الكثير منكم يبحث عن علاج يكون آمن وفعال في تكبير الصدر ... والمعروف إنه الصدر الصغير يكون نتيجة عدم افراز للهرمونات الأنثويه في الدم بالكميات الطبيعيه أثناء فترة البلوغ مما يؤدي إلى إعطاء الصدر الشكل الصغير أو المسطح غير كامل النمو .... لكن في كثير علاجات نجحت في موازنة هذي الكمية من الهرمونات وبالتالي يزيد حجم الثدي .... العلاجات الناجحه الدارجه حالياً ( طبعاً غير الجراحه التجميليه ) هي الكبسولات إلي تحتوي على أعشاب طبيعيه ... بس هذي العلاجات ما تكون متوفره عندنا في الخليج إلى عن طريق الطلب بالبريد ... وطبعاً إذا ضمنتي ما تضيع الفلوس ويا الطلب ... وغير هذا الأسعار الغاليه لهذي العلاجات ... >>>>>>>>> اخلصي :30:
نجي للمهم ... من خلال جولتي لهذي المواقع وقرائتي لتركيبها لقيت إنه أي وحده تقدر تصنع التركيبه في البيت وتلاقي نتيجه فعاله .... لأنه كلها عباره عن أعشاب تعمل نفس عمل الأستروجين الأنثوي ولكن بطريقه طبيعيه وآآآآآآآآآآمنه ....
وعشان تصنعين هذي الكبسولات تحتاجين إلى :
كبسولات الحلبه الروميه
كراويا
شمر
عرق السوس
يانسون
زيت الحلبه
الطريقه
هاتي صحن وفرغي فيه كبسولات الحلبه كلهاااااااااا ... اخلطي كميات متساويه من المقادير السابقه ما عدا الزيت ... وعبي الكميات في الكبسولات الفارغه وسكريهم عدللللل ... تناولي خلال اليوم ثلاث حبات من هذي الكبسولات أو حبتين بعد الوجبات ...
أما الزيت فلازم تاخذين منه 20 قطره في اليوم ثلاث مرات ... تخلطينه مع الأكل أو مع العصير على راحتك ... >>>>>>>>> الزيت ممكن تجيبينه من العطار جاهز أو ممكن تاخذين كميه من الكبسولات تفرغينها في اي زيت طعام وتتركينها تتنقع لمدة عشر أيام ...
طبعاً هذي الطريقه تضمن لنا إنا ما نتأذا من ريحة الحلبه وغير كذا أعتقد إنه الطريقه أسهل من الطرق الثانيه ... كل ما عليكي إنك تبلعين الكبسولات وتترييين النتيجه....
طبعاً السؤال إلي يتبادر على ذهن بعضكم هو: هل الطريقه مجربه؟
الجواب هو نعممممم ... بس مش علي أنا على بنت عمي ... وعطتها نتيجه حلوه مع إنه هي متزوجه وعندها ولد بس صدرها كان مفلطح ... ولما عطيتها الطريقه كانت غير مقتنعه ( يحليلها جربت كثير وتعبت ) ... بس بعد شهرين من استخدام الطريقه بدت تلاحظ إنه صدرها يكبر ويتكور وما زالت مستمره عليها ... وغير كذا لاحظت إنه شعرها وبشرتها تحسنت ....
آخر شي حبيت إنه انبه الحوامل والمرضعات يبتعدون عن هذي الطريقه إلى أن يستشيروا الطبيب .... وإلي تكون مصابه بضغط الدم تحذف عرق السوس لأنه يحبس السوائل في الدم... وأتمنى إنكم تستفيدوا.