ماتعرفين للجريش... تحسين شغلته شغله... متحديه انتي واهلك.. زوجك... الخ.... على انك تضبطينه
معي ان شالله تضبطينه... وماتصيرين رفله بعد اليوم.. وتفرحين شيبانك فيها لانهم يموتون عليه حتى الاطفال ... وقبلهم انتي
ماكنت من عشاقه ... بعد ماضبطته ادمنته
يالله اللي حابه تتعلم طريقه الجريش تدخل معي المطبخ
1- من المهم اختيار نوع جريش ممتاز وافضل شي جربته التركي وتجي كيسته صفرا تلقينه عند المطاحن حبته صغيره مره مثل السميد تقريبا وتذوب بسرعه ولاتاخذ وقت على النار
2- قدر الضغط اذا موجود عندك حتى ياخذ وقت على النار
المقادير:
2 كاس جريش مقابل كاس رز مصري يغسلون جيدا ثم ينقع قليلا
بصله كبيره مقطعه صغار+ 2 فص كبير ثوم
دجاج مخلي مقطع او بالعظم اذا حبيتي
يوضع في قدر الضغط سويا ويضاف مكعب ماجي
يضاف مقدار من الماء تقريبا 2 لتر
ويترك 10 دقائق على نار عاليه بدون تسكير قدر الضغط يعني تغطينه فقط
يصفى الجريش من الماء ثم يضاف الى الدجاج
يضاف بكت من الزبده
ثم يضاف لتر من اللبن+1 علبه قشطه
ثم يوضع 3 ملاعق كبيره كمون +وملعقه كبيره ماجي ابيض + ملعقه كبيره كزبره مطحونه ويعدل الملح ويضاف حوالي بياله زيت ونصف ليمون معصوره
يوضع فلفل احمر علب
ثم يسكر قدر الضغط ويوضع على نار هادئه مده ساعه تقريبا ويكون بين القدر والنار حديده حتى مايحترق
بعد الساعه او اقل من الساعه يفتح قدر الضغط يشال الفلفل ويزال العظم من الدجاج او يخرج ويفتت الدجاج ويرجع مره اخرى للقدر ويحرك الجريش بملعقه خشب
ااذ حسيتي انه ثقيل ممكن تضيفين ماء حتى توصلي للسمك المرغوب انا احبه شوي يكون خفيف