نزول دورتي وبداية رحلة التنشيط الطبيعي

السلام عليكم ورحمة الله وبركاته

صباح الخير
ان شاء الله تكونو بخير

استيقظت مع زقزقة العصافير واذا بام السعد تنهمر وتنهمر ..<<بتكتب قصه
المهم بصراحه يابنات اليوم نزلت الدوره بشكل غير كل مره لما صحيت من النوم حاسه نفسي تعبانه كان اوقف بروح الحمام الا هي تصب على رجولي ولا قدرت اتحرك من مكاني غير سحبت بلوزه معلقه قريب مني ورميتها على الارض ووقفت عليها ولو شفتوها كاني قاتله قتيل عليها
المهم رحت بعدها على المطبخ وجهزت خلطتي

المقادير بكوب كرفت الصغير
كاس حبه سوداء
كاس حلبه
كاس يانسون
نصف كاس قرنفل نصف كاس شمر ونصف كاس كمون خلطتهم مع بعض وقلبتهم الين اختلطو وبصحن ثاني حطيت
كاس سمسم وكاس رشاد عشان ما ابي اطحنهم

طحنت المقادير كلها وبعدين خلطت معاها السمسم والرشاد وقلبتهم زين وقسمتها نصفين اضفت على نصف عسل الغابه السوداء الحجم ال250 غرام وقلبتها وخليتها على جنب وشلت الباقي بكيس بالثلاجه

ان شاء الله راح ابدء من بكره اخذها


فطوري اليوم كوب مرميه بعدان غليت الماء صبيته فوقها تركتها عشر دقايق وشربتها اكلت معاها ثلاث حبات تمر مخلوطه بالحبه السوداء


الغداء راح يكون ان شاء الله سلطة خضار مشكله واكثر شي الخس فيها
العصريه راح تكوتن كوب زنجبيل اخضروكوب قرفه


وراح اشرب طول اليوم مويه

العشاء زبادي بالثوم

وكل شي تسوينه قولي بسم الله الرحمن الرحيم قبل كل اكله وقبل كل شربه

وراح امشي لمدة ساعه وهذا نظامي هالمره ودعواتكم