السلام عليكم ورحمة الله وبركاته
هذه حشوتين من تجاربي والحمد لله اظبطت معاي واعجبت الاهل والاقارب فحبيت افيدكم فيها وجربوها يابنات
المهم خلونا بالمقادير
عجينه سمبوسه
باذنجان حسب كميه السمبوسه الي تبين تحشينها ممكن ثلاث من الحجم الكبير
2بصل مفروم
3 فصوص ثوم مهروسه _علبه صلصه طماط
بهارات مثل(كاري وكمون وكركم )او حسب الرغبه -حبه ماجي
قليل من الفلفل البارد مقطع قطع صغيره (مفروم)
زيت للقلي
زيت زيتون للحمسه
الطريقه؛
نقشر الباذنجان ونقطعه مربعات ثم يقلى بالزيت ثم يوضع في مصفاه(مشخال استيل) ونصب عليه ماء مغلي حتى نتخلص من كميه الدهن الي فيه (راح تتخلصين من ثلاث ارباع الزيت الي تشرب بالباذنجان بحول الله وقوته)
نحمس البصل بملعقه زيت زيتون وملعقه ماء حتى يذبل البصل ثم نضيف الثوم والبهارات ومكعب ماجي والفلفل البارد ومن ثم الصلصه ممكن ثلاث ملاعق او اكثر حسب كميه الباذنجان بعدين تتركينه يبرد
وهذ بعد ماحطيت الصلصه يعني معجون الطماط:)
وتحشى به عجينه السمبوسه عادي مثل اي حشوه وتسكر الاطراف بعجينه الطحين والماء حتى تلتصق
الاطراف
طبعا تلف مثلثه مثل السمبوسه العاديه
تصف بالصينيه وتثلج عادي وتحفظ بالاكياس بعد ان تجمد
وهذه بعد القلي
وبالعافيه وسامحوني بس والله لذيييذه والي يذوقها عندي يستغرب الفكره وحلاوه الطعم :icon28:
ملاحظه ؛انا قرأت من تجربه اخت هنا ان إذا تبين السمبوسه تتقرمش ولا تشرب زيت
غمسيها بحليب سائل ثم طحين يغلفا من كل الجهات ثم تقلى بالزيت الحار والغزير
ولا تطلع روعه ولا فيها زيت كثير جربوها بالعافيه:)والحين الحشوه الثانيه إن شاء الله بالرد التالي
جولانار (^_^) @golanar_3
محررة ذهبية
يلزم عليك تسجيل الدخول أولًا لكتابة تعليق.
هنـودة
•
عجبتني سمبوسة الجبنة
تسلمين حبوبة
***********
عمل علبة وفراشة:)
http://forum.hawaaworld.com/showthread.php?t=1861765
تسلمين حبوبة
***********
عمل علبة وفراشة:)
http://forum.hawaaworld.com/showthread.php?t=1861765
الصفحة الأخيرة
وهذه حشوه ثانيه لذيذه بالجبن المثلث العادي جرتها واطلعت روعه وسهله باللف وتفضلو الطريقهبالصور
اولا الجبنه عشان تعرفونها وموشرط هذه الماركه اي ماركه ثانيه بس يفضل تستعملين نوعيه تذوب احسن عشان تطلع حلوه بعد القلي
وشوفو اشلون حطيتها بالسمبوسه بالشكل هذا شوفو سهولة اللفه بلا حوسه ولا هم
وهذه بعد القلي
وبس هذه الطريقه
وارجو من المشرفات عدم إرفاق موضوعي مع موضوع السمبوسه لاني نزلت سمبوسه الباذنجان السنه الماضيه ومح استفاد منه اغلب البنات ماتتصفحه لان النت بعظهم مايساعدهم على التصفح وابصراحه موضوع السمبوسه مفيد بس موالكل عنده وقت للتصفح فأرجوكم رجاء حاااااااااااااااار لا تدمجونه ابي آخذ اجر بأكبر كميه من البنات ابيهم يستفيدون
واشكر كم مقدما على تعاونكم معانا وحسن تنضيمكم مشكورين وأجورين وتقبلو مني اختكم جولانار