصلة شرائح رفيعه – 4 كوب شوربة دجاج – فنجان بشاميل
نضع معلقة ذبدة على النار ونشوح فيها شرائح البصل الرفيعه لحد ما يدبل البصل
يضاف اليها الشوربة الساخنة ونترك المقدار على النار لحد مايستوى البصل
يضاف الى الشوربة كوب بشاميل مع التقليب المستمر على النار
ثم نطفى النار وتغرف

شرائح صدور الدجاج بالقشدة
4 صدور دجاج مسلوق ومقطع شرائح – فنجان قشدة طازجة – معلقة ذبدة – 2 قرن فلفل رومى احمر واخضر – 250ج مشروم – ملح وبهارات

نغسل المشروم من ماء الحفظ ويقطع شرائح
نضع الذبدة على النار وبعد ماتسخن نضع المشروم يقلب على النار حتى يشتد
ثم يضاف شرائح الفلفل الاحمر والاخضر ويقلب مع المشروم قليلا
تضاف شرائح الدجاج الى المشروم والفلفل ويقلب الجميع معا على النار قليلا وتضاف القشدة وتخفض الحرارة ويغطى الوعاء ويترك على النار لمدة دقيقتين
يوضع فى طبق التقديم ويقدم فى الحال



صينية المكرونة بالبشاميل

كيس مكرونة قلم – صوص بشاميل - لحم مفروم معصج – بيضه مخفوقة للوش- جبن رومى او فلامنك مبشورة
نسلق المكرونة ونصفيها من الماء
نضع عليها 3 معالق صوص بشاميل و 3 معالق عصاج ونقلبهم كويس
ندهن صينية بالبشاميل ونضع نص مقدار خليط المكرونة ويفرد
ثم يضاف باقى خليط العصاج ويفرد على سطح المكرونة
يغطى بباقى المكرونة وتفرد ثم يضاف باقى البشاميل ويفرد ونساوى السطح
نضع البيضة على سطح الصينية وتخطط بالشوكة
يرش السطح بالجبنة المبشورة وندخلها الفرن لحد ماتستوى والوش يحمر
تترك تهدء حرارتها اولا ثم تقطع



كنافة تركى بالمكسرات
½ كيلو كنافة – شيرة تقيلة – مكسرات مجروشة زيت زرة – سمن جاموسى او زبد

نضع الكنافة فى صاج فرن ثم يرش عليها ½ كوب زيت ذرة وتنزع شعيراتها عن بعضها ثم توضع فى فرن متوسط الحرارة
تسحب صاج الكنافه من الفرن ويرش على السطح بضع ملاعق من السمن الجاموسى او الذبد المقدوح وتقلب الكنافة وندخلها الفرن تانى لحد ما تحمر
نسحب الكنافة من الفرن وتوضع فى مصفاة كبيرة ويرش عليها شيرة باردة
نضع على الكنافة مكسرات مجروشة وممكن وضع فواكه مسكرة
توضع فى سيفيس التقديم على هيئة هرم وعند التقديم تغرف فى اطباق


رد مع اقتباس
don غير متواجد حالياً  



21-08-1430 هـ, 05:13 صباحاً
#8
3
السحور
بيتزا بالخضروات والحمبرى
الفطار
خشاف رمضان
شوربة الملوخية
سلاطة الذبادى
رولات الدجاج
ارز اخضر
صينية بطاطس فرنسية
الحلو قمر الدين مطبوخ
شوربة الملوخية
½ كيلو ملوخية – كوب عصير طماطم – ملح ثوم مهروس كزبرة ناشفة بصلة مبشورة
نغسل الملوخية ونقطف اوراقها ونفرشها كالمعتاد فى الهواء
نضع حلة على النار ونضع معلقة سمنة وبصلة مبشورة وفص ثوم مهروس ونقلب الجميع معا على النار حتى الاصفرار ثم تضاف معلقة كزبرة ناشفه وتقلب قليلا
يضاف كوب عصير طماطم وعند الغليان لمدة دقيقتين يضاف 4 كوب شوربة وقليل من الملح
وعند الغليان جيدا تضاف الملوخية وتقلب على نار هادئة لحد الغليان وتغرف كطبق شوربة جديد

