طريقة المراهيف

ما اعرف قولي وش لة داخلة احسبك كاتبة عن وصفة قلت نجربها

طريقتي انا واتمنى تعجبك

المقادير والطريقه:

بالخلاط 2 بيضه
فنجال حليب بودره
اذا عندي زبادي اضفته على حسب الرغبه
بصل ني تقشرينه وتقطعينه نصين وتحطينه بالخلاط
شوي سكر وملح
ملعقه صغيره بكنج بودر
نص بياله زيت
2 كاس طحين
3 كاس ماء
وبس اخلطيهن بالخلاط اذا كانت الخلطه ثقيله زوديه ماء واذا كانت خفيفه مره زوديه شوي طحين
لاني انا ماعرف اقيس طبخي كله اكب كب

حمي الصاجه وادهنيه بزيت ثم صبي نص مغرفه بس خلي الصاجه تكون حاميه ثم امسحيه عشان تكون دائره لا ستوت من تحت جيبي ملاسه واقلبيه على الجهه الثانيه وبس

اتمنى تعجبكي طريقتي وعلى فكره انا احيانا احشيه دجاج والفه او امسحه بالزبده تطلع روعه او اسوي له كشنه تطلع
اروع

واذا كنت ابدهنه بعسل مااحط بصل بالخلطه

جزاك الله خير يا ام بدوري على الخدمه الرائعه و*****الله اجربها اليوم واقولك

للرفع

المراهيف مايحطون معه بيض كانك تقصدين تبين المراهيف حقتنا ياهل نجد والقصيم مانحط بيض بس طحين وماء وملح واهم شي يكون الطحين البر الكويس ونخليها ترتاح شوي وتشكل دواير تبلين يدك زيت وترقينها على يدك عاد هذي يبيلها محترفه وتحط على الصاج وهو حار وتكونن رقيقه مره زي الورق بس عاد اذا بغيتي بسمن بري او مرق خظار والله هذا الي اعرفه كان عاد فيه مراهيف ثانيه مادري واول مره ادري ان المراهيف يحشوونها اتمنى اكون افدتك