أكيد مليتن من النحف مثل ماملينا حنا السمينات من الشحوم :09:
أنا بعطيكن اليوم الحل بإذن الله راح يفيدكن وينفخكن تنفييييييييييخ بس أهم شي الأستمرار .. يعني لاتنتظرين نتيجه قبل أسبوعين من الأستخدام..
وتراني مجربته زمان بس تركته لأنه زادني 6 كيلو وأنا مابي السمنه
بس شسوي طعمه لذيذ ماقاومه مع القهوه :35:
وحده أعرفه كانت نحيييييييييفه مثلكن ومدمنه حلويات بس ماكانت تسمن وعطيته هذا الحلى أقسم لكن بالله أنها زاااادت 13 كيلووو بعد أكثر من شهرين وصار جسمها يخبل بس كانت تسويه كل عصريه مع القهوه حتى أهله أدمنوا عليه وهذا كلامه لي وهي ماتكذب أبدددد
وأزيدكن من الشعر بيت وحده ثانيه أعرفه زادت كيلو بيومين بعد ماأكلته مع أنه جربت كل شي ولاسمنت يعني مضموووووووون
ماكني طولت عليكن < آوت ..
أدري أنكن حاقدات علي تبن الحلى بس تحلمن ماحطه الا بعد ماشوف خمسه ردود بس مانيب طماعه :16:
أمزح والله لو سويته تسان أنا ماكلتن باند على خشتي
المهم الحلى أسمه حلى الكورن فليكس
تجيبين قالب زبده المراعي أو أي شركه ثانيه بس المهم حجم 100 جرام وتحطينه بصاج وتسيحينه على نار هادئه واذا ساحت تجيبين خمس أو ست ملاعق عسل وتحطينه عليه ثم تجيبين ست حبات مارس أكيد كلكن تعرفنه وتذوبينه مع الي قبله بالصاج وهنا حطي الصاج على أصغر عين وأرخى شي عشان لايحترق وإذا بقا قطع صغار ماذابت طفي عنه وحركيه ياما تذوب ثم جيبي الكورن فليكس وحطي منه وحركي وحطي وحركي ياما يصير شكله حلوو< مايمديكن على الوصف الي تسذا
ثم حطيه في الورق حق الحلى وقدميه مع القهوه وحبذا ماتاكلينه قدام بزر لأنه بيخلصه عليتس
وسلامتكن ..
ملاحظه :
سي يوووو
بنات أسألكن بالله الي تستفيد من هالحلى وتسمن لو كيلو تدعي لي أنحف بدون شر :09:
و تحط تجربته هنا عشان يتحمسون البنات ...
ان شاء الله وزني يزيد ومابنسااااااااااااااكي من الدعاااااءياعسل