لكل من ترغب بزيارة الأردن :)/ تم دمج مواضيع الاستفسارات

ردوا يابنات لاتخلوني بليييييز

والله كسرتوا خاطري

شوفي هاد الموقع يا اختي و ان شاء الله انه يفيدك
و ان شاء الله انكم بتنبسطوا فيها
http://www.tourism.jo/inside/main_ar.asp
الاردن كتير حلوه و خاصة مدينة عمان و انا رح احكيلك اللي بعرفه عن عمان بالنسبة للآثار بتقدري تروحي على المدرج الروماني و على آثار جبل القلعه و في مطاعم كتير بتقدري تروحي عليها في عمان و في حتى مطاعم بتعمل اكل خليجي متل المندي
و بالنسبة للصالونات الخاصه بالنساء يعني اغلب الصالونات للنساء فقط و ازا فيه مختلط فيه قسم خاص للمحجبات و انت اسألي و انت على الباب انه للنساء فقط ولا مختلط و اختاري الصالون اللي بريحك و الاسعار مش غاليه من مره
و بالنسبة لل dsl ف فيه في الاردن بس ما بعرف عشانك رح تسكني في شقة شو الطريقة بس اسألي اصحاب العمارة اولا و بعدين اسألي شركة الاتصالات و احكيلهم انك سائحه و شوفي شو بحكولك
و ان شاء الله بتمضي اجازه ممتعه فتحتي علي المواجع لأني كتير مشتاقه لأهلي و لمدينة عمان و لكل اشي فيها للشوارع و للناس و لكل شي:( عشان هيك انبسطي عني و عنك:)
و بالنسبة للأسواق بتلاقي اسواق في وسط البلد و في جبل الحسين و في تلاع العلي و الجاردنز و في الصويفية يعني اعملي جولات على هاي الاماكن و في مولات كمان
و خدي ولادك على حدائق الملك عبدالله و على مدينة الجبيهة الترويحية و في اماكن كتير بس انت اسألي
و ما تنسي اتدوقي الحلويات في الاردن متل الكنافه و الحلو و روحي على محلات متل حلويات القاضي و حبيبة
و بالنسبة للعمله في الاردن هيي الدينار = 100 قرش و نصف الدينار =50 قرش و ربع الدينار =25 قرش و فيه ال 10 قروش و ال 5 قروش رح تحتاجي تعرفي هاي الاشياء عشان الاسعار
و الله يسعدكم يا رب و بس ترجعي من الاردن احكيلي كيف كانت اجازتك:26:
و ازا عندك اي استفسار ابعتيلي على الخاص و ان شاء الله اقدر اساعدك
وازا معك وقت زوري مدينة البتراء و مدينة العقبة انا للأسف ما صحلي ازورهم بس اللي زاروهم حكوا عنهم انهم كتير حلوين و ان شاء الله بس اروح على الاردن رح ازورهم اكيد اذا ربنا اراد

اختي اذهبي للعقبه والبتراء حلوه كثير وراح تنبسطوا خاصه علي الشط باليل الجو جميل والصالونات اين ما كان قليله جدا التي فيها رجال يعملون والملابس جدا حلوه للنساء خاصه واذهبي لقلعه الربد الاولاد سوف ينبسطون وتوجد مطاعم فخمه في عمان تستطيعين الذهاب لها جو عائلي مريح اما المبيوتر لا تاخذيه معك انبسطي وعندما ترجعين خبرينا عن زيارتك ---البحر الميت ايضا نسيته

أدخلي ملف الاردنيات والفلسطينيات وأسألي مايحلو لك

http://forum.hawaaworld.com/showthread.php?t=853931&page=97#Scene_1

وبإمكانك مراسلة إحداهنّ على الخاص للسرعة

رحلة سعيدة