ابي طريقة المصقعه زي حق المطاعم

مرحبا

والله وانا نفسي بطريقة المسقعا

بليز ساعدونا

السلام عليكم
راح اقول لكم طريقتي وهي ترى لذيذه وكل من ذاقها عندي سأل عنها

الطريقه مع المقادير
5 حبات باذنجان كبير قشريه وقطعيه شرائح واقليه
1 طماطم مقطع شرائح ومقلي
1 فلفل رومي بارد مقطع ومقلي
افلفل حار اخضر

اولا نحمس بصله ثم نضع 3 فص ثوم مطحون ثم اللحمه المفرومه وتكون طازجه مو اللي مثلج ( افضل )
واذا ما عندك مفروم تقدرين تقطعين اللحمه صغار ثم تسلقينها حتى تستوي ثم تضيفينها للبصل
بعد ما تتقلب فتره نضع مكعب ماجي و صلصه طماطم حبه وحده وفلفل اسود وكمونوإذا تسبكت نضيف لها الباذنجان والطماطم المقليه والفلفل وبامكانك تحطينها با الفرن لو عندك وقت وتطلع اطعم او خليها في قدرها على النار العاديه بس وطي عليها
الخطوه الأخيره فص ثوم نقليه ونحطه على الوجه قبل لا تدخل الفرن

واتمنى يكون شرحي واضح واي سؤال انا تحت امركم

هلا اختي وندش
على حضورك
وان شاء الله البنات ماراح يقصروا
تحياتي لك

وعليكم السلام اختي الشهد
مشكورة على هالوصفه وان شاء اله بجربها
ويعطيك الف عافيه
تحياتي

كيف نقلي الطماط طيب بكذا راح تروح مويته كيف طريقتك بالظبط
وبعدين اذا وضعنها في القدر هل نخلطها جميعا مع بعض هل نضيف الملح مع اللحم المفروم فقط ام نضيفها مع الطماط والفلفل المقلي قبل القلي يعني نضعه مره واحده ام عدة مرات
واذا وضعناه في الفرن هل تكون مخلوطه مع بعض مثل المطاعم ام نصفها طبقات
وهل عندنا وضعها في القدر نحرك النار على طول ام نحرك قليلا ونتركها تنضج ولمدة تقريبا كم
لاني ودي حتى انا اعملها مثل المطاعم
والله الصراحه انني جربتها بكذا طريقه لكن المطاعم لايعلى عليها يمكن علشان اللحم الطازج هو الذي معطي نكهه اكثر لكن كم مقدار اللحم المفروم تقريبا
وكيف ريقتك في قلي الباذنجان هل تقلبينه في طحين قبل القلي لانه يتشرب زيت كثير ام اقليه كما هو
وشكرا