سلاطة الذبادى
يقلب كوب ذبادى فى وعاء ونضع عليه ملح وكمون وعصير ليمون وفص ثوم مهروس ويقلب جيدا وتغرف وتجمل بالبقدونس او النعناع
رولات الدجاج
4 صدور دجاج – بصلة مبشورة – معلقة ذبدة – عصير ليمونة – عصير بصلة – ملح وفلفل
للحشو
2 معلقة كبيرة بقدونس مفروم – 2 معلقة كبيرة كرفس مفروم – 2 فص ثوم مهروس
نفرد الصدور ونضربهم قليلا بايدنا ونتبلهم بالملح والفلفل وعصير البصل وعصير الليمون
نضع مقدار من الحشوة على طرف كل شريحه ونلفها زى الرول ونقفلها بالخلة ونكرر مع باقى الصدور
نضع فى مقلاية على النار معلقة ذبدة لحد ماتسخن ثم نضع بصلة مبشورة حتى الاحمرار ثم نضع فنجان ماء ساخن وملح وفلفل
نرص رولات الصدور فى المقلاية وتترك على نار هادئة لحد ماتستوى
بعد ماتستوى وتنشف الماء نحمرها فى المتبقى فى الصينية وبعدين نشيلها
بعد ماتبرد شوية نسيل الخله ونقطعها حلقات وتقدم
قمر الدين مطبوخ
ننقع القمر الدين ليلة كاملة لحد ما يطرى ونضربه فى الخلاط
او نضع القمر الدين فى ماء مغلى على النار لحد ما يسيح نتركه يبرد ونضربه فى الخلاط
نضع النشا فى كوب ماء ونقلبه حتى الزوبان
نضعه على النار ونضع له السكر الكافى للتحليه وعند الغليان نضع النشا المزاب فى الماء مع التقليب المستمر لحد مايتخن ويصبح غليظ القوام
نغرفه فى اطباق التقديم وعندما تهدء حرارته نضع على الوش مكسرات مجروشة ويترك ليبرد فى التلاجة
صينية بطاطس فرنسية
كيلو بطاطس – بصلة كبيرة – 3 معالق بقدونس مفروم
تقطع البطاطس تر****ت وتغسل بالماء
نقشر بصلة كبيرة ونقطعها تر****ت ونرشها ملح وفلفل وندعكها بالايد
ثم نضاف اليها البقدونس المفروم وتضاف البطاطس ويقلب الجميع جيدا
نضع المقدار فى صينية ونضع على الوش ¼ كوب صغير زيت زره
ثم نضع ماء ساخن يغطى سطح البطاطس نغطى الصينية بالورق الفويل ونضع الصينية
على النار لمدة 5 د ثم نضع الصينية فى الفرن حامى لحد ماتستوى
ارز اخضر
½ كيلو ارز – 4 معالق كبيرة ارز – بقدونس مفروم
نغسل الارز ونضع فى الحلة 4 معالق كبيرة زيت ويضاف الارز ويقلب على نار هادئة
فى وعاء اخر على النار نضع 2 معلقة كبيرة زيت لحد مايسخنوا ثم نضع فنجان بقدونس مفروم ونقلبهم لحد ما يدبل ثم نضع ماء كافى لنضج الارز وملح ولما الماء يغلى جدا نضعه على الارز فى الحلة التانية ونقلبهم ونتركه على النار لحد مايشرب الماء نوطى النار ونقلب ونكمل السو


رد مع اقتباس
don غير متواجد حالياً  



21-08-1430 هـ, 05:20 صباحاً
#9
4
السحور
فول مدمس بالذبدة
بيض اومليت ببقدونس مفروم
ذبادى بالفواكهه
الفطور
شوربة الجمبرى
سمك بانية بالمشروم
ارز بالجمبرى
سلطة طحينة
الحلو كاستر بالفراولة
شوربة الجمبرى
نصف ك جمبري مقطع صغير- ملح وفلفل – زيت – زبده –ربع كوب كريمة لبانى – عصير ليمون
نتبل الجمبرى بالملح والفلفل
نشوح الجمبرى فى حتة زبدة ومعلقة زيت على نار هادية لحد مايصفر
نضع شوية ماء حوالى نص كوب لحد مايغلى
ثم نضع الكريمة تغلى حوالى 5 دقايق حتتقل وتغرف فى الحال
سمك بانية بالمشروم*
كيلو سمك بانية – ¼ كيلو فاصوليا بيضاء – 3 معالق زيت زرة – شرائح مشروم معلب – ملح وفلفل
نتبل السمك كالمعتاد ونتركه جانبا
نسلق الفاصوليا البيضاء ونصفيها من الماء
نضع حلة على النار فيها 3 معالق زيت لحد ما يحمى ثم نشوح المشروم فيها ثم نضع عليه الفاصوليا و معلقة كزبرة خضراء مفرومة وملح وفلفل ثم يقلب الجميع على نار هادية
نضع فى الحلة 3 معالق كبيرة ماء ونقلب تقليبة ونطفى النار
ندهن الشواية بالزيت ونضع شرائح السمك تتشوى على الناحيتين فقط دقيقتين
نضع خلطة الفاصوليا والمشروم فى طبق ونرصص شرائح السمك عليها ويقدم ساخن فى الحال
ارز بالجمبرى*
½ كيلو جمبرى صغير – ملح وفلفل – ثوم مهروس – 4 معالق زيت زرة – ½ معلقة صغيرة او زعفران – بصلة مبشورة – ½ كيلو ارز
نغسل الجمبرى ونقشره ونتبله ملح وفلفل وثوم مهروس ونسويه على البخار
نغسل الارز ونقلبه فى 4 معالق زيت زرة على النار ثم نضع عليه ماء ساخن كافى للتسوية
ويضاف اليه ½ كوب صغير ماء مذاب فيه نص معلقه صغيرة كارى او زعفران وبصلة مبشورة وملح ويقلب الجميع ثم يغطى الحلة ويترك على النار
اول ما الارز يشرب الماء نضع الجمبرى على سطح الارز ويغطى حتى يتم تسوية الارز
يغرف الارز ومعه الجمبرى ويجمل الطبق بشرائح من الفلفل والخضرة المفرومة
كاستر بالفراولة
كيلو حليب – 250ج فراولة مضروبة فى الخلاط – 3 معالق كبيرة مسحوق كاستر – سكر
1- نضع الحليب على النار مع سكر كافى لتحليته
2- عند غليان الحليب نضع الفراولة المضروبة
3- نذوب مسحوق الكاستر فى كوب ماء كبير ثم نضعه على الحليب اثناء الغليان مع التقليب المستمر على نار هادية حتى يصير الكاستر غليظ القوام ثم يوضع فى قوالب صغيررة او قالب الجيلى الكبير ويوضع فى الثلاجة


رد مع اقتباس
don غير متواجد حالياً  



21-08-1430 هـ, 05:31 صباحاً
#10
5

الافطار
مشروب قمرالدين
سلاطة خضراء*مكونه من خضروات طازجة وتتبل بالملح والفلفل والكمون وعصير الليمون*
شوربة بانية
لحم ستيك ستيك بريزية
خضار سوتية
ارز بالخلطة ارز اسبنيولى
الحلو كنافه بالموز
السحورفول مدمس بالفول والزيت والليمون والكمون
جبنة بيضاء مهروسة ومضاف لها بقدونس مفروم وطماطم وزيت زيتون
شرائح خيار
طريقه عمل الشوربة بانية
كوب حليب – 4 كوب مرقه دجاج او لحم – قلب رغيف فينو(صامولى) كبير
1-ننقع لب الرغيف فى كوب حليب ساخن لمدة نص ساعه او اقل لحد اللبابة ماتطرى
نضع المرقه على النار لحد ماتغلى كويس
2- نهرس بالشوكة اللبابة فى كوب الحليب كويس ثم نضعها فى المرقه على النار ونهدى النار مع التقليب المستمر بسرعه حتى نحصل على الشوربة المطلوبة
ملحوظة
تعتبر الشوربة بانية بطعمها اللذيذ ورائحتها المميزة من ارقى و اغلى انواع الشوربة فى المطبخ الفرنسى
طريقه عمل اللحمة ستيك بريزية
كيلو لحمة بقرى من الفخدة تقطع شرائح – بصلة مكعبات – كوب دقيق – زيت ذرة – ملح وفلفل – كوب ماء
1-نضع الدقيق على اللحمة ونقلبهم كويس
2- نحمر اللحمة فى قليل من الزيت
3- نرص اللحم فى صينية
4- نحمر البصلة المكعبات فى نفس الزيت اللى حمرنا فيه اللحمة ثم نضع عليها كوب الماء وملح وفلفل واول ماتغلى نضعها على اللحمة فى الصينية
5 – نغطى الصينية بالفويل ونضعها على النار لحد ماتغلى
6- ثم نضع الصينية فى الفرن لحد ما اللحمة تستوى
يقدم فى طبق التقديم ونضع الصوص على وش اللحمة
طريقه عمل الارز بالخلطة
½ كوب ارز – ¼ كوب صغيرزيت زره – شرائح زيتون اخضر مخلل – جزرة مبشورة – قرن فلفل رومى – بصله شرائح
1- نغسل الارز
2- نضع الزيت فى حله لحد ما يحمى ثم نضع الارز ونفلبه على نار هادية لمدة 5 دقايق ونضع عليه ماء مغلى لحد سطح الارز مع الملح ويغطى
3- نضع فى مقلاية قليل من الزيت ثم نشوح فيه الجزرة والبصلة والفلفلة الرومى ونقلبهم مع بعض تقليبتين
4- لما الارز يشرب الماء تماما نفلبه ونهدى النار ونضع على وش الارز خليط الخضروات والزيتون الاخضر ونغطى الاناء
5- بعد ما الارز يستوى وقبل الغرف نقلب الارز بالخليط اللى على الوش ويقدم
طريقه عمل الكنافه بالموز
½ كيلو كنافه – كوب صغير زيت زرة – شرائح موز – جوزهند مبشور
1- تقطع الكنافه قطع صغيرة ونرش عليها الزيت ونفركها كويس
2- ندهن صينية بالزيت ونضع نص مقدار الكنافه ونفردها كويس ونرصص الموزعليها ونرش رشة جوزهند
3- نضع نص الكنافه التانى ونضغط عليها ونرش على الوش رشة زيت
4- ندخلها الفرن لحد ما وشها يحمر تطلعيها وتقلبيها على طبق وتدهنى الصينية تانى بالزيت وتحطى الكنافة وترشى الوش بالزيت وتدخليها الفرن لحد ما الوش يحمر
5- بعد ماتطلع من الفرن تسقيها بالشيرة الباردة ولما تبرد قطعيها


رد مع اقتباس
don غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 02:02 .