29-06-1430 هـ, 06:46 صباحاً
السلام عليكم ورحمة الله وبركاته
هاذي أول مشاركه لي بها القسم وحبيت اليوم أوريكم طريقة منال العالم في عمل البرياني مع اشوية اضافات من عندي
بس برياني انما أييييييييييه حتكلوا صوابعكوانبدأبسم الله المقادير :دجاجه مقطعه صغار، بصله متوسطه مقطعه جوانح، فصين ثوم وسط مقطع صغار، زنجبيل حجم متوسط مقطع صغار وهذا أساس النكهه، 3حبات طماطم مقطعه مكعبات، 2ملعقتين كبارصلصه، مرقة ماجي حبه، بطاطس متوسطة الحجم مقطعه مكعبات كبيره،2زبادي ،مقدار مقطع من الكزبره،3كاسات رز منقوعه، مقدار من بهارات ناشونال للبرياني أوشان اللي تحبي أهم شي لبرياني الدجاج وراح احط صورته للي ماتعرفه، هيل ومسمار حسب الرغبه،قليل جدا من صبغة الزعفران طبعا زيت حسب الرغبه
ونجي لصور المقادير





نبدأ نحمس البصل في الزيت ونحط معاه الهيل وامسمار يسوي نكهه حلوه

ثم نظيف الثوم والزنجبيل

نتركه لين يتحمر ثم نظيف الطماط والماجي

بعدين نحط الصلصه ونتركه يتسبك شوي


لاتردون بكمل
29-06-1430 هـ, 06:49 صباحاً
كتبت علشان أرجع لموضوعك لا يفوتني
أكملي بارك الله فيك
29-06-1430 هـ, 07:26 صباحاً
بعدين نضيف الدجاج وكاسين مويه




بعدين نحط صبغة الزعفران


بعدين نحركه اشوي ولمى يبدأ يغلي نحط البطاطس

ونغطي عليه وبها الوقت نسلق الرز في مويه وملح وزيت بس نص سلق يعني تطفين عليه ويكون مثلا باقي له 5دقايق ويستوي


نطفي عليه بعد حوالي ثلث ساعه أولمى نحس انه باقي له 5دقايق ويستوي وهنا شوفواشكله


بعدين نحط الزبادي والكزبره


بعدين تضيفين البهار حق البرياني تقريبا ملعقه كبيره وشوفي اذايحتاج ملح لأنه حطيناماجي من أول


وهاذي صوره بعد ماخلطنا والنار مطفين عليها ،أنا اخذ قليل من المقدار وأخليه صالونه ناكلها مع الخبز بعد ماأضيف له قليل من الفلفل الحار الطازج واااااااااااو تطلع غير شكل


أخر شي ياحلوين تاخذين قدر ثاني وتحطين قليل من الرز كطبقه وطبقه من الصالونه وطبقه رز وهاكدا بعدين حطي قصدير ووطي النار على اوطى شي وخليه 7دقايق وبعدين افتحي وشوفي وشمي الريحه يميم
للأسف الحظه هاذي نسيت أصورها
بالأخير حطيت الرز والصالونه والسلطه وسلطة فواكه معاها وتغديناها

وآسفه اذا التصوير موواضح لأنه من الجوال وبالهناء والعافيه وقولوا ماشاء الله لاقوة الابالله
29-06-1430 هـ, 07:37 صباحاً
يسلمو
29-06-1430 هـ, 08:00 صباحاً
الله يسلم قلبك حبيبتي
29-06-1430 هـ, 08:06 صباحاً
شئ يشهي تسلم اناملك
29-06-1430 هـ, 08:27 صباحاً
شهيتيني فيها بالمره

بصراحه أحب البرياني موت

خلاص بسويه على الغدا

بس انا احب احط شرايح ليمون وقت طبخ الدجاج تطلع روعه

وبعد ارش على الوجه وبين الطبقات نعناع مفروم عشان النكهه

تسلم الايادي يا عسل

بس تراني ضعفت لما قلتيلي ناكل الصالونه بالخبز

حرام عليكي قاعده اسوي رجيم

بس بكافئ نفسي اليوم وبسوي البرياني ههههه

اللهم أرزق ذريتي صحبة الأخيار وخصال الأطهار وتوكل الأطيار اللهم
بلغني فيهم غاية أملي بحولك وقوتك اللهم متعني ببرهم في حياتي وأسعدني بدعائهم بعد مماتي
29-06-1430 هـ, 08:40 صباحاً
تسلمي اختي على الوصفة


ماشاء الله تبارك الرحمن
29-06-1430 هـ, 11:55 صباحاً
اقتباس مشاركة  (صندوق المجوهرات)
شهيتيني فيها بالمره

بصراحه أحب البرياني موت

خلاص بسويه على الغدا

بس انا احب احط شرايح ليمون وقت طبخ الدجاج تطلع روعه

وبعد ارش على الوجه وبين الطبقات نعناع مفروم عشان النكهه

تسلم الايادي يا عسل

بس تراني ضعفت لما قلتيلي ناكل الصالونه بالخبز

حرام عليكي قاعده اسوي رجيم

بس بكافئ نفسي اليوم وبسوي البرياني ههههه
ومن سمعك أناقاعده انزل الصور ومشتهيته بس شنسوي مع الرجيم
ياحيتي كسرتي خاطري يالله يوم ترفيهي ماراح يصير شي
29-06-1430 هـ, 11:56 صباحاً
وباقي البنات ألف شكر


الساعة الآن 05:25 .

جميع الحقوق محفوظة - عالم حواء - 2